رد : تكفوووون ابي زوجي يغااااار علي يشك فيييني طلب غريب بس لي ظروفي
مشكورين بنات
بقولكم اللي صار معاي انا اتعامل مع اخصائيه مثل ماقلت لكم انا قبل لاتعامل معاها كنت اهتم بنفسي وجمالي وشكلي وهذا وطبع فيني وانا بنت ومن تزوجت زوجي وهو راعي سوالف كان مستانس علي اول شهرين بعدين تغير وصار يطلع ومايرد الا بالليل وكنت اكشخ لنفسي
الجزء الثاني
لما شفته منطش كلمته شفيك شايف مني شي وانا كنت توني عروس شهرين قال مافيني شي بس وناسة ربع وارجع تعبان
حاولت معاها اني اهم من ربعك ولي حقوق مافي فايده
بعدها قالت لي الاخصائيه اني اتغير واهمل بشكلي علشان يحس اهو اني تغيرت وسويت اللي سوته والنتيجه
والله انه مايطالع بشكلي كلش ولادرى عني اني متغيره
الجزء الثالث
بعد مرور سنتين من زواجنا
بدا الشك فيني ووقت نومه مسكت تلفونه وكان مسكر برمز سري طلعت خطه وحطيته بتلفوني ونطرت ساعتين بعدها وصل مسج ( حبيب النوري اكيد نايم ) دقيت على طول البنت سمعت صوتي وسكرته علي دزيت لها مسج ردي ابيج بموضوع
ردت علي وعرفت منها انها متعرفه عليه قبل
سنه ونص يعني لما مر على زواجنا 4 اشهر هو تعرف عليها وقالت انهم يموتون ببعض وان وعدها بالزواج وكلام يذببببببببببببببببببببح حسيت نفسي بيغمى علي من القهر وسكت انا ولاقلت له شنو السبب اني خفت اقوله طلقني ويسويها وانا عندي
ظروف خاصه مستحيل ارد بيت اهلي بعد ماطلعت منه تميت متواصله مع البنت والبنت كانت منقهره لانه ماقالها انه متزوج وكل يوم تكلمني وتسجلي صوته واسمع انواع الغزل فيها اموت من القهر
زوجي شاعر وعمره ماكتب فيني شعر وكنت اشوف بمدوانته بلابتوته الخاص اشعار عن النوري اللي هي حبيبته ولما اساله يقولي انا شاعر ولازم كل يوم يكون لي قصيدة بأي بنت ولما سالته ليش مايكتب بااسمي كان يقولي اسمج مايصلح للقصيد
