تهقون بيستمر زواجهم ؟

[ضــمــاد]

مثل ماقالوا البنات


يمكن الزواج يستمر يعتمد على حسب طبيعة ريل خاتج


أعرف رياييل بالاربعينات لكن حدهم زقرت ومنطلقين بالحياة
سفرات مع الاهل والربع .. مسجلين بنادي .. ماخذين سياره باب واحد ..
مهتمين بملابسهم الساعات الكشخه .. الشورت ماركه التيشيرت ماركه والجوتي ماركه
فـ هالنوعيه المنطلقه بالحياة .. تتماشى مع بنت صغيره بالعمر


وأعرف رياييل بالاربعينات من كثر جديتهم بالحياة ومن كثر ماهم مايعرفون يونسون نفسهم
اللي يشوفهم يعطيهم أكبر من عمرهم .. هالنوعيه لو يتزوجون بنت صغيره ماعتقد تتحمل
جديتهم بالحياة ..



فيعتمد على حسب نوعية الزوج .. وعقلية البنت



وبالنهايه التوفيق من الله

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[امـ خــزامـى]

مااقدر افيدك بشي لان مااعطيتينا معطيات نقيس عليها ونقول توقعاتنا
مع انه بالاول والاخير كل شي بايد الله وبعلمه وماندعي علم الغيب بس نتوقع

يعني تفرق اذا زوج خالتك غني ومطخطخ ولا عادي ولا حالته اقل من متوسطه

وتفرق بعد اذا هو متفتح وعقليته تتماشى مع كل الاعمار ومو متعصب لافكاره
وراعي سفريات ويحب الكشخه والزين والترزز

انا اعرف رجل غني ومشهوووووووووووووووور ويمتلك اموال ويشارك الدوله وعمره قريب لزوج خالتك
تزوج بنت عمرها 22 توها متخرجه من الجامعه
وهالبنت تبي فلوووووووس مايهمها حب وعلاقة زوجيه تبي صرافه تعيش عليها

وولد هالرجل تزوج قبل ابوه بكم شهر واتوقع عمره 29 تزوج بنت تقربلي عمرها 26
جلست معاه اسبوع وانحاشت لبيت اهلها وطلبت الطلاق تقول شافت شي عليه الله يستر علينا وعليه وطبعا مالمسها

والابو الى اللحين عايش مع زوجته ووماشيه حياتهم


الله يوفق المسلمين ويحفظهم من كل شر ويصبر خالتك ويريح قلبها

 

[غيرررر]

تذكرت واحد كبير يمكن بالخمسين تزوج بنت صغيره يمكن بال20 وطلقها يقول دوختني بالاستشوار ودايم وجهها احمر واخضر قصده المكياج الصراحه رحمتها

 

[بكيزة هانم]

يعتمد على قناعة كل واحد منهم ..

 

[هويتك]

عادي اذا الله كاتبلهم الاستمرار يستمرون واذا لا العلم عند الله

أبوي أكبر من أمي ب٢٧ سنه


والحمدلله الحياه ماشيه بفضل الله

هالشي توافيق من عند الله ماعتقد توقعاتنا تفيد بشي ؟!

 

[Miss Glamorous]

الفرق وايد صعبه احس

تفكير البنت غير عن تفكيره

وميولهم راح تكون غير بس كل شي على الله

 

[SILVER ROSE]

كل شي مكتوب عند رب العالمين

 

[nadra]

خلو الديانه على صوب مجرد راي تتوقعين من الي تشوفينه انه بيستمرون لاسباب او تتوقعين مايستمر لاسباب اخرى , انا اشوف ان اذا فرق هالعمر بينهم يصيرحسبة ابوها من ناحية الدلال بس التفكير اعتقد في فرق واسسسع حيل لانه جيله غير عن جيلها بس اذا كانت البنت عاقله ومتفهمه عقلها كبير تعرف تحافظ عليه لكن اذا كانت ماخذته طمع شي ثاني واولا واخيرا الله اعلم لان الشخصيات والحالات والاوضاع مختلفه , وجهة نظري !

 

[رحيق الجنه]

مشكورين بنات على الردود

شخصية رجل خالتي ؛ واحد عملي يحب عياله وامه وخالتي طلبت الطلاق بس ما طلقها قال ما اطلقج لو شنو انتي الاساس عندي وهذيك مثل البطيخ يمكن تطلع خضرة ويمكن تطلح حمرة يمكن تصلح ويمكن ما تصلح
مو حيل يحب الطلعات ويسافر بس مو واجد ويحب يسافر يا مع ربعه او مع عياله اكثر شي وقال حق خالتي وعيالها مستحيل اتغير عليكم انا عاقل وانتو عيوني بس انا مقتدر وابي اتزوج ورجل خالتي عند فلوس بس مو واجد عنده عمارة ١٧ طابق و عنده محل وارض ومزرعة بس يعني مو من كثر فلوسه علشان وحدة تطمع فيه و عنده ٨ عيال اكبر عياله بنت عمرها ٢٣

البنت ؛ تدرس في الثانوية عمرها ١٧ اخر سنه ما سبق لها الزواج اهيا سعودية من الرياض .. رجل خالتي يوم شافها نظرة شرعية كانت ام البنت مرتبكة حيل قالت له ؛ ما كان ودنا نزوجها واهيا صغيرة حيل*
الظاهر ابوها غاصبها لان ابوها متزوج ثلاث وعنده بنات واجد*

