تكفون يابنات ابي فزعتكم مصدوووووومه؟؟

[{الرمش الخجول.!]

ياحلاتج توني اقراا ان راضاج الحمدلله فديتج اي جذي فرفشي وخليه درس لج صيري مرنه ياعمري وخلي يكون اسلوبج احلى تعرفينشلون ترقعين وتتداركين المواقف و عطاج كلمه عطي عشر بس شلون بحيله وضحك سكتي بس بضحك يابعد قلبي تتهنون ياربي الله يسعدكم

 

[نونو العصله]

انتي جرحتيه على فكره
هم ما يحبون احد بدوس لهم على طرف
وانتي تقولين فيه لوز
ميخالفف تحملي
هو يمكن حاب يوصلج المعلومه انه حسي بلي انا حسيت فيه
ويالج بيعتذر الصبح
انتي شكلج حساسه
نصيحه لا تعودينه على زعلج
ترا بعدين بكون عنده شي عادي
و لا تطولين وانتي زعلانه عليه
ترا السالفه بسيطه

اذا انتي واثقه من نفسج
ولا يهمج عطيه طاف

 

[العفاسيه]

ههههههه مسكين كسر خاطري بدال ماتدارينه تعبان
ترا الرجال اليوم يراضيك بكرا يمل منك

 

[رآآحٺ آيآمڪْـ]

إلله يصلحـه ..~ْ

 

[قلبي عبدالله]

انتي بأسلوبك حتى لو كان مشتهي تطفي شهوته وتحبطيه

مسألة العلك والحلاو هذا شي طبيعي بين المتزوجين كنتي المفروض تاكلي علك وتعطيه علشان ماتبيني له

الله يهديكم ولا يجيب الزعل بينكم ونصيحه لاتتعودي تزعلي على اشياء تافهه وتتركي البيت اليوم راضاج بكره يعند ويقولج طقي راسج بالطوف

 

[كوكو شانيل 2]

تسمحين اقول لك رايي بصراجة ومن خلال خبرة على عدة نقاط :

- حاولي بقدر الامكان تصبرين على عيوب زوجك ولو كانت صغيرة مثل ريحة سمار خشونة وغيرها ولا توضحينها له بشكل مباشر اصبري او حاولي تعالجينها بشكل ذكي بحيث ما تعيبين فيه بوضوح بل يفهم انها لاخرين ويحذر منها مثلا -----------انتي وذكاءك
لان الرجل موته زوجته تعيبه ولا تستنقصه

- كلنا كنا مثلك على طول بكي بس خلاص المفروض تكوني اكثر نضجا وتتعاملين مع الامور ببساطة لانه كلما زعلتي كبرت الفجوة بينكم حتى لو من مواضيع بسيطة والحياة اذا ربي اعطاكم عمر مليانه احداث تحتاج نضج اكبر وعقل وتفاهم بينكم

-رأيي تبتعدين عن تدخيل اهلك بامورك حتى لو بدون ما يعرفون بمعنى زعلتي رحتي لهم بسكات على بالك ما بيفهمون
لا لازم تحلين امورك ببيتك ولا تدخلين احد مهما كان

- زوجك عابك بشيء يوجعه وهو الطول بحالتك المفترض انك تبتعدين عن ابراز هذا الشيء من خلال كلامك وافعالك يعني لاتطرين الطول وهذا طويل ولا قالوا طويله او غيره وبالفعل يعني لاتلبسين كعب ولا شيء يزيد طولك لما تمشين معاه عشان ما يتحسس والحين موديلات احذيه الله يكرمك واطيه وحلوه مره

- لما يراضيك زوجك ارضي ولا تكبرين السالفه بعدين يقول هذي عنيدة ويعاند ولا يتردد بارضاءك وتصيرين انتي تدورينه يراضيك من كثر ما يعاند ويطنش خاصة الرجل مو مثل المرأه حساسة جدا

واسأل الله يصلح بينكم يارب ودعواتك لي بتحقيق ما اتمناه عاجلا غير اجل يارب

 

[جوري 2007]

اللي فهمته انه قال لج ام ريحه يعني يطنز على روحه وانج قلتي له فيك ريحه والمقصد بالاول والاخير عنه

وانتي كبرتي الموضوع وصار من الحبه اوباا :/

ان شاء الله تتعدل اموركم وتطوف هالسالفه على خير ياقلبي

قاعد يطنز على نفسه واااضح ، وين ثقتج بنفسج اقعد اموووت روحي بجي عشان جذي !

 

[دلوعه عيود]

انا برايي ليمن يه وقالي كنت اتغشمر جان طووفتي


الريال بوقت النرفزه و العصبيه ما يحس بعمره نهاائياا


انتي طوفي ولج اجر فكري باعيااالج


وروحي بيت اهلج ريحي نفسج


بعدها اكيد برجعج اهووو
وانتي لا تكبرين وتقولين ابركلي ومادري شنو
ترا غلط وربي

الريال بمل


ديربالج


اذا بردج ردي معاه وانسي
بس ثقلي النفس لو اشوي

عشان يعرف ما يغلط بس مو تهدين البيت

ديري بالج اذا عودتي الريال ان يقعد بالبيت بدونج بتعود

والياهل على ماتربينه و الريال على ما تعودينه

عوديه انج تكونين بالبيت اقباله كل يوم

عان بعدين ماراح يستغنى عنج ابد

 

[ام مناوي2009]

الله يعطيكم العافيه يااابنات
ماقصرتوا تم الصلح
والحمدالله
واشكر اخواتي
كوكو شانيل وجوري 2007 ودلوعه بحياتي
لكم مني احلى تحيه معطره

 

[*الشيـــهـانـة*]

يبا عادي انتي قلتيله ريحت حلجك خايسه واهو قالج يا ام ريحه كلن قام يعاير الثاني بالريحه
الموضوع كله ريحه بريحه مايستاهل هالزعل

 

[سوسن1980]

الله يصلح الحال

 

[لمسه حزن]

حبيبتي
انتي غلطتي وتحملي نتيجه تصرفج
اولا : فاقد الشيء لايعطيه
انتي تبين الاسلوب من زوجج وانتي بالاساس
كلمتيه باسلوب قاسي واحرجتيه
كنتي سويتي طريقه العلج باسلوب غير مباشر
من غير تجريح وتعاملتي معاه باسلوب
الطفل الكبير
ولا زعلتي هالزعل ولا بجيتي كل هذا
بس ..
لاتنتظرين منه التغيير اذا ماطبقتيه
على نفسج..
تحياتي

 

[مفرفشه عالاخر]

اللي فهمته انه قال لج ام ريحه يعني يطنز على روحه وانج قلتي له فيك ريحه والمقصد بالاول والاخير عنه

وانتي كبرتي الموضوع وصار من الحبه اوباا :/

ان شاء الله تتعدل اموركم وتطوف هالسالفه على خير ياقلبي

وطووووفي عادي الرياجييل كل شي يقولونة وهو شكله حساس وانتي حساسه

 

[ميشو المالكي]

الموضوع بسيط بس أحس أنك كبرتيه
أنتي جرحتيه بالأول وهو ردلك الكلمه على مزح
وأن كان على طولك هو أكيد أنه شافك قبل الزواج وأقتنع فيك مو ألحين يجي ويطنز بشكلج
الله يهديه بس
هدي نفسك والله يسخره لك

 

[ونات الخفوق]

تزعلين وتروحين بيت اهلج
والله بيموتون ضحك عليج