توافقين تكونين الزوجة الثانية؟

[يفداك قلبى]

فوفو وقهوة فرنسية كلامكم واقعى جدااا
وانا انضم لكم

 

[ELFAD3Ah]

لا طبعا ماارضى اخذ ريال من بيته وعياله لان مهما صار تدور الدنيا وجايز يتزوج علي

 

[هيبة ملك]

حسب الظروف

 

[ماني من الناس]

نووووووووووو

 

[أحلى البشر]

لا طبعا ما اوافق اولا: شلي بالهم
ثانيا: ليش خلصو الريايل مثلا؟؟
ثالثا: اعتبر مرته اختي مثل ما انا ما ارضى اختي ريلها يتزوج عليها ويحرها ماارضى على بنت الناس

 

[))M N((]

الله لايوفق اللي تخطف الرجال من بيته وعياله وفوق هذا ترضى يكون زواجها سري
ياجعل ينهد بيتها فوق راسها وتذوق امراض الدنيا

 

[pusy cat]

الناس ضروف

لو المره خايفه على مستقبلها وماعندها احد يضفها وكبرت بالسن وودها بضنا ماتنلام اذا رضت بالمتزوج

الله ماحلل شي له ضرر بالعكس الله له حكمه

عن نفسي ما ارضى ماني متقبله آخذ واحد من مرته وعياله

لكن مو معناته اني احرم هالشي

ممكن اسمح لزوجي انه ياخذ علي اذا كان عنده عذر قوي اما اني اكون الثانيه لأ مالي قلب بصراحه

 

[Q 8 Y A t]

بالنسبة لي


لاني كبرت


بوافق


والامر لله

 

[عروس كيووت]

لا انا اكيد مراح اوافق عياله وزوجته انا اتخيل نفسي
مكان زوجته يعني اكيد بموت من القهر​

 

[&موناليزا&]

من ناحية الشرع حلال

لكن من ناحية شخصيتي مستحييييييييييييييييييييل

ما أبني سعادتي على تعاسة غيري

 

[عشقك وطن]

لا

ماراح اتحمل احد يشاركني بزوجي ولا راح احر مرته واحرق قلبها لاني مارضى هالشي

يصير لي ولا ابي اقعد بمشاكل عمري كله

 

[زوجة عزيز]

لاء مستحيل الحين ماخذه مطلق والمشاكل ما تخلص هالدور متزوج والله باعيش في جحيم

 

[هستره ياقلبي]

لالالالالالالالا

 

[{نور الليالي}]

اف موضوع ماخذ عقلي لفترة



كان في شخص معاي معحب فيني وصارحني بالزواج
كنت عارفة انه متزوج وعندنة ولد وتوة اصغير اهو اصلا
بصراحة انة ما اقبل اني اكون الثانيه انه توني اصغيره وعمري 19
الي ياني ريال سعودي , وانة بحرينية يقول انه اصله بحريني ما دريت عنه المهم
اهو الريال متزوج بنت بحرينية وزوجتة عايشة في البحرين تدرس يجيها يومين او يوم بالاسبوع على حسب ظروفة
وعندنة شقة بالسعودية يبي يسكني فيها
ىنة ما اتحمل اعيش بالسعودية صعبه انة مو متحررة
بس ظروف السعودية ماتناسبني ولا تناسب شخصيتي ابدا ابدا ابدا
اموت ولا اعيش في السعودية




قلت له اني ما ابيه لانة عندنة زوجة وولد ولا اقدر احس بالشعور الي راح تحسة زوجتة , او اني الثانيه في حياتي وراح ابتعد عن اهلي ودراستي , وكل الاكتفتي الي انة عايشتة خصوصا انه عندي برامج صعب اتركم ودراسة ولا ااقدر اعيش بالسعودية , لانة لو عشت اهناك بكون فترة بروحي لانة على طول عندنة سفر وسفرات والى آخرة
يعني لو بكون اهناك وهو سافر من يقضي اموري بس سواقة ولا يسوقون ولين دشت حرمة مكان يطردونها |>> صايدها الموقف هناك وايد

 

[زهره البنفس]

على حسب ظرووف كل وحده وعمرها
واكيد مافي مره تبي احد يشاركها ريلها بس في ظروف اهي اللي تجبر الشخص

 

[Tantoshah]

أنا أشوفها من الناحية الدينية محللة .. لكن من الناحية النفسية راح أغار وأفكار تاكلني يوم يكون عندها وراح اتعب على نفسي عشان أرضيه وأكون متميزة طبخ ومكياج وملابس وعطور .. ونيران الغيرة تاكلني راح أعيش حياة متوترة وقلقة ومافيها راحه !! بس بالنهاية جوابي نعم اذا كنت أحبه وعاشقتة راح أخذه وأتحدى صعوبات الحياة اللي أعرف جيدا شلون راح أعيشها وراضية فيها

 

[a7La_3eMeYa]

لا لا لا لا لا لا لا لااااااااااااااااااااااااا مستحييييييييييييييل اكون زوجة ثانية الصراحه احس جني بايقه الريال من زوجته و عياله

 

[_Pure_]

ما اوافق

لان اني اعيش مرتاحة نفسياً بدون غيرة و منافسة و مشاكل اهم من اني اكون متزوجة بالاساس

و لان معناته الزوج راح يكون بعيد و مشغول مع بيت ثاني حتى لو كان عادل اهتمامه راح يكون اقل و انا وحدة اعرف نفسي طماعه و غيورة

 

[ضحوك هانم]

العمر له دوور يا جماعه والله لوووو كنت في اخر الثلاثين وماتزوجت كلش بوافق شسوي ابي ضنى يضمني علي كبر

هذا رايي

 

[بنت حلال]

اعيش عمري كله بجو تنافسي...
لا ما اقدر