تكفون موقادرة انام:(

[ليالي نجد]

نفس المشكله عندي

 

[الضاميه]

الله يعين

 

[دوللي]

ركبي شتر على دريشتج وارتاحي

 

[دانـــه]

انا توني بقولج عن الشتر

اي والله وايد وايد يخفف الازعاج بس طبعا لو كان شتر زين مو بطقه

بس طبعا بيكلف بس بعد شنو تسوين الزم ماعليج راحتج


الله يعينج


..
.​

 

[الضاميه]

مشكورين خواتي والله يعين ان شاء الله


ادعولي

 

[جكورة]

الله يعينج....

نفس مشكلتي لما أروح بيت أهلي قمة الإزعاج تدرين شسوي ( أشغل المكيف ) أخف شئ بس صوووت ...

 

[محظوظه ومحبوبه]

انا عندى الحل










تبين اتعرفينه







تدعيلى لانى ماراح اقولج غيرى عرفتج او غيرى اتجاه الشارع او عطى انذار لعيال الجيران




الحل يا محفوظة السلامه نامى وانتى مشغله التلفزيون صدقينى انا بشقه وزوجى لما ينام يشغله والازعاج حواليه من التلفزيون ولما يبدا ازعاج الاولاد مايفرق من التلفزيون او من فلذات كبده جربى وقولى النتيجه مباشره ولا تقولين انا احب الهدوء لان بعد كذا مره بتتعودين

 

[سيدة الكويت]

قلت حق زوجى يقول غيروا الجامه

الى دبل قلاص يعنى دبل

والله يسهل عليج

 

[انا كويتية]

حبيبتي احنا بيتنا على الشارع العام بس ما اسمع ولااااااااااشي لأن مركبين دبل غليز واللي قالت عنه الأخت سيدة الكويت.... واي احد بيته على شارع مزعج لازم يركبه ولا بيصير لا ليله ليل ولا نهاره نهار

 

[HoNeY_GirL]

الله يعينج

احنا مثلج بيتنا على شارع الغوص والله نص الليل افز من نومتي على صوت السيايير يتقاومون ويقحصون وماادري شيسون بس شسوي اقوم اتحلطم وارد انام الله يسامحهم

ليش ماتجربين تسمعين قران وطولين على الصوت ليما تدوخين وتنامين

 

[طال السكوت]

سوي سواتى انا ؟؟؟؟
شنو سويت ؟؟

ابطل المكيف بعززززز الشتا واخفف ارقامه :eh_s(11):

البروده نتغلب عليها باللحاف ......لكن هالاصوات شلون نتغلب عليهاااااااا

الا بهالطريقه

 

[جبنة بيضة]

حطي شتر وانسي الازعاج أنا بيت ريلي مركبين فهدووووووووووووء

 

[جبنة بيضة]

ترفاليو بشويخ صوب اتو زيد و هالسوالف

 

[دانــــه]

مشكلتك صعبه ولكن مب مستحيله


شوفي حبيبتي


اي حاجز بين البيت وبين مصدر الضوضاء بيشتغل كعازل للضوضاء


اعطيكي عدة اقتراحات ولك الاختيار حسب طبيعة بيتك

اولا : الأشجار .. تزرع بمحاذاة الجدار اللي يجي من صوبه مصدر الضوضاء .. وأحسن الأشجار هي الكثيفة الأوراق .. واللي تتمدد بالطول

جربي مثلا شجر السرو

هذا الحل عملي وشكله جميل وحلو

ثانيا : هناك الواح من الخشب الصناعي او الطبيعي ممكن تركبيها اعلى الجدار وبارتفاع يصل لحد مستوى الدور العلوي من البيت

هذا الحل فعلا يعزل الضوضاء ولكن يمكن شكله ما يكون حلو اضافة لأنه يمنه الهواء عن البيت


ويمكن بعد تركبين الواح من الزجاج البلاستيكي فوق الجدار .. يمكن شفتيهم على جوانب الطرق السريعه باوروبا

هناك المشروع نفسه يتضمن حواجز الضوضاء لمنع انتقالها الى السكان .. يعني المشروع اصلا يتضمن وسائل عزل الضوضاء ولا يقوم السكان بتركيبها وهذا هو المفروض

لذلك .. أقترح عليكي تدمجي بين الحلين الأول والثاني .. بمعتى ان تسوين عرشه من الخشب وتزرعين اسفلها نباتات متسلقه .. يوم تكبر بتلتف حول العرشه وتشكل عازل للضوضاء

عندك مثلا نبات اللبلاب او الياسمين او المجنونه ( وسخ اوراقها كثير )



لو بيتك ما فيه بالجدار عازل حراري .. انصحك تركبين على كافة الجدار للبيت عازل حراري من داخل الغرف .. ويغطى بالواح الجبس .. بهذي تضربين عصفورين بحجر عازل حراري وعازل صوت .. وتنامين بكل هدوء وراحه


كذلك أأكد على كلام اختي سيدة الكويت .. الزجاج المزدوج للنوافذ .. ما في حل بدونه للفتحات .. ويمكن بعد تركبي عليه شرائح خشب او المنيوم ( شيش )

هذي مانعات الضوضاء .. بس مب متخيله شلون تلبسهم الوحده بالبيت مع المكياج والكشخه .. وشلون بيسمعون بعض .. !!:eh_s(9):



أتمنى لك نوما هانئا واحلاما سعيده:eh_s(6):