تكفوون ساعدوني

[--1430sultanah]

انا متزوجه من 8 سنوات ولا لقيت على زوجي اي نوع من الخيانه لدرجة حتى جواله اعرف اشغله ولا عمري لقيت شي ابد وكريم معاي ومع عيالي ولا يقصر بشي ابد المهم قبل فتره اول مره يجي البيت وماسح السجل استغربت حركته ويوم سالته قال عادي بس علشان الفضول يروح عنك بس انا مااقتنعت واستمر بمسح السجل خمس ايام المهم باليوم الخامس جا من الدوام ودخل الحمام وهي تجيه رساله فتحتها الا مسجل بااسم واحد من خويانه والرساله فيها وينك ياحياتي المهم انهرت وانجنيت قالي هذا واحد من خوياني يسوس فيني مقلب وبعد مانام اخذت الرقم ودقيت لقيتها حرمه ورحت وواجهته قالي هذي السالفه من خمس ايام وحده تدق علي وتقولي احبك وقالت له معلومات عنه وعن حياته وجلس يكلمها ويرد على مكالمتها من باب الاستدراج 0000وقالي اسم عايلتهم لانها جته مع السواق علشان يتاكد انها حرمه ومن رقم لوحة السياره طلع اسم عايلتهم ووين ساكنين 0000ورحت دقيت على وحده من زميلاتي بنفس الحي اسال عن اسمهم قالت فعلا موجود عايله بحينا بنفس الاسم ---هنا تطمنت حسيت انه ماكذب علي وقالي بعد انها مره دقت عليه تقوله تعال بطلع معك وهو رفض000طبعا من وقتها مادقت عليه ولاهو يدق لانه مايمسح السجل بس خفت قلت يمكن عند زوجي جوال ثاني وانا افكر بفكره اني اهددها برسايل اني اعرف اسمها واني بجيها بالبيت وكان زوجي بالدوام ويوم جا لقيت مكالمه منها على جواله بس مارد عليها هنا تاكدت ان مابينهم جوال ثاني لان لو عندهم جوال ثاني مادقت على رقمه هذا 00000ومن بعدها ماصار شي ابد ودخلت لي على موقع بالنت اسمه خدماتي ادخل اسمه ورقمه المدني ويطلع لي كل المكالمات لو قبل شهر وفعلا مالقيت رقمها عنده السالفه خمس ايام فقط مثل ماقال بس بجد انا من داخلي تعباااااانه ذبحني الشك رحت ودقيت عليها وقالت لي زوجك هو الي بالبدايه دق علي ومدري من وين جاب رقمي وانا حبيته وعلى فكره هو يحبك ويحب عياله وقلت له ليش تقولين كذا قالت كذا انا عرفت انه يحبك ويحب عياله ---ورحت لزوجي وقلت له ترى هي تقول انك انت الي بديت وكلمتها وراح وجاب المصحف وحلف لي ان البدايه هي الي دقت عليه ------واكتشفت بعدين انه مرسل صور عيالي لها وسائط ويوم واجهته قالي هذا من طرق الاستدراج طبعا حتى يوم يرسل العيال كان بالخمس ايام ماتعدت هالعلاقه هالخمس ايام -------انا بشكي لكم اني من داخل تعبانه وذبحني الشك فيه وعلى فكره وداني بعد السالفه الي راحت سفره تهبل وسكني بخمس نجوم وجاب لي هدايا بالهبل ويحلف لي انك حياتي واني والله احبك موووت بس من داخلي تعباااانه مره ذبحني الشك بالله وش رايكم ها هو برئ ولا كان بينحرف بعدين تندم وصور عيالي وش تفسيرها هل معناها انه ارتاح لها تكفففففون ردو علي الله يفرجها عليها الي ترد نسيت اقولكم اني يوم سالت زوجي ليش خبيت السالفه عني من البدايه قالي لو اقولك ماتخليني اتصرف واكلمها واشوف من وراها وحلف لي قال والله كنت ناوي يومين وانهي السالفه بس اتشولله قدر انك تكتشفين تكفوون تشوفونه صادق الله يوفقها الي تحللي الموضوع انا تعبت والله نزلت 5 كيلو من عرفت عايشه بعذاااب الله يفرجها عليها الي تساعدني