 

[ناتشوو]

لا حول ولا قوة الا بالله
مادري اتعاطف مع خالتج ولا العروس
ماتدرين يمكن مع الوقت تصير حسبة بناتها

 

[اميره1980]

العلم عند رب العالمين اذا يستمر زواجهم او لا
بس حتى لو ما استمر دام زوج خالتج سواها مره و تزوج على زوجته ممكن يسويها مره ثانية و ثالثة دام باب الزواج تبطل جدامه

 

[عويتقة]

تدرين والله اكتر وحدة كاسرة خاطري العروس واضح انها مغصوبة 17 سنة كبر اختي الي خطاها ماتعرف تتغطى كويس امي بتجي تغطيها كل شوي استغفر الله العضيم

 

[PuPa^^SWeeT]

ما تدرين



ممكن يستمر ممكن ما يستمر

 

[انثى عاشقة]

والله لا فرق عمر ولا غيره يحدد مصير الزواج
هذي توافيق من رب العباد
ممكن نتوقع ان الزواج يكمل ويسير العكس
وكل شي جايز ووارد​

 

[انثى عاشقة]

مشكورين بنات على الردود

شخصية رجل خالتي ؛ واحد عملي يحب عياله وامه وخالتي طلبت الطلاق بس ما طلقها قال ما اطلقج لو شنو انتي الاساس عندي وهذيك مثل البطيخ يمكن تطلع خضرة ويمكن تطلح حمرة يمكن تصلح ويمكن ما تصلح
مو حيل يحب الطلعات ويسافر بس مو واجد ويحب يسافر يا مع ربعه او مع عياله اكثر شي وقال حق خالتي وعيالها مستحيل اتغير عليكم انا عاقل وانتو عيوني بس انا مقتدر وابي اتزوج ورجل خالتي عند فلوس بس مو واجد عنده عمارة ١٧ طابق و عنده محل وارض ومزرعة بس يعني مو من كثر فلوسه علشان وحدة تطمع فيه و عنده ٨ عيال اكبر عياله بنت عمرها ٢٣

البنت ؛ تدرس في الثانوية عمرها ١٧ اخر سنه ما سبق لها الزواج اهيا سعودية من الرياض .. رجل خالتي يوم شافها نظرة شرعية كانت ام البنت مرتبكة حيل قالت له ؛ ما كان ودنا نزوجها واهيا صغيرة حيل*
الظاهر ابوها غاصبها لان ابوها متزوج ثلاث وعنده بنات واجد*

والله بعد ماقريت ردج هذا مدري ازعل ع خالتج ولا العروس
الاثنين وضعهم مو شي
:eh_s(2):​

 

[كليـ دلعـ]

عاد ابوها غاصبها والا امها غاصبتها

الزبده اخذت ريل خالتج!!

مالنا شغل بالاسباب مالتها

عادي وااايد اعرفهم صغار اخذو رياييل متزووجين

وعيالهم درازن

وعايشااات احلا عيششه

بالعكس بيطير فيها ويدللها لانها صغيرره

بتشييخ ع راسه وبتنسيه الاولي والتالي

شووف عيني عمرها 18 سنه ماخصلت المدرسه

تزوجت واحد عمره 43 عياله 8 وعااقل ورزين ريخاف

الله بعياله ومرته وتزوج هذي ام 18 وبدايه زواجه

مومقصر فبيته وبعياله ومحترم وتدريجيااا تسحبه

هذيج صووبها تدريجيااااا الحين مايعترف لابمرته الاوليه

ولابعياله!!

من عقب ماهو اب حنون صااار مايدري عنهم

وزوجته الاولى من حرتها شلون تغير عليها واهو اللي

واعدها انه ماراح يتغير وانها بس شي بيغير فيه

وانج يام عيالي انتي الاصل والاهم

مع الاياااااام صاااارت منسيه ولالها وجوود

من حرتها عليه يت لها جلطتين بالقلب!!

وتصووري ماهمممته ولادرا عنها يمشي ورا

هذيج مايبي غيرها!!


شفتي شلون!؟

وفيه مثل يقوول

لي اختلفت المخااااد اختلفت الموواد


يعني الريال لي غير مخدته مع وحده يديده

خلاص كل اللي بقلبه يتغير،،،،

 

[Perfume]

^^^^^
واااااي كلي دلع سالفتج تعووووور القللللب
وتبط الجببببد

 

[انت العمر كله]

الله اعلم بهاد الشي ما حدا بقدر يقولي يستمر او لا

 

[ماكواسم2]

طبعا الله اعلم ....

بس الي اعرفه ان بالسعودية عادي فرق السن وتستمر الحياة اروع ما يكون ( ترى مو مستنكر عندهم فرق السن ).. وكلام ريل خالتج ماخوذ خيره لو يحبها ما تزوج عليها وكسر راسها بس خل خالتج تكون مفتحه وتتعض من غيرها فلا تطلب الطلاق واتعده ولا شئ ولا تتامل شئ الزم ما عليها صحتها وعيالها وحقوقها تاخذها كاملة

بس ترى الفكره عنده موجوده سواء هي او غيرها يعني حتى لو ما استمر معاها راح يتزوج ثانية .فخالتج لازم تفكر بطريقه ثانية وهي انها لازم تفكر بنفسها