أنا لما بديت أتعلم الميك أب شريت مكياج الهنود والصراحة ما قدرت اطيق استعمله .. جودته حق ساعتين بس موب أكثر
كل ماركة ومعروف شو تشترين فيها يعني شدوات شارمل وميك أب فور ايفر يتحدون أي براند ثاني
وشدوات الهنود حلاتهم اول ساعة وعقب يبهتون .. وغير جيه على الدمج كأنج ملونة عيونج بأقلام فلوماستر مال التلوين بالمدارس
ممكن أستعمل ماركات بريطانية وأمريكية وفرنسية رخيصة مثل ماكس فاكتور ولوريال بس مستحيل أحط بويهي شيء صيني أو هندي أبدا أبدا
الأساس جربت كذا نوع ولا نوع رخيص حسيته ناسبني .. اللهم ماكس فاكتر اخر نوع نزلوه هذا حلو ومناسب الباقي كله خرطي
بس أساس كلينيك وأساس ميك أب فور ايفر وأساس ماك وايستس لودر وهالماركات ما ودج يخلص عنج من حلاته
الارواج كل الماركات الرخيصة فيهم ريحة وطعم بلاستيك غير التخزين السيء في محالات يسكرون مكيفاتها بالليل والغبرة وغيره أما الماركات ففي الغالب يكونون روعة وثبات وألوان جذابة
الماسكرا اللي يابت راسي عقب لانكوم هي لوريال اتش دي ولوريال كولاجين أما برجوا وريميل وغيرهم يع يع يع منتهى اليع
هالايام لقيت ستاند فلورا في أبوظبي وخذت بودرة أجربها والصراحة حلوة ناوية أخذ غيرها .. بس لو كان المحل في سوق شعبي ما ظنتي كنت باخذ
الناس أذواق وموب سالفة غرور واللا خقة بس يمكن اللي يناسبني ما يناسب غيري .. أنا وحدة موووووووووول ما يناسبني مال الهنود والتقليد أبدا أبدا .. وما أحس إنه فيه شيء حلو في هالبضايع
من كلامج حسيت انج من ابوظبي او اماراتيه
م
انا اتكلم عن مكياج الهنود بالكويت مو الامارات
ف ماعندي أي فكرة عن المكياج الي بديرتكم
وانا وحده صارلي 10 سنين أحط مكياج واعرف وابخص بكل شي
مافي فرق أبدآ والشدو لمعته وكل شي نفس الشي
انا ما ادافع عن مكياج الهنود لا والله مالي مصلحه اصلا
بس هذا الصج
نهائيآ ماكو فرق
وبالنسبة للريحة اللي استخدمتهم انا الحمر والشدوات بصراحه نظاف ولا اكو ريحة
الحمر ريحة حلاو بالعكس تشووووووووووق ونظاف وثابتين
يمكن انتي جربتي انواع غير
واذا مسكرة برجوا وريميل تقولين عن وييييع وبشده !
يعني انتي ذوقج يختلف عن الاكثرية بالمكياج
حياج الله حبيبتي نورتي موضوعي :eh_s(7):
