تلفونه الثاني

[ربيع_الروح]

السلام عليكم ورحمة الله وبركاته
حبيبتي قريت ردود البنات وفي ردود مأعجبتني صراحة وفي ردود مشيتها ومأبي أقرى بعد ،. شوفي أنا أختج بالله وشإيفه اللي حاوليني من أهل واصدقاء ، مجتمعنا محافظ صح لكن غير مسؤول ! ٌهذي نقطة ، بقولج شيء مثلا أخذتي الفون وفتشتيه وشفتي بلاوي سوده » فكرتي شنؤ بيصير فيج انتي ؟ لأاء طبعا أنا بقولج راح تبجين راح تكرهين فرأشج وتكرهين زوجج وبيتج واهله ، حياتج بتصير ضيقه بضيقه والطامة الكبرى إذا واجهتيه ! وهذا أكبر غلط لأنه يا بيكرهج عيشتج أو بيعاملج معاملة سيئة بحكم انج نبشتي وراي ، يا بيبرر موقفه لج ويقول كيت وكيت ولاتفهميني غلط وبيجيب لج مئة عذر ومن حكمة ربج علينا عطانا الحنان والحنيه بمجرد انه يبرر لج ويتعذر بتنكسرين عنده خصوصا إذا صج. تحبينه حب وبيلمج بحضنه وبيحسسج بالاهتمام والحنيه ، لكن معا هذا راح تظلين محطمة ومكسورة جدا ومصدومة طول عمرج ، نجي للمثال الثاني طلع الفون مؤ له لواحد ثاني أحد من ربعه شنؤ بتكون ردة فعلج ،
خلينا من هذا كله ، ردود البنات شيء مؤ من واقعنا ولاوحده طبقت اللي تقوله لج وماتدرين إذا صج صاير أو لاء ، وهذا بدال لا تنصحونه قاعدين تزيدون الطين بله وتشيشونها على زوجها وانتو محاسبين على هالشي ، أختي حبيبتي بقولج شيء حطيه بإذنج واخرميه بعد ، الرجال ماتقدرين تملكينه وتعرفين شنؤ بقلبه بالضبط ، إلا بعد العشره تعرفين هالشي وما أقصد العشره سنة وله 5. سنين لاء بعد 20 وفوق تعرفين هالشي ، والرجال إذا يخاف الله يخاف الله فيج انتي بعد لأنه ربج أمر عليه ، واذا خانج بيخونج كتابي أو صوتي .، مايقدر بشي ثاني لأنه مجمعنا جدا فاسد وفي أدله كثير ، بنات الحرام واجد ! إذا ملكت قلبه انتي تملكينه هو وهذي النقطة اللي لازم تركزين عليها ! وثقي بالله ثقة تامة ربج مايضرب بعصى واتركي الوسواس عنج والكلام الفاضي وتقربي لربج وكوني واثقه انه بيصونج ويحافظ عليج مثل نفسه لأنه شريك حياتج من الدرجة الأولة ، واكبر دليل انج منتي واثقه انج مريحته انج شاكة فيه وتبين تنبشين وراه .
حبيبتي أدري كلامي يغث بس أنا أقول واقعنا ما أقولج شغلات اقرأها وأطبقها عليج !
حبي نفسج وعيشي حياتج لأتركضين ورئ بليس وتفتشين وتصير حياتج كلها ندم وتحسر ، تقربي من ربج صدقيني بتلقين الراحة وبيبعد الشكى عند والوسواس ، واخر شيء حبيت أقوله لج :
استغفر الله حتى
يتسع القلب حتى تصغر هذه
الدُنيا ، حتى يغفر الذنب ..

انا رايي من رايها

 

[Um Tuki]

بس وهذا احنا
كل ما وحدة قالت ريلي يخوني

قلتوا لها لبسي قميص نوم
تدلعي
دلعيه

اهوا طبعا المستفيد .. دلع من الصوبين
من الغبية اللي بالبيت
ومن بنات الشوارع اللي برع


اخذي التلفون خليه عندج
حوسي و تأكدي اذا له او مو له
و عقب فترة قوليله حبيبي مافقدت تلفونك يعني ؟ والا طلعت لك غيره !!

 

[طيبة83]

ما قريت ردود البنات بس لازم تواجهينه شهل خرابيط؟!!

لو الريال لقى تلفون ثاني عند زوجته جان كسره على راسها

 

[أم حسوون]

السلام عليكم ، ما ادري عن طبيعة زوجج بس شالمشكلة أن عنده تلفون ثاني معظم الرياجيل عندهم اثنين واحد للدوام وواحد لحياته الاجتماعيه ، إلا اذا أنت متأكده أنه يخربط ، وبعدين يمكن جهاز بس بدون شريحه يمكن حق أحد من أخوانه او ربعه عطاه إياه ما يبيه ، أما إذا كان فعلا راعي سوالف فأولا يمكن أنتوا للحين ببداية زواجكم وهاذي بقايا أشياء قديمه مو مهمه ، اذا كنت متزوجه من زمان هني لازم ما تخربين على عمرج فكري قبل اي قرار خصوصا أنه زين معاج وتقولين يحبج ، يمكن تطلع أشياء عاديه مو علاقات قويه مجرد كلام ، فأنا مع أم خزامى لا تهملينه اهتمي فيه وحاولي تعمينه عن غيرج وكثر استغفار ودعاء.

