توبة يالخطوط الجوية الكويتية

[منور بنت الطنايا]

السلام عليكم ورحمه الله
حبايبي حبيت اتحلطم اهني عندكم
سافرت لبنان وتاخرت الطيران وقت الاقلاع ساعة قلنا عادي

واحنا رادين للكويت قبل امس
:0bee2e8d89: نقعونا ساعة ونص عند البوابة


و اربع ساعات في الطيارة == ولارضو ينزلونا وقطعو الكهربا نص ساعة وخسنا في الطياره السبب عطل في الطيارة

واحنا كلنا مو مصدقين انه عطل لو اهو عطل ماخلونا نرجع للكويت على نفس الطيارة
ناس يقوولون ناطرين شخصيه كبيرة ترجع معانا وتاخرت

بفهم ليش جذي ؟؟ وليش الصورة الغير حضارية لديرتنا؟؟؟ متى تتسنع هالكويتية

الكويتيه تعتبر من رقي خدماتنا ماتسوى علينا يتكلمون عنا اللي مسافرين معانا من جنسيات اخرى توبه يالكويتية


توبة ماراح ارجع احجز عليها

 

[ريان 123]

انا ما احب الكويتيه ولا افكر اروح عليها عقب اخر مره رحت عليها ريحتها خايسه طول الرحله وانا مسكره خشمي والله ما ابالغ يابنات

 

[احلى من الحلى]

عادى هذا شى عادى تعودنا عليه من الكويتيه

عيل انا انجلوني من ماليزيا لين الكويت ولدى عمره سنتين على حضنى وحضن ابوه ماكو فراش بيبى تخيلى والله 7 ساعات الى اخدرت اريولنا

حسبى الله عليهم

 

[mr000]

صج الله يعينكم والله بصراحه كلش ولا النطره وخاصه داخل الطياره بروحه ضيج وحر! آنا بآخر سفره بشهر 4 رحت عالكويتيه وانبطت جبدي 6 ساعات لي لندن و التلفزيونات خربانه والوقت نهار يعني موحزت نوم ومعاي ولدي 12 سنه صج صج ملينا بس نطالع السقف أو نطالع ظهر الكرسي اللي جدامنا واللي معاهم يهال صغار قاموا يراكضون بالطياره من الملل! صح هذا يمكن موشي ضروري وايد بس والله قبلها عالأماراتيه أحسن شبعنا واحنا نطالع أفلام ماحسينا بالوقت! مو المفروض فيه صيانه حق الطياره

 

[الدلال]

وييييييييييه الله يعيني اخر الشهر مسافره عليها حق لندن

كنت حاجزه على القطريه وارخص بس حولت على الكويتيه والسبه ابي دايركت

وانا اصلا صار لي فتره ما اسافر عليها والسبب سالفة التأخير اللي حالفه الكويتيه انها تتبعها

سالفتج بلبنان نفس سالفتي يوم سافرت لبنان قبل جم سنه

كان موعد ردتنااا الساعه 6 المغرب

تخيلي متى طرنا؟؟؟؟

الساعه 10 بالليل والطياره كانت متأخره واحنا قاعدين بصالة الانتظار

طقت جبوودنا

 

[PHOTO♥BOOTH]

محد يفكر يسافر عليها من اهلي

من مواقفها البايخه

 

[نور بوبيان]

انتي تهونين عن إللي ارجعوا فيها من الحج ....
ناموا بالمطار الحريم والرياييل وشوفي حالتهم الكسيفه من بعد تعب الحج.....حطوا صورهم بالجريده وماكوا فايده ...

ليش ماتشتكين عليهم يعوضونج ... لاتسكتين ..... تدرين الأجانب يشتكون ويعوضونهم ...


يالله الحمدلله على السلامه ....

 

[mr000]

هذي سالفة الفراش حق الياهل سووها فيني مره واكشتوا فيني مع أني بالحجز قايلتلهم معاي ياهل عمره 3 شهور وأبي فراش بس حزت السفره قالولي وايد ناس معاهم يهال واللي صعدوا الطياره قبلج خذوا الأماكن اللي معاها فراش!! انزين آنا حاجزه حالي حالهم بعد مادريت جذي طريقتهم علشان أركض أوقف أول وحده عند باب الطياره!

 

[منور بنت الطنايا]

انا ما احب الكويتيه ولا افكر اروح عليها عقب اخر مره رحت عليها ريحتها خايسه طول الرحله وانا مسكره خشمي والله ما ابالغ يابنات

احنا قلنا تتسنع ولكن ماكو فايدة والريجة صاجة واي يالريحة لووعة لووووووووووووعة

 

[منور بنت الطنايا]

عادى هذا شى عادى تعودنا عليه من الكويتيه

عيل انا انجلوني من ماليزيا لين الكويت ولدى عمره سنتين على حضنى وحضن ابوه ماكو فراش بيبى تخيلى والله 7 ساعات الى اخدرت اريولنا

حسبى الله عليهم

تعودنا ايه بس مافي امل تتغير يعني والله قهر

7 ساعات يااااااااااااااااااااااااااااااه ياويلهم من الله

الله المستعان بس

 

[buffy]

ويييييييييييييييييييييييييييييييييييييييييييييييييييييييييييع
يالكويتية للاسف اني انا اقول هالكلام
بس ما ادري متى توصل مواصيل الاماراتية والقطرية

 

[miss_heathrow]

ههههههههههههههههههههه

امبيه توكم تدرون طيرانا ولا بيزه اصلا حرام عليه 10 دنانير
السنه طرت عليه رحت علاج انجبرت اروح عليها

فوق التاخير 4 ساعات بالمطار 8 ساعات وصولنا باريس ماكو مكيف بارد ولا تلفزيون ولا حتى شي يونس

امبيه فشلونه

 

[وافية*]

لاوفوق كل هذا طياراتهم قرمبع ترى قديمة حييييييييييل وطو الرحلة تقرقع واللة انا رحت عليها المانيا على ابو ابي دايركت مابغيت اوصل صرت افضل ترانزيت الاماراتية او الاتحاد اوالقطرية صراحة على اني اتبهذل وياهم وصاجين مافيها وناسة كلش ومضيفاتهم نفوسهم خايسة ويع ماظن عندهم طيارات سنعة يعلهم شقول هالفلوس اللي يلهطونها من الناس وين يودونها

 

[سينتيا]

ما انسى موقفهم مع اهلي شهر 2


الله يسلمكم اخوي توفى وامي وابوي كانو بلندن علاج مع اختي راحو السفاره عشان يردونهم حولوهم على الكويتيه

لمن راحو الكويتيه قالولهم ماكو كراسي الا عقب يومين


انا مراح اعلق انتو قولولي شرايكم بالرد مالت عليهم الصراحه الله يخلي البرتش والاماراتيه حتا السيلانيه احسن منهم

 

[yam_yam]

شخباري الكويتية للحين تسافرون عليها

انا مرة ضاع علي امتحان بالبحرين و السبه مارضيت اركبها لا هي و لا الخليج
دايما الخليج اروح على الجزيرة صج صغيره بس عالاقل جديده و نظيفه و موديلاتها 2007

انا اهم شي عندي الوقت و الطياره جديده _03BA:

و بعدين اي طيران هذا اللي ثلالث ارباع طياراته خربانه و كلها اعطال
بنات العمر مو لعبه صج اللي الله كاتبه بيصير بس هذا مو معناته تركبون طياره خربانه خخخخخخ

انا لو يكتبون الطياره باسمي ماركبتها :dddds:

ا ​

 

[حناين*%*]

الكويتيه كانت حلوه ومريحه اذكر مره رحت لندن عليها سرير بيبي وغطاء وشغل نظيف غير لما قام ولد الهدايا والآيس كريم واحنا مستمتعين بالرحله احدث الافلام والمسرحيات ولا حسينا بالوقت بس الحين الله يعين ليش صارت جذيه الله اعلم ادعو عل وعسى احد يشوف الي كاتبينه احنا ويحاول يشوف شنو السبب تصدقون عاد على كل الي فيها ما احب اغيرها يكفي اسم الكويت فيها بس لازم احد ينتبه من المسؤولين وغيرها للأفضل.........

 

[زهرااا]

عادي متعودين

 

[أم عزيـز]

انا الكويتيه حاطه عليها x من زمان ولا افكر اسافر فيها
كله متأخرين وخدمتهم رايحه فيها

وحتى اكلهم الله يزيد النعمه ساعات يكون مو شي
للأسف الكويتيه سمعتها كلش مو شي ما ادري على شنو غاليه !!!!!

 

[الكادي 1981]

الكــويتيــة جحــيييم ولله خلالالاص مالج أمل أروح معهااا عقــب السنــة اللي طافت كراااسي سكـــة ذبحنـــي ظهـــري والشاشات اللي جدام

الكراسي خربااانه ياليتهم يسكرونهااا لا شغاااالة وهي خرباااانه أستغفـــر لله

 

[sky]

والله يابنات كل كلامكم صح بس ما اقول إلا........وكل من مدرائهم يتهاوشون على الكراسي وناسين المؤسسة وكل عندهم واسطات الشين رافعينة والزين حاطينة بالقاع
والله كريم والله يعز الكويت واهلها