بسم الله الرحمن الرحيم
الكل يسمع هذي الاغنيه والبعض منا يجهل لماذا تقال ،،،
هـذي الأغنيـه يغنونهـا حريم أول قبل موعـد القفـال بحوالي ثلاثة أو أربعة أسابيع
يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال ورياييل
داشين الغـوص ينتظرون ردتهم الديرة على أحر من الجمـــر ..
يبدون الحريم والبنات يغنون هالأغنيه مثل ماذكرت قبل موعد القفال بشرط يكون عقب المغــرب ..
بحيث يتجمعون صوب السـِيف .. وتشرف على الغناء إمراءه قويـه ونشيطه تتحمل المسؤوليه
عن جميع النساء .. أما الحريم الباقي يبدون بجمع الحطب وسعف النخل ويستخدمونهـا لأشعـال
النـار .. وبعدهـا يوقفون على هيئة دائريه متحركـه وينشدون بعض الأناشيد والأهـازيج اللي أهمهـا
توب توب يابحــر ..،،
توب توب يابحر ، اربعه الخامس دخل >>>> يقصدون الشهور
جيبهم طالبينك جيبهم ،، ماتخاف من الله يابحر
يااللومي هات بن رومي ،،، يالقاز هات بو قماز
ياللين هات ونيان ،،، يالتمره هاتي حسين وخمره
يالرمان القطيفي هات عبداللطيف
يالدانه جري شملان من اذانه
يالجوهره هاتي حسين من بحره
وماتخاف من الله يابحر
ويالجبريت هات محمد العفريت
( القصد من هـالأغنيــــه )
تخويف البحـر وتأديبـه وتهـديده !! لأنه السبب في فـراق أهلهم الذي طـال عنهـم
أيام وليالي .. وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن ..
( سبب حملهم سعف النخيـل المشتعــل )
سبب طريـف ويدعو للغرابه والإستغراب !! هالسبب يخليهم يطلعون
اللي في صدورهم وقلوبهم من مشاعر جياشه وعاطفه وفراق وغيره .. حيث إعتادوا على
ضرب البحر وحرقه وكيه بالنـار ( يجوونـه ) .. علشان يحس باللوعه والفراق اللي يحسون فيه !!
( ماسألتوا نفسكم !! شسالفه القطوووه !! )
هالقطوه الله يسلمكم يلبسونهـا قطعه من مشموم تتعلق على رقبتهـا
وتقوم وحده من الحريم بشرط تكون شجاعه وقويه ..
بثقب أذن القطـه وتحط في أذنهـا خـرز.. وبعض الحريم يغطسون القطووه في البحر
عدة مرات والقصد تنجيس البحر بهـا !!.. وبعدهـا تقوم المره القويه بشد أذن القطه
بشده فتصرخ من الألـــم ( ميـــــاو ...ميـــــاو ..ميــاو ) فترد النساء أجمع بالقول
( يـاو .. يـاو .. يــاو ) يعني جاؤا جاؤا !! والطرف الآخر من النساء يقومون بحرق البحر بالسعف علشان يحس بالألم اللي يحسون فيه .. والبعض الآخر يحذف ويلقي الحجارة :الحصـا : عليه
أو يصبون فيه عشرج ( حـلول ) كي يصاب بالأسهــال !!
ويرجع أهلهم ساليمن غانمين بالولو محملين ،،،
وهذا رابط المقطع واللي بالمقطع عوده المهنا الله يرحمها
http://www.youtube.com/watch?v=HxMhhGMubi4
الكل يسمع هذي الاغنيه والبعض منا يجهل لماذا تقال ،،،
هـذي الأغنيـه يغنونهـا حريم أول قبل موعـد القفـال بحوالي ثلاثة أو أربعة أسابيع
يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال ورياييل
داشين الغـوص ينتظرون ردتهم الديرة على أحر من الجمـــر ..
يبدون الحريم والبنات يغنون هالأغنيه مثل ماذكرت قبل موعد القفال بشرط يكون عقب المغــرب ..
بحيث يتجمعون صوب السـِيف .. وتشرف على الغناء إمراءه قويـه ونشيطه تتحمل المسؤوليه
عن جميع النساء .. أما الحريم الباقي يبدون بجمع الحطب وسعف النخل ويستخدمونهـا لأشعـال
النـار .. وبعدهـا يوقفون على هيئة دائريه متحركـه وينشدون بعض الأناشيد والأهـازيج اللي أهمهـا
توب توب يابحــر ..،،
توب توب يابحر ، اربعه الخامس دخل >>>> يقصدون الشهور
جيبهم طالبينك جيبهم ،، ماتخاف من الله يابحر
يااللومي هات بن رومي ،،، يالقاز هