السما الزرقا
New member
- إنضم
- 18 يناير 2009
- المشاركات
- 330
- مستوى التفاعل
- 0
- النقاط
- 0
خواتي انا كان عندي اندونيسية وكان باقي لها شهر وتكمل سنتين وطول الفتره اللي كانت عندي ما كنت اشوف مثلها وكل اللي يشوفها يحسدني عليها...
زينه حيل مع عيالي ( عندي ولد 3سننين وبنت سنه) ونظيفه وطباخة وتحبهم وهاديه ما اسمع لها صوت وتصلي وتصوم ومع شطانة ولدي وحنة وازعاج بنتي عمرها ما شكت منهم وانا زينه حيل معاها لحد ما يوم قبل اسبوعين تقريبا بدون ما يكون في بالي رديت بيتي بوقت ما كان وقت ردتي وانصدمت بموبايل بغرفتها عالشحن وانا ما كنت ادري عنه ولا كنت اشك فيها لحظه لانها اصلا ما عندها وقت بالمره لهالسوالف المهم ولاني في شقة برا بيت حمولتي خفت لا تكون متعرفه على شباب وتدخل وتطلع بكيفها عند عيالي وانا بالدوام يا غافلين لكم الله..:tomato2: وديتها المكتب وقعدت فترة متلعوزة خدامة داخلة وخدامه طالعة ما عجبني احد من هالخدم وهم الخدم كانوا يشتكون من شطانة ولدي وبعد فترة من التمصخر لقيت نيبالية ورضت تشوف العيال بدون ما تتشكى منهم وقالت ليانا احب اليهال وبقعد سنتين وانا ارتحت لها بس بعد 5 ايام وزجي كان راد البيت بياخذ شغلة وقبل لا يدخل الشقة سمعها تصارخ على ولدي وجنها طقته على ايده واول ما دخل انصدمت الخدامة بس زوجي سكت وسوى نفسه ما سمع شي واهو طالع اخذ ولدي وعطاها 10 دنانير وكلمها باسلوب زين يقولها انا اهم شي عندي بيبي لا تسوين مشاكل معاهم ولا تصارخين عليهم هذول صغار ما يعرفون شي حرااااااااااااام.............
طبعا انا اول ما قالي كنت بروح اقطعها وانصدمت منه قلت له انته تكافئها انها تطق ولدك وقالي هاذي بشر واكيد بتعصب وولدج انتي تعرفينه شيطان احنا ما نتحمل شطانته شلون اهي اللي مقابلته طول الوقت مع البنت وشغل البيت وبعدين انتي ما مليتي من الخدم كل شوي مبدلين فيهم حتى العيال تعبوا ولما درت خالتي ام زوجي هدتني وقالت عادي عشان يخاف منها وما يزعجها ما فيها شي كل الخدم جذي وانا غصبن علي انطميت مع اني بموت من الحره شكو تمد ايدها على ولدي وانا عمري ما طقيته بس شسوي قعدوا يقطون علي حجي محد من الخدم بيقعد عندج وانتي جذي وديري بالج ترى خدم بيتنا وخدم اهلج بينحشون كل الخدم اللي بتيبين لانهم اخذوا عنج فكره ان ماكو خدامة رضت تقعد عند عيالج ودوامج قرب لي متى بتعلمين بهالخدم ويطلعون وعيالج تعبوا نفسيا من هالاشكال اللي يشوفون يوميا شكل
تناسيت السالفه غصبن عني واليوم وانا تو قاعده من النوم بتطمن على عيالي قعدت ادورها وبطلت باب حمامها لقيت ملابس داخلية مالت وحده عروس مو خدامة ... ارتفع ضغطي شكو خدامه تلبس جذي؟؟؟؟؟؟؟؟؟؟؟؟؟ الوان عجيبه وبوش اب وكت وكريستال ووو
انا سويت روحي ما شفت شي وطرشتها تودي ولدي بيت حمولتي قبال بيتي ودخلت دارها قلت بشوف اغراضها عشان اعرف اهي شنو؟؟؟ وشنو ناويه عليه؟ (مع ان هاالطبع مو فيني ولا احبه ولا احب افتش حتى لو خدامه بس قلبي نقزني وقلت عادي عشان ارتاح واتاكد منها ومن اخلاقها) وانصدمت بمكياج شدوات وحمر حمره وغلوسات وفاونديشن وسلاسل وتراجي وجينزات وتوبات علاق والمصيبه لقيت موبايل وشحنه وهاند فري بس اول مره اشوف خدامه عندها موبايل مو سكه.. نوكيا اخر موديل (الله يعلم شلون جابته..غريبه غالي عليها)؟ وطبعا من الخرعه ما فتشت بكل مكان خفت ترجع بسرعه وتشوفني.......:eh_s(14)::eh_s(14):
انا اخذت الاندر وير والمكياج وقطيته من الدريشة بصراحة ما ادري ليش بس عصبت حيل وانقهرت وخليت الموبايل ولبسها الثاني
والحين ما ادري شسوي؟؟ اواجهها؟؟؟ والا اسكت؟؟ اخاف خالتي بعد الله يهديها لا قلت لها شنو شفت تقول بعد عاااااااااااااااااااااادي مو اختي ولا بنتي خلها تسوي اللي تبي.. ما تبيني احتاس بالخدامات وتبي راحتي:0bee2e8d89:
وانا بصراحة كرهتها من طقت ولدي وبعد اللي شفته مابي اشوفها
شسوي مليت كل يوم خدامه .. مابي احط بذمتي بس شكل الاندونيسية سوت لي شي عشان مايقعدون الخدم عندي:eh_s(1):