 

[ياهم لدي رب]

حذار حذار من المواجهه المكشوفه لانج بالنهايه بتعيشين معاه للابد ومو حلوه يكون عارف انج عارفه انه خاينج بجذي يتغير شيء بالحب بينكم وممكن بعد يصير الوضع جهوري يعني خلاص عرفتي حقيقته فما يهمه حبوبه سمعي كلامي:
فالبدايه حطي نفسج مادريتي عن شي ومو شاكه فيه ابداً لكن قوليله انا الله بلاني من بعد زواجي باشياء ما كانت تصيرلي وانا عند ابوي واخواني وابجي قوليله ان انا اتعرض لارقام غريبه ولما اطلع يتعرضون لي قولي ماتجروا علي كثير لكن انا خايفه جداً لانه معروف بالشرع اللي يسويه الزوج بالناس يصير لزوجته وذكريه بحديث الرسول وكذلك حادثه السقا .. هذي الامور ترعب الرجال طبعا قوليله انا واثقه فيك بس ليش اتصيري هذاالاشياء اهو اهني بحمق ويحتر وهديه قولي الوضع مو مثل ماانت متصور لكنانا خايفه منالتمادي وانا عمري بحياتي ماصارلي جذي لما كنت في ولاية ابوي واخواني كانوا صاينيني ويخافون الله في بنات الناس عشاني وخليه يوعدج انه يصونج وخليج ذكيه قولي انا واثقه فيك بس يمكن عينك بالخطا تطيح على بنت مني ولا مناك وهذا تؤثم عليه لانك المفروض تحرص اكثر لان عندك زوجك وهذا الموقف بغيره كثير

واشتغلي مره ومرتين وثلاث على نفس الموضوع سببيله غيره ووسواس يمكن يمنعج ماتروحين الامعاه لكن عادي اهم شيء مايخونج شيء عن شيء يهون وكلها فتره تعودينه على ترك ما ابتلى به

وفي حال واجهتيه خليها بعد فتره طويله شهرين من الموضوع اللي قلتلج عليه لايكتشف انج تمثلين ديري بالج واذا واجهتيه يكون بطريقه ذكيه يعني قوليله انا مرعوبه مابي اشوف شنو فالتلفون طبعااهو مستحيل يعترف وهذا افضلج وابجي وكبري المسأله وخوفيه قولي انا لي الحين واثقه فيك لكن تأكد اذا في يوم من الايام اكتشفت انك تخوني مابينا تفاهم طلاق(طبعا كل هذا وانتي حاطه نفسج مو مكتشفته)
واختي كل السابق قبل ماتسوينها صلي استخاره لان الله يبارك لج في تصرفاتج والله العظيم عن تجربه انا مجربه هالطريقه نتائجها 100٪ بس تبي صبر وذكاء و دعاء اخر الليل ادعي الله انه يترك هلخرابيط

وهذاالدعاء: اللهم اجعل لنا من ازواجنا وذرياتنا قرة اعين واجعلنا للمتقين اماما>>هذا فضله انه باذن الله مايشوف غيرج
وودعيه الله قولي اللهم اني استودعك زوجي وعدم خيانته لي وانت لاتضيع ودائعك كل صبح

 

[سعوديه 1]

# سالفه البنات بتويتر شوفي بينهم تويتات او مسجات بالتويتر او لا ... يمكن مجرد فلو وبس ..

# انتي شفتي الفون بالسياره وع طول قلتي يخون ويكلم اكيد ؟؟ يمكن لواحد ناسيه عنده .. او هو مطلع تلفون لغرض ثاني مو للي ببالج ..

# طلعي اي عذر وقولي احتجت شي بسيارتك ويوم فتحت الدرج شفت فيه تلفون انت عندك خط ثاني ؟



ولاتدخلي الشك بحياتك بدون اسباب واضحه ومقنعه ومواجهه اكيد


وبالمواجهه يا بتكسبيه او تخسريه فكري قبل اي تصرف ..

 

[بحرينية زقرت]

السلام عليكم ...

اتمنى انج للحين ما واجهتيه بعصبية وصراخ وصياح او تصرفتي غلط ..

مريت بنفس الموقف بس مشكلتي اتبعت اسلوب غلط غلط غلط وصارلي سنة ونص وانا للحين احس بنفس الالم وجنه الشي صاير امس !
ليش؟ غلطتي ان فتشت في التلفون !

