تمنيتي حد ينصحج بنصيحة معينة قبل الزواج؟

[الدرة الغالية]

نبي نفيد ونستفيد ​

مشكورة اختي قلتي شي ودنه نقوله ثانكيو .....​

العفو حبوبة،
أتمنى تزودينا من اللي عندج إذا كنت متزوجة..

 

[الدرة الغالية]

انا عن نفسي نصحوني بس ماسمعت النصيحه

ومتحسفة انج ماسمعتي بالنصيحة؟

تمنيت انهم ينصحوني بوايد شغلات

اطلب سكن خاص فيني
تكون علاقتي عادية مع اهله وما اعمتق فيها
اي شي يبي يسويه لي اخليه يسويه و ما اقوله لا مابي اكلف عليك
احط حدود بيني وبين اهله

وسلامتكم

تجربة حلوة نقلتيها لنا،
عسى ربي يسعدج ويسهل امورج حبيبتي..
يسلمو على النصيحة..

انا تزوجت كبيرة عمري 30 سنة و كنت ناصحة روحي و خالصة لووووووووول يعني مفتحة و عارفة كل شي بالامور الزوجية و الحمدلله و شفت مشاكل الناس و عرفت شلون احلها

اهم نصيحة بالحياة الزوجية انج ما تدخلين غريب بمشاكلج الزوجية و لا اهلي و لا اهله يعرفون اي شي خاص فينا و اسرارنا بيناتناو بس
و النصيحة الثانية المهمة ان اتفقت مع ريلي ان ما ننام بليل و نحط راسنا على المخدة الا و احنا راضين عن بعض سواء كنت انا غلطانة او هو المهم نراضي بعض

ماشاء الله تبارك الرحمن،

الله يخليكم لبعض ولايحرمكم من بعض..

وهذا عين العقل..

نصيحة جميلة واتفق معاج فيها..

يسلموووو

ان ما اتزوج

أفاااا بس أفاااا

ربي يجعل ايامج كلها سعادة ويوفقج..

 

[soso-87]

اللي بتززوج وتبي نصيحه .>>> مع اني مو متزوجه بس من اللي شفته بقولكم

اول شي : ميخالف اهو زوجك ولازم تطيعينه .. بس خلي لج راي وكلمه مسموعه اذا مو مقتنعه بكلامه قوليله انا ما ااقتنعت لان كذا وكذا .. مو تقولين لا ماقدر اتلكم اخاف يزعل مثل رفيجتي كل ما اقولها ليش زوجج جذي يسوي فيج كلميه حاوريه .. تقولي لا اهو متعود جذي عند امه ماقدر اقوله اخاف يزعل .. قلت لها امه غير وانتي غير .. اذا اهو دلوع امه وما ترفضله طلب كبفها بس انتي علميه ان لج راي وكلمه زعل خل يزعل .. راح يزعل مره ومرتين وثلاث تالي يتعلم ان لج راي ولج كلمه .. ما يغصبج ويمشيج بكيفه ... سوري عالكلمه جنج صخله .. لان حتى الاكل تخيلوا .. تقول اهو اذا اشتهى مطعم ماقدر اقوله لا غصبا علي اطلب واكل .. وبس تاكل تروح ترجع وتصير مريضه اقولها مو غصب قوليله ماقدر اكل من مطعم بالليل ابي اكل البيت ... تقول لا يزعل لان اهما بيتهم متعودين كله مطاعم محد ياكل خبز وجبن وخيار وطماط وبيض وجذي سوالف بيت ما يدور عندهم .. واااي يا ربي لو انا منها جان انتحرت حتى الاكل على كيفه شكوووو

ثاني شي : ميخالف كل شي مقدر ومكتوب ... بس حاولوا ما تحملون من اول الزواج .. مو عشان شي .. بس نطري شوفي الريال شنو مايته زين مو زين .. الانسان ما يبين الا بالعشره .. حتى لو الناس كلها تمدحه انتي ما تدرين اهو شنو تعامله بالبيت .. نطري على نفسج لين تحسين ان خلاص صح هذا اهو الريال السنع .. واهو قوليله مابي احمل الحين بستانس معاك واتعرف عليك اكثر ابي نطلع ونروح ونرد مع بعض واحنا خفاف بدون ياهل وعوار راس ..واذا يحبج عاد قوليله اذا يبت ياهل بخليك وبجابله ترضى لووووول ما راح يرضى

بالنسبه حق اهله : انا من وجهة نظري مهما كانوا زينين .. ميخالف حطي حدود
زوريهم سولفي معاهم وضحكي عااادي .. بس كله بمواضيع عامه .. لا تتكلمين عن نفسج ولا عن زوجج ولا عن اهلج بشي كلششش .. عشان ما تعطينهم فرصه يتدخلون



والاهم من هذا كله حطي الاهلج قدر عنده .. خل يحس وراج اهل ورياييل
مو تقوليله ابوي ما يدري عنا اخوي مادري شسوي لااااا غلط تنشرين الغسيل

