تهاوشت مع الموجهه :///

[eastfem]

قوه بنات شلونكم؟

بنات يوم الأثنين زارتنا الموجهه وقتلها اني ماراح اشترك باي نشاط خاص يالقسم ( لأني اساسا ناويه استقيل اخر السنه وموهامني التقدير كلش ) بس ماقتلها هالحجي طبعا ...

المهم جان تقول لا لازم وحالج من حال الباجي ومن هالكلام ( مع العلم ان باجي الملعمات مرتاحات بهالوظيفه ويسعون للتقدير ) أهيا موراضيه تفهم قتلها سوي الي تقدرين عليه ومن هالحجي طبعا عقب ماصار بينا تش ولعي بالحجي ...

السؤال : الموجهه ، الناظره شنو بيدهم يسوون ضدي مع العلم اني
- مسكره المنهج ويا صفوفي وماشيه وياهم عدل
- سويت انشطه خاصه بالاذاعه وسويت الامتحانات مال فترة الاولى
- نصابي 13
- أغيب بس ماتجاوزت الحد المسموح ( 15 يوم )

ابي اعرف هل مفروض علي أسوي ( من واجباتي الأساسيه )
- درس ريادي ولا نموذجي ؟
- هل مطلوب غصب اسوي يوم العالمي ( لأي موضوع كان ) أو ورشه عمل؟

هل من حق الناظره او الموجهه تتقدم بطلب فصل المعلمة من الوظيفه ؟؟؟
ولا بس بيدهم ( التقدير فقط ) !

 

[ام حنااين]

التقدير والنقل فقط.
اي عقوبة ثانية مافي. اذا انتي ملتزمة بتدريس البنات وماتجاوزتي الغياب مايقدرون يسوون اي شي غير النقل او التقدير ينزلونه بس

 

[*ماي الورد*]

تنزل من بند التعاون

 

[خلطات المذهله]

ااااااااااااااااااااب

 

[طالبة1990]

لا كللللش مايقدرون يسوون شي

بس بالتقييم

اما غيره مالهم حق

حتى غياباتج مالهم حق يحاسبونج ولا يقولون لج ثلث الثلاثة كم

حتى لو تعدت طبياتج ال ١٥ لانها راح تنخصم منج انتي مو شغلهم

والانشطة والورش ترفعهم هم مو احنا

لذلك كل همهم هالبلاوي

مايهمهم كلللش شنو تسوين داخل الصف

 

[بنت حمايل 2]

يا حبيباتي فهموها عدل
الدروس الريادية والورش من التنمية المهنية لازم تسوينه وهذا شي مطلوب من المراقبة والوزارة وللمديرة ملف اسمه التنمية المهنية للمعلمات كل قسم له تنمية مهنية خاصة فيه أم الأنشطة فهذا من بند التعاون والمبادرة
بالملخص جانج مو هامج التقدير راح ينزل مدام هذا كلام الموجهة لج بس بطريقة غير مباشره يعني أنتي غاثتهم بسالفة ما أبي أبادر جذييه كلموج وسلامتج وتعيشين

 

[PuPa^^SWeeT]

لااا مافيها شي اذا قلتي انا ماقدر اسوي درس ريادي



ماعلييج منهم

 

[قـہۈه فـرنسيـہ™]

سوي اللي أنتي تبين مووو هم .... الورش والدروووس والخرابيط والله محد يستفيد منها شي غير الناظره تحطها بملفها من انجازات المدرسه ....يعني مجرد بهرجه وتمثل ...


والله أنا مريحه راسي ....يحمدون ربهم أعطي حصتي وآهذ احتياطات بس ...غير جذي ما أسوي شي ... كافي المناوبه وبرنامج اذاعي



وما يقدرون يسوون لج أبببببببببببد ....ولا حتى نقل ....مالهم حق ....

 

[maya4no1]

بيد الموجه الفني ان يرفع تقرير بأداء المعلمة للتوجيه العام و التوجيه العام يحيلها للعمل الإداري أو انهاء خدمة لغير الكويتي
و بالنسبة للغياب اذا كثر هم يكتب فيها تدني أداء

السؤال:
اذا بناتنا ما يبون التدريس و منحاشين منو راح يدرس عيالنا؟
لي متى التعليم بيد عوير و زوير؟
أدري ان التعليم عمليه شاقة بس أجرها عظيم
و أدري تعب ... بس احلى راحة تجي بعد التعب
و هل اكو عمل بلا مسئولية؟

 

[eastfem]

ماقصرتو بنات على الفايده والنصايح

مايا لله الحمد الشرح حلو بشهادة الموجهه نفسها ورئيسة القسم وبناتي و المنهج ماشية عليه من غير لاكروتهم ولا اضغط البنات فيه واقدم لهم مراجعات ودرجاتهم اغلبهم حلوه لله الحمد

لكن ورش ودروس رياديه و كنترول موملزومه فيها دام مابي اللامتياز

 

[ترف بابا]

محد يقدر يحركج من مكانج

والامتياز تاخذينه بس مو عالي اذا ماااااتغيبين وملتزمة بشغل القسم

امارالاشياء اللي ع مستوي المدارس هذي للي يسعون للتميز اكثر...