اقولج نصيحتي؟ انا مو من ذيلين الي اقولج خلي في قلبج وسكتي وصبري وتعدلي وجذبيه ناحيتج ..
لانج من الاساس مابتقدرين تتعدلين ولا تدلعينه ولا تجذبينه ناحيتج وقت الي تكونين مكسورة من الداخل ..فاقد الشي لا يعطيه

جفتي تلفونه؟ في وين في السيارة صح؟ مرة بصندوق السيارة ومرة في الدرج...

الريايييل اغبية ترا .. انا نصيحة مني لا تجوفين شنو داخل التلفون حتى لو الفضول يذبحج .. اذا تبين تواصلين حياتج معاه لا تجوفين شنو داخله ..
روحي اشتري ساعه وغلفيها .. وحطي ورقة يمها لصقيها في الهدية مو بقلو او صمغ.. لا دعسيها في الشريطة تبع الهدية وبس ويكون مكتوب فيها... (ماتوقعت ان يوم من الايام برخص بعينك وتفضل هالشي علي ولا توقعت ان يوم من الايام الانسان الي عطيته كل مافيني يكسرني بهالشكل)).. وخلي الهدية مكان التلفون بالضبط واخذي التلفون معاج

انا ليش قلتلج سوي هلون.؟! عشان اول شي الرياييل حمـــ..ر اذا جافج ماخذه التلفون بيقولج تنبشين بسيارتي
فانتي تضربين عصفورين بحجر.. كأنج بغيتي تحطين له هدية مفأجاه وبالصدفه جفتي تلفونه.. وبنفس الوقت تراوينه ان انتي تحبينه وجوفي شتسوين له وبالنهاية اهو شنو يجازيج..

وانا مابيج تخلين التلفون في السيارة لان يقدر بكل سهولة ينكر ويقول التلفون لصاحبي..
وعقب كيفج انتي معاه تبين تبطلين التلفون جدامه ويواجهج بكلشي او لا

واانا احب المواجهه الي تكون هادئه لاني جربت الاثنين الصراخ والهادئ
لما صرخت وصحت محد نفعني تعبت نفسيا بشكل مو طبيعي حسيت نفسي مينونة!

بس لما واجهته بهدوء جذبته صوبي حسسته ان غلطان من راسه لين ريله وحسسته بالذنب وخليته اهو بنفسه ايي يعتذر

مع ان ريلي من النوع الي مايعتذر ولما اواجهه بالعصبية كان دايما يواجهني بالطق حتى لو كان اهو الغلطان!

بعد ماتواجهينه بتقدرين تسوين الي يقولون لج عليه البنات تبتدين حياه يديدة وتدلعينه وتجذبينه صوبج
بس اكيد مو سيدة من بعد السالفه تروحين تدلعينه !
.. طبعا خلج جم يوم وعقب يزعم تتناسين شوي شوي وتبتدين حياة يديدة


وسوري طولت عليج.. واذا كان كلامي بعيون بعض العضوات غلط
انا اقولهم الرياييل موكلهم نفس الشي
كل واحد يبيله طريقة شكل
والله يهدي سركم انشالله وترا انا حاسه فيج وايد انتي لا تضايقين روحج ولا شي مو ماخذين من هالدنيا شي ترا

 

[Bnt aldo7a]

مشكلة هالريايل ما يترس عينهم شي

 

[مولاي الفرج]

انا مكانج لاااازم اواجه ما اتحمل اسكت

بس مو بصراخ لا بس تعاتبينه وتقولين له اكتشفت بالصدفه وابيك تفهمني شقاعد يصير

 

[الله يجازيك]

حسبي الله علئ كل خاين

 

[وداعيه]

نصيحه : اذا هالمره سكتي حطي ف بالج راح تظلين. طول عمرج ساكته و منهانه

حطي له حد لكن بهدوء مو عصبيه
وكثري استغفار وعسى الله يهديه ويهدي جميع المسلمين

الدنيا تخرع الين صار المغازل شي عادي

 

[um_3l7lwen]

مشكووورين حبايبي ماقصرتووووا بنصايحكم ابشركمم الحمدالله
واجهته بكل هدوووء وتعذرلي وحذف احساباته وكسرت الخط بيدي وعطاني الجهاز

 

[um_3l7lwen]

مشكووورين حبايبي ماقصرتووووا بنصايحكم ابشركمم الحمدالله
واجهته بكل هدوووء وتعذرلي وحذف احساباته وكسرت الخط بيدي وعطاني الجهاز

 

[مدّهره !]

الله يهدي سركم وويسخره لج .’,

 

[جامعيه طموحه]

الله يسخره لج

 

[الجسوره]

احسن شي الصراحححححه ... الجذب حبله قصير

 

[sh_mashael]

اول شيّ المفروض تتوقعين عنده اكثر من تلفون شوفي كل من عنده تلفونين او اكثر
تفاهمي معاه بهدوء
و الله يعينچ