رفعي قدر ابوج واهلج جدامه .. حتى لو كان فيهم شي ما يعجبج لا تقولينه
ولا تقوليله اسرار اهلج .. كلش
لان الريال لي تهاوش يطلع الاشياء المو زينه فيج وباهلج كلها لو بعد سنين تنصدمين شلون متذكر اصلا لووول

عموما هذا اللي عندي من اللي شفته .. من صديقاتي وبنات خالتي

 

[الدرة الغالية]

اللي بتززوج وتبي نصيحه .>>> مع اني مو متزوجه بس من اللي شفته بقولكم

اول شي : ميخالف اهو زوجك ولازم تطيعينه .. بس خلي لج راي وكلمه مسموعه اذا مو مقتنعه بكلامه قوليله انا ما ااقتنعت لان كذا وكذا .. مو تقولين لا ماقدر اتلكم اخاف يزعل مثل رفيجتي كل ما اقولها ليش زوجج جذي يسوي فيج كلميه حاوريه .. تقولي لا اهو متعود جذي عند امه ماقدر اقوله اخاف يزعل .. قلت لها امه غير وانتي غير .. اذا اهو دلوع امه وما ترفضله طلب كبفها بس انتي علميه ان لج راي وكلمه زعل خل يزعل .. راح يزعل مره ومرتين وثلاث تالي يتعلم ان لج راي ولج كلمه .. ما يغصبج ويمشيج بكيفه ... سوري عالكلمه جنج صخله .. لان حتى الاكل تخيلوا .. تقول اهو اذا اشتهى مطعم ماقدر اقوله لا غصبا علي اطلب واكل .. وبس تاكل تروح ترجع وتصير مريضه اقولها مو غصب قوليله ماقدر اكل من مطعم بالليل ابي اكل البيت ... تقول لا يزعل لان اهما بيتهم متعودين كله مطاعم محد ياكل خبز وجبن وخيار وطماط وبيض وجذي سوالف بيت ما يدور عندهم .. واااي يا ربي لو انا منها جان انتحرت حتى الاكل على كيفه شكوووو

ثاني شي : ميخالف كل شي مقدر ومكتوب ... بس حاولوا ما تحملون من اول الزواج .. مو عشان شي .. بس نطري شوفي الريال شنو مايته زين مو زين .. الانسان ما يبين الا بالعشره .. حتى لو الناس كلها تمدحه انتي ما تدرين اهو شنو تعامله بالبيت .. نطري على نفسج لين تحسين ان خلاص صح هذا اهو الريال السنع .. واهو قوليله مابي احمل الحين بستانس معاك واتعرف عليك اكثر ابي نطلع ونروح ونرد مع بعض واحنا خفاف بدون ياهل وعوار راس ..واذا يحبج عاد قوليله اذا يبت ياهل بخليك وبجابله ترضى لووووول ما راح يرضى

بالنسبه حق اهله : انا من وجهة نظري مهما كانوا زينين .. ميخالف حطي حدود
زوريهم سولفي معاهم وضحكي عااادي .. بس كله بمواضيع عامه .. لا تتكلمين عن نفسج ولا عن زوجج ولا عن اهلج بشي كلششش .. عشان ما تعطينهم فرصه يتدخلون



والاهم من هذا كله حطي الاهلج قدر عنده .. خل يحس وراج اهل ورياييل
مو تقوليله ابوي ما يدري عنا اخوي مادري شسوي لااااا غلط تنشرين الغسيل

رفعي قدر ابوج واهلج جدامه .. حتى لو كان فيهم شي ما يعجبج لا تقولينه
ولا تقوليله اسرار اهلج .. كلش
لان الريال لي تهاوش يطلع الاشياء المو زينه فيج وباهلج كلها لو بعد سنين تنصدمين شلون متذكر اصلا لووول

عموما هذا اللي عندي من اللي شفته .. من صديقاتي وبنات خالتي

نصايحج درر حبيبتي..وصادقة بكلامج..

والله يرزقج بالزوج الصالح اللي يسعدج وتسعدينه..

يسلموووو

 

[أغلى أمنياته]

كنت ابي احد ينصحني //
اني ما اسوي شي مو مقتنعه فيه،،،
لاني سويت شي متحسفه عليه على قد شعر راسيييي اني سويته على ابو اني مابي مشاااااكل من بدايه الزوااج​

 

[الدرة الغالية]

ارفع الموضوع،،

هل في نصائح جديدة منكم عزيزاتي؟

 

[شادن33]

صح انا كنت اتمنى أمي تنصحني شلون أتعامل مع زوجي
موبس شوفي على ريلج وهالله هالله بريلج وبس وانااا!!!! يحليلي بروحي اخبص مني مناك لين عرفت أتعامل معاه الحمدلله

 

[سور المدينه]

رفع