 

[كويتية222]

اختي دامج بتستقيلين لا تحاتين

عندهم بند بينزلونج فيه وخلاص

اهم شي رئيسة قسم والمديرة لان اذا بتنقص الموجهة بتشيش الثنائي عليج علشان ينقصونج وياها عرفتي

والنقل وهالسوالف للامور الجايدة ​

 

[eastfem]

طيب بنات بالنسبة للكنترول هل من حقي ارفض ؟؟؟؟؟؟؟؟؟

 

[حجيه هيونه]

الله يكفيج شرها يارب

والله مساكين المدرسات يضغطون عليهم بالشغل لما قامو يطفشون مادري لي وين بيوصلون

 

[@ الرسامة @]

بقولج حجي الناظرة لي حرفيا


المعلمة تاخذ معاشها علي الحصص وتحضيرها

بس تاخذ امتياز علي الورش ونماذج الدروس

وترى هالحجي من المراقب

 

[eastfem]

طيب والكنترووووول يابنات هل من حقي ارفضه ؟؟؟؟؟؟؟؟؟؟؟؟؟؟؟

 

[اريج الجوري]

حبيبتي انت كويتيه حتى الوزير براسه ما يفنشج الا اذا صارت عليج قضيه بالمدرسة لا سمح الله وغيره لا يقصون عليج

والامتياز تاخذينه غصبن عليهم اذا ما تعديتي15 يوم غياب وعلى فكره العرضى ماينحسب منها ،،،

اذا دروسج كامله وماشيه بالمنهج مؤ ملزومه تسوين اي شي زايد ،،،

دروس ورش نشاط خارجي مؤ مهم للمعلمه كثر ماهو مهم للموجهه ورئيسة القسم والناظره ،،،

ومن حقج ترفضين الكنترول ،،،

وصدقيني محد يسوي لج شي كلش كلش ندب او نقل وتقدرين ترفضينه وتقدمين شكوى ويردونج لنفس مدرستج حتى تقدرين ترفعين قضيه على التربيه ويعوض نج المحكمه ماديا

اذا نقلوج بدون رغبتج ،،،

ممكن ما تاخذين امتياز مرتفع وممكن ما يحطون اسمج مع الاعمال الممتازة وممكن يحقدون عليج ويعطونج احتياطات مقصف مناوبه يعني شغل اداري زايد

عاد تعرفين لعانة الحريم ،،،

واللي تقولج غير هالحجي أكيد ناظره او موجهه او رئيسة قسم وماتبي المعلمات يعرفون حقوقهم عدل ،،،


والله ملينا واهم يقصون علينا وخاشين عنا حقوقنا ،،،

هذا الكلام اللي يجمد عليه الشارب ورديها عني ،،،

وه عصبت ،،، هههههههه

 

[Eva-SS]

مممم


اهي تأثر بالتقييم لانه فيه بنود مو بند واحد بهالموضوع

اصلا تقييم المعلم اغلبه مو فنيــًا ولو على قولتج قدمتي دروسج وصفوفج ماشيه بالمنهج تمام بس مالج اي نشاط برا صفج ولا اي مبادرة ماتخذين امتياز

شنو يقدرون يسوون ؟ تقدر تنقلج او تنزل من تقييم

فصل لا مو من حقها بس لو تنزل من تقديرج يعني تاخذين تدني مستوى يحولونج ادارية ماتبقين مدرسة

كان الأفضل تسكتين وماتبينين لهم شنو ناويه عليه .. وخذيهم بالحجي كل ماقالوا لج شغلة قولي ان شالله ولا تسوينها ولا تهربي بطريقة لبقة لاتخلين احد يمسك عليج شي

 

[اريج الجوري]

حبيبتي تدني اداء مو بسهوله يحطونه للمعلمه ،،،

ومو من اول سنه تدني اداء تحول المعلمه إداريه ،،،

لا السالفه طويله وعريضه وتاخذ كذا سنه ،،،

وصدقوني يا جماعة الخير ان الامتياز مقرون بالحضور والغياب والاستئذانات والتأخير ،،،

والأعمال الممتازه والامتياز المرتفع مقرون بحب الناظره والموجهه ورئيسة القسم لج ،،،

وسلامتكم ...

 

[eastfem]

ـالكنتروووووووول ـأقدر ـأرفضه ؟