تكفووون ي خواااتي انصحوووني :((

[متعومسه]

السلاام عليكم ورحمة الله وبركاااته ..

حباايبي انا توني مسجله بالمنتدى لآني محتاااجه احد يرشدني .. آحس إني تايهه وضاايعه ..
بقولكم ساالفتي وبحآول اختصررهآ .. لآنّي متآكده مهمآ كتبت ماراح اعبّررر عن اللي فيني واللي آحسه ..


عمري 23 الله رزقني بزوج صاالح يحبني واحبه .. عشت وياااه اياام حلوووه بس كااااان فيه مشكله بحياتنا وهي ( آمه )
يشهد علي ربي كنت اعاملها مثل امي واكثر على اني كنت اسمع منها كلاااام جااارح ونغزات ل الراس بس كنت ادوس ع نفسي واسسسسكت ، وابدا ما خطر ع بالي اشتكي منها لولدها لاني عاااارفه انه مستحيل بيسمع فيهاا .. ويمكن يكذّبني ..
تخيلو وصلت معها تدش غرفتي وانا عند اهلي بتشووف انا نظيفه ولا لا ، تفتّش دروجي بتشوفني مرتبه ولالا . مشكلة امه فيها وسواااااااس نظااافه ويتهيآلها كل الناس وصخه وهي النظيفه ..
المهم ان حياتي مع زوجي تدهورت يوم ورا يووم وبدا يتغير علي ، والسبب امه !
تتكلّم فيني وتعبّيه علي .. انا اسمع كلام واجد عنها بس ودددددي اعرف ليه تسوّي معي كذا ؟؟
والله ما امدح نفسي بس عارفه اني ماضريتها بشي ..

من الآخر .. تمشكلت مع زوجي وكبرت السالفه وطلبت الطلاق ، تخيلو بعد ماطلبت الطلاق قال ورقتج بتجيج والله يعوضج خير !!!
بااااعني بكل سهووووله ، مع انه اول يشهق باسمي ويموووت علي !!!
انا مصدووووومه تطلقت قبل شهر وللحين مو راااضيه استوعب ، شلون هنت عليه !!
والله اني اصلّي واتحسب على امه ..

قبل يومين دقت مرت عمي خطبتني حق ولدها ، خاااااااايفه اتسرّع واندم .. ولد عمي فيه كل الميززات اللي تحلم فيها كل بنت ، وهذا اول عرس له ،، بس مشكلته اصغر مني بسنتين ...



محتاااااااااره ي بنااات. تكفووون ساعدوني ابي نصييييحتكم لو كنتو مكاني شراح تسوون ؟!




آسفه ع الاطااله



../

 

[ł ŏ ł γ . . ✿]

يا حبيبتي انتي والله

الله يكون بعونج الطلاق كلش شي مب سهل و ربي بياخذ حقج من امه و منه بعد بس وكلي امرج لله و الله مابيضيع حقج **

و اذا على ولد عمج تقولين كل شي فيه زيين بس انه اصغر منج بسنتين ترى عادي حبيبتي في نصهم يتزوجون و فرق السن كبير

صلي استخاره كذا مره و ان شاء الله خير / و اذا الله كاتب لج خير ف هالزواج الثاني بتلقين امورج بسرعه تمشي

بس اذا الله مب كاتبه يكون من نصيبج بتلقين كل شي يووقف و تطولون

صلي استخاره و ادعي و الله يعوضج خير يارب و يمسح ع قلبج و يرزقج بالزوج و الذريه الصالحه يارب

 

[أإلع ـشق دلع ـهـأإ]

وآفقي ع ولد عمتج وأنتي مغمضه ..

نصيحه نصيحه نصيحه نصيحه من أخت لآختهآ لآلآلآلآلآلآتضيعين ولد عمتج ..

أكسري قلب طليقج وامه بزواجج من وآحد أحسن منهم وآمه أحس من أمه ..

خيره لج ربي عوضج بوآحد يستآهلج ..

نصيحه تكفيييييييييييييييييييييييييييييييييييييييييييييييييييييييين وآآآآآآآآآفقي ..

أعرف شكثر اخذوا اصغر منهم عاادي عايشين مرتااحين لآنه العمره ماله شغل العمر بس رقم ماايااثر ..

توكلي ع الله واستخيري ووافقي يكفي انه امه عمتج منج وفيج واختارتج وتعرف كل شي عنج وانتي تعرفينها وولدها الكل يمدحه ..

ادعي قولي ربي اكتبلي الخيره ربي سخره لي ربي عوضني خير ..

والله يوفقج ..

 

[دلع العتبان]

اول شي لكل شي خيره لج باذن الله وانتي الواضح حبيتي هالرجال حييل والله بلاج فيه ووقولي الحمدالله على كل حال والحمدالله بعد انج افتكيتي منه لانه موحر نفسه شكله امه تقول طلق قال ايه تزوج قال ايه بالعكس من باعنا بعناه ولو كان غالي والحمدالله بعد ماجبتي عيال وابتلشتي فيه بعدها ببوهم الي ماله شخصيه كلش ولاله قرار وصلي استخاره واطلبي الله الخيره بكل امر وعلى الرجال الي خطبج هذا بعد لانه الفرص ماتجي الا مره وحده للانسان وان رفسها ماراح تجي مره ثانيه توكلي على الله واستخيري وفكري بنات مومتزوجات مولاقيات رجال شحال مطلقه ؟؟

المجتمع صحيح تطور والكل يفكر عادي انه مطلقه عادي بس همن فرص الزواج راح تجيها قليله وبالاخير الرازق الله سبحانه

ربي يعوضج خير وحسبي الله على امه ان كانت السبب والله يكتبلج الخير وين ماكنتي وتوكلي على الله ​

 

[نور المطيري]

حبيبتي ميخالف عساها خيره لج والله يعوضج بولد عمج
اهم شي استخيري وتوكلي عرب العلمين وربي ماراح يخيب رجاج واكثري من الاستغفار
وع سالفه العمر عادي كلها سنتين مو 10 سنين
الله يرزقج اللي فيه الخير يارب

 

[بنت ديرتها]

حبيبتي استخيري والله يكتبلج الي فيه الخير
و انا من رايي انه توافقين على ولد عمج دامه ريال و انتي بنفسج تمدحينه وافقي الله يسر امورج انشاءالله
و طلاقج يمكن خيره لج
الله يوفقج ..

 

[متعومسه]

فدييتكم والله ..

انا راااضيه باللي كاتبه ربي لي .. واللي مريحني آكثر اني ماقصصصصرت فيهم .. وضميري متطمن ..

خااايفه بس اني اتسرّع واوافق على ولد عمي .. لان توه صغير عمره ٢١ .. يمكن خطبته لي طيش شبااب .. امه تقول انه يبيني من قبل اتزوج
بس اخاااف آوافق عليه ويتشمتون اهل زوجي خذاها واحد اصغرررر منها ..



الله يكتب اللي فيه الخير ، ومشكوووورين ع نصايحكم .. وربي كنت محتااااجه احد يسمع لي ويحس بمعاناتي
ولاتنسوني بدعواتكم لبا قلوبكم




../

 

[ASOMA]

انطري شوي يمكن يرجع لج وهو متندم

 

[Tulips]

حبيبتي الله يعوضج

حسيت من كلامج انه ودج طليقج يرجعج .. وانا اقول لا تبنين آمال مالها اساس .. اذا باعج بهالسهوله مايشوف شر ١ يروح في عشره غيره .. وجرحج مرده بيطيب وهذي اهي الدنيا تعطينا طراقات ونتعلم منها ..

بالنسبه لود عمج انا اقول لا تستعيلين توج طالعه من تجربة زواج فاشله .. خلج شوي مع نفسج لين تهدى و بعدها قرري اذا تبينه ولا لا ..

وبيني وبينج ولد عمج صراحه وايد صغير على مسؤولية الزواج والبيت .. بس انتي بالنهايه القرار لج وانتي بعدج صغيره مو كبيره علشان تحاتين اذا بتتزوجين ولا لا ..

والله يوفقج حبيبتي ويرزقج باللي يعرف قيمتج ويصونج .. والاهم انج تطلعين ببيت بروحج بعيد عن تدخلات اهل الزوج وتجربتج الاولى تكفيج

 

[حلاتي ابتسامتي]

ما عليك من شماتتهم

كلام الناس مايخلص

دام هو طلقك خلاااص مادري ليش حسيت ان ما عنده شخصيه يعني يحبك وتحبينه ويطلقك بسهووله >>

صلي الاستخااره وتوكلي على الله

 

[فديت اللي في بالي]

ياقلبي استخيري ربك

والافضل تشوفين رأي اهلك لانهم الاولى في مصلحتك


والله يوفقك ويسعدك يارب








اللهم صل على النبي​

 

[tt2tt]

لا تزوجين واحد اصغر منج بعدين يقوم يعايرج

 

[NaYoob]

حبيبتي الله يسهل عليج
وما عليج من كلام الناس والبنات اللي تبي تنصحج
تقولج استخيري صلي ركعتين وأدي ربج اذا خيره لج يتيسر لج الزواج من ولد عمج
واذا مو خيره يبعد هل زواج عنج وتوكلي على الله

 

[متعومسه]

تدروون وين المشكله ؟!

ان ولد عمي مستعجل يبي الرد .. مرت عمي دقت كم مرّه .. قلت لآمي تقول اذا يبيني يصبر علي وانا ما افكر بالعرس الحين ( اذا عدّتي ما خلصت للحين ! )


واللي تقول انه بيعايرني ب العمرر < هالشئ اللي مرددني ، الرياجيل مالهم امان

 

[.. آبيك لي ..]

حسبي آلله عليهَآ ,
طيب أذآ عآيرج قوليله بضضحك ( حآصلك أحد يدلعكك ؟ بس إن شآء آلله مو تقلبينهآ جد ونبتلش
يعني قوليهآ بضضحك وعآدي ترآآآ , كللله عممر مآعليج هو آللي جآي يبيج ويبيج بعمرج وبكلج وكآفي ولد عمتج بعد شتبين
لو انتي اكببر منه وهو يدري ومايبي اللي اكبر منه جان ماخطبووج صح ولآ لآ ؟
في من جمآعتنآ آكببر ممنه بـ 15 سسسنه ! وآلله عآيشين أحلآ عيششه
بس بآلآول وآلآخير أستخيري وإن ربي كآتبه لج آلله يوفقج ويعوضضج يَ رببب
بآلتوفيق حيآآتي ~

 

[شاي ونعناع]

انتي مسكينه وكنتي طيبه قولي الحمدلله الف مره ربج يحبج ودايما رحيم بعباده زواجج الاول طلع فاشل حاولي تقتنعين مو منج بس شتسوين ساعات الواحد تصير له امور ينصدم منها وتكون غلطة غيرنا مو اخطاءنا وصدقيني كل واحد ياخذ نصيبه من الدنيا وشكلج ودج بزوجج الاول بس اهو باعج شتبين فيه ماعنده شخصيه ولد امه ولو استمريتي معاه كنتي راح تتعبين وتتأذين احمدي ربج ماعندج منه عيال اقول بدام ولد عمج خوش انسان وزين توكلي علي الله وافقي تري مع احترامي لج شايفه مجتمعنا شلون ينظر حق المطلقه وربج يحبج وسخر لج ولد عمج وافقي وكل ظالم له يوم وطليقج راح يجي يوم يندم علي كل دمعه والم سببه وهالشي خيره لج الله يوفقج بحياتج

 

[شاي ونعناع]

العمر تري مو عائق انا اكبر من ريلي ٣ سنين عاااااااااادي وحياتنا عسل توووج صغيره والحياه جزامج واهي ماتبيج لولدها لانج خوش بنت صدقيني وراح تكون حياتج غير توكلي علي الله

 

[so0oma]

الله يحفظج يارب

وبحفظ الرحمــن

 

[so0oma]

انتي مسكينه وكنتي طيبه قولي الحمدلله الف مره ربج يحبج ودايما رحيم بعباده زواجج الاول طلع فاشل حاولي تقتنعين مو منج بس شتسوين ساعات الواحد تصير له امور ينصدم منها وتكون غلطة غيرنا مو اخطاءنا وصدقيني كل واحد ياخذ نصيبه من الدنيا وشكلج ودج بزوجج الاول بس اهو باعج شتبين فيه ماعنده شخصيه ولد امه ولو استمريتي معاه كنتي راح تتعبين وتتأذين احمدي ربج ماعندج منه عيال اقول بدام ولد عمج خوش انسان وزين توكلي علي الله وافقي تري مع احترامي لج شايفه مجتمعنا شلون ينظر حق المطلقه وربج يحبج وسخر لج ولد عمج وافقي وكل ظالم له يوم وطليقج راح يجي يوم يندم علي كل دمعه والم سببه وهالشي خيره لج الله يوفقج بحياتج

ماشاءلله ردج مضبووط وحلو ردج عليها

بس حرآآآم يمكن زووجها راح يندم انه طلقها :eh_s(2)::eh_s(2)::eh_s(2)::eh_s(2):
واهيا اذا حززنت يمكن تصير حزينه او تتدمر حياتها :eh_s(2)::eh_s(2)::eh_s(2)::eh_s(2)::eh_s(11)::eh_s(11):
حرآآآم بعدين شتسسوي ؟ :eh_s(2)::eh_s(2)::eh_s(2)::eh_s(2)::eh_s(2):

 

[سعوديه خقوقه]

واااااااااااااااااااااااااااااااااااااااااااااااااااااااااااااااااااااااااااااااااااااااااااو
مو صدق اختي نفس نفس نفس نفس نفس سالفتك نسخ لصق سبحان الله
.
.
اذا ما عندك ولد ولا شي يربطك بطليقك وتندمين عليه تزوجي

اختي (مو اختي اختي بنت خالي) كانت موووت متردده قلت لها وش بتتحسفين عليه بتتزوجين واحد انتي اول فرحته ووولد عمك وعارفته وعارفه خميرته وعارفه عمك وعمتك وناس طيبين واجاويد..وافقي بس وافقي لا تندمين بعدين وشيها اللحين عندها ولد وواحد بطريق ومستانسه
.
.
استخيري اول شي

يله الله يوفقك وييسر لك