تكفووون ي خواااتي انصحوووني :((

[أمي قرة عيني]

أول شي ريال يمشي بشور أمه شحقه تفكرين فيه والله خيره بأذن الله وحلو خطبج ولد عمج شكله حاط العين من زمان ^_^

استخيري أنتي بعدج صغيره لا تضيعين عمرج وأنتي مصدوومه على قولتج !! اللي راح رااااح

والله يكتب اللي فيه الخير لج وللكل ^_^

 

[المـــــها]

تدروون وين المشكله ؟!

ان ولد عمي مستعجل يبي الرد .. مرت عمي دقت كم مرّه .. قلت لآمي تقول اذا يبيني يصبر علي وانا ما افكر بالعرس الحين ( اذا عدّتي ما خلصت للحين ! )


واللي تقول انه بيعايرني ب العمرر < هالشئ اللي مرددني ، الرياجيل مالهم امان

بصراحه أنا أقول تركدي و تو الناس ما يصير يخطبج و انتي ماخلصتي عدتج!!


ديننا فيه العده للمرة سبحان الله جل جلاله عشان تهدا النفوس و ممكن زوجها يرده
و لا تتسرعين بالقرار هذا زواج مو لعبة



قولي لعمتج توج ماطلعتي من العدة خل يصبرون عليج أصلا حتى نفسيتج مو مستقرة

 

[مس قطريه]

اللي باعج برخيص بيعيه بتراااب

كيييفه مو الا هو عااد ما ادري منووو !!!

حدج كسرتي خااطري

بس شوووفي الله م خلق غيره وهذي خيره لج اكييييد

الله عمره ما يضر عبده ..حبيبت استخيري عى ولد عمج ما ادري عمتج

والله يكتب اللي فيه الخير ان ما اقول لج تزوجي عشان تنسين الاول

لا انا اقول تزوجي عشان ما تنسين نفسج وتصيرين كبيره ووحيده

واذا انتي زينه مثل ما تقولين ...هو الخسرااان هو اللي خسر من حطته على راسها

وصانت اسمه وشرفه ...خلي كرامتج وكرامه اهلج محفوووظه وتزوجي ولا تنسين تعزمينا عاااااد

اتمنى اني افدج براايي بس صدقيني يا حبيبتي ...ما ينفعج الا نفسج .. فلا تضرين نفسج


الله يوفقج مليووون مره

وبشرينا عاااد اذا بتتزوجين ولالا عشان نسوي لج عرس بالمنتدى لوووووووول


تحياتي

 

[αмάι]

يا حياتي

الله ييعوضك باحسن منه

وان شاءا الله امورك بتتحسن

انتي استخيري وان شاء الله ربي بيكتب لك الي فيه الخير

ولد عمتك احس انه شاريك يعني فيه احد يتزوج احد اصغر منه وتوها متطلقه ومعزم يبيها ويبي رايها بسرعه

اكيد انه يحبك وشاريك وخايف انك تضعين منه

انا اقول اذا حاسه انك بترتاحين معه لا تدرددين

وطلقيك باعك من دون سبب انتي بعد شوفي حياتك وتزوجي

الله يسهل امرك ويهدي نفسك

 

[متعومسه]

ي لبااا والله ..

كلااامكم مريييح حيييل وخفف علي والله ..
لاعدمت طلتكم ونصااايحكم ..



//

 

[tbola]

صلي استخاره

 

[Tom ♥ Jerry]

.



استخيري و توكلي على الله !
ولد عمج شكله يبيج و شاريج ، من جي أول مآ تطلقتي على طول ييه و خطبج !
توكلي على الله حبيبتي و آن شاء الله الله يعوضج بـ ولد عمج خير

: )

 

[السفيرة عزيزه]

الله يعوضج خير استخيري ووافقي على ولد عمج قولي لهم بعد العده ارد عليكم

ولو مرت عمج مو شايفتج سنعه وخوش بنت ما طاوعت ولدها ورضت تتصل عليكم تخطبج وهي تدري انج اكبر منه ومنفصله

كل ام تبي المره السنعه والعاقل حق ولدها

توكلي على الله واستخيري

والله يكتب لج الصالح

 

[بنت المامون]

حبيبتي الله يعوضج

حسيت من كلامج انه ودج طليقج يرجعج .. وانا اقول لا تبنين آمال مالها اساس .. اذا باعج بهالسهوله مايشوف شر ١ يروح في عشره غيره .. وجرحج مرده بيطيب وهذي اهي الدنيا تعطينا طراقات ونتعلم منها ..

بالنسبه لود عمج انا اقول لا تستعيلين توج طالعه من تجربة زواج فاشله .. خلج شوي مع نفسج لين تهدى و بعدها قرري اذا تبينه ولا لا ..

وبيني وبينج ولد عمج صراحه وايد صغير على مسؤولية الزواج والبيت .. بس انتي بالنهايه القرار لج وانتي بعدج صغيره مو كبيره علشان تحاتين اذا بتتزوجين ولا لا ..

والله يوفقج حبيبتي ويرزقج باللي يعرف قيمتج ويصونج .. والاهم انج تطلعين ببيت بروحج بعيد عن تدخلات اهل الزوج وتجربتج الاولى تكفيج

معاها كلامها صح مية بالمية:rerrerek::rerrerek::rerrerek::rerrerek::rerrerek:

 

[Polandya]

قطيييه ورا ظهرج و دام بااعج بسهووله يطلع مو ريال و دياية امه !!
وافقي على ولد عمج لا يهمج الفرق بالعمرر دام شاريج ويبيج مافي مانع
ولا تنسين انتي صرتي مطلقه مو اي احد يقبل فيييج فكري عدددل

 

[ساره أمها كويتيه]

البنات ماقصروااا
الله يكتبلج الخيره ويفرج همج يااااااااااااااااااارب
أستخيري وتوكلي على الله
الله يوفقج حبيبتي