تنصحوون بروضة حكومه و لا الخاص قولولي ايهو أحسن

[جلكسيه اس 3]

مشكوره بوبا ابي بعد اراء

 

[Om_Ksha]

انا ابله روووضه بس استقلت توني

انصحج بالخااااااااااااااااااص الحكوووووووومه مايعلومنهم شي مفيد ماغير الرقص والاغاني وكل هالخرابيط وماكو منهج كله خرابيط يستخفون بعقل الياهل !!

حرام كنت اشوف بنات يهبلون شطاااااار اقول مكانهم مو اهني !! يبيلهم اهتمام وعنايه ودراسه مو خرابيط كله واجهه للناظره

 

[Ibelievein God]

up ( :

 

[جلكسيه اس 3]

ام كشه - ابلايفن قود شكرا. بعد بعد ابي اراء و نصايح

 

[mrs-ss]

اختي نصيحه دخليهم مدرسه خاصه ومو اي مدرسه خاصه حاولي تختارين المدرسه الزينه بعدين منو قال ان المدارس الخاصه تضغط علياهل وادرسه ؟ بالعكس تدريسهم كله عن طريق اللعب والالوان فتشوفين الياهل يستوعب الاحرف والارقام وكلشي يعطونه ويحفظهم لان حاب هالشي ويأهلونه حق الابتدائي مو مثل الحكومه كله لعب ورقص ويروح الابتدائي واهوا مو عارف شي وفوق هذا ينصدم بالفرق بين الروضه والابتدائي وبالنسبه للسلوكيات يعلمونه السلوك الصح من الغلط وهذا شي حلو لازم الياهل يعرف حدوده وشنو اللي يقدر يسويه وشنو اللي مايقدر يسويه وانتي طبعا اتكملين هالتعليم في البيت.اذا ماتعلم السلوكيات من صغره ماراح يفيد فيه اذا كبر
هذي نصيحتي لج وانتي فكري فيها

 

[جلكسيه اس 3]

يعطيج العافيه بعد بعد ابي اراء

 

[أم عبووووود]

رفع للفائدة

 

[شيخه28]

السلام عليكم
بنتي دخلتها من الحضانه ليه الحين صارت 2 ابتدائي خاص ، لمن ايي اقارن بين بنتي وبنت عمي بنفس الصف اهم اشوف بنتي احسن الصراحه منها انجليزي تقرا وتكتب مقالات و العربي تكتب الي تبينه و بعدين اذا مثلا شافو فيها شي ضعيف المدرسة تتصل عليج بالبيت ولا على النقال تقولج شنو صاير ولا اذا في تقدم ولا مافيه اما بنت بنت عمي فحايسه معاها مسكينه بهل دورات ليش والله الابله ماداومت
طلعت من الروضه بنتي تكتب و تعرف الارقام​

 

[manoooram]

الحكومه ولا الخاص
كل من له مزاياه و عيوبه
بس بالنسبة لي والله الخاص مع ان ولدي الحين بالحكومه
لسبب الخاص يأسسون الطفل يعلمونه الكتابه غيرها من الأمور اللي تفيده لمن يدخل حياة الابتدائية والجد شوي
أما الحكومه لعب و وناسه واذا بيعلمونه فشي بسيط