 

[اشتياق]

الحمدلله اشوفه حبوب وخوش ريـال الله يتمم عليكم
ويبعد عنكم بنات الحرام والله البنات اعوذ بالله صايرين لزقه بالريـال غصب طيب
اعتبريها زلة وراحت وانطوت وابدي صفحه جديده

 

[ام الحلوه والمزيون]

الله يستر عليه من بنات الحرام

 

[امواج الكويت]

حبيبتي انت جايبه الهم لنفسج زوجج ماحط جهاز اول سنينج بيحط الحين
وانا اشوف انج ماخذه خوش رجال وعسى ربي يهنيكم

 

[سنفوره كويتيه]

رد : تكفوون ساعدوني

ماكو مشكله وين المشكله ؟؟؟؟

اذا ريلج صارحج بكل شي

والشي تشوفينه بعيونج

انتي دخلتي الشك بحياتج خلاص خلي تلفونه ولا تتعبثين فيه

حلوه الثقه بين الزوجين

وعيال الحرام وايد دام ريلج يحبج ويصونج

هددي البنت انج بتعلمين اهلها او تفضحينها من باب التخويف اذا صار لها علاقه بريلج او اتصالات

ولا تبينين حق رريلج انج بتسوين هالشي

والله يوفقج

 

[سوسن1980]

رد : تكفوون ساعدوني

انا احس زوجك صادق

 

[لوراااا]

رد : تكفوون ساعدوني

برد عليج بخصوص صوره عيالج اتوقع طرشها يبي يوريها انه عنده عيال ويحبهم اذا الواحد بيخربط يحط صوره عياله بذمتج

 

[~LiBrA~]

رد : تكفوون ساعدوني

الله يهديكم لبعض

 

[MISS-_-FLOWER]

رد : تكفوون ساعدوني

حمدي ربج انه يخليج تمسكين تليفونه
في ريايييل اذا مسكت الحرمه تليفونه يقلب كل شي على راسهااا

 

[ام شووووق]

رد : تكفوون ساعدوني

اتعوذي من ابليس وابعدي الشيطان عنج

 

[قلبي عبدالله]

كلامه منطقي جدا

والله يبعد بنات ابليس عن حياتكم

 

[قلبي عبدالله]

وبعدين لو مو صادق معاكي راح تشوفي تناقض في كلامه او ثغره ممكن تكشفه

بس واضح ان الرجال برئ

 

[--1430sultanah]

رفع

 

[--1430sultanah]

رفع

 

[ام الدرر]

حبوبة لا تخلين الشيطان يخرب بيتج
زوجج اعترف وما حاول يماطل اويخش شي
ممكن بلحظة ضعف وسوس له الشيطان
والبنت اعترفت انه مابينهم شي ودللت على كلامها بانه يحبج ويحب عياله
استهدي بالله يابنت واستودعي رب العالمين قلبه وبصره وسمعه
عسى الله يتمم عليكم ويكفيكم كل شر​

 

[نشيج الروح]

حبيبتي لا تدخلين الشك بحياتج وتخلين الشيطان يغلبج وتدمرين علاقتج الزوجية ... شوفي أخذي على الظاهر وإذا كان في شي الله سبحانه يحاسبه وبيده يفضحه أو يستر عليه ... أما أنتي فعيشي حياتج وخليج حريصة على زوجج وكوني زوجة وليس امرأة

 

[شموسة كيوت]

رد : تكفوون ساعدوني

الله يوفقك لبعض

خلاص من كتاباتك مشكلتك محلولة ان شاءاللة مايرجع لها من جديد

 

[توتة عسل]

رد : تكفوون ساعدوني

الله يخلييكم لبعض

 

[الأميرة جوري]

رد : تكفوون ساعدوني

الله يحفظه من بنات الحرام ويخليكم لبعض

 

[--1430sultanah]

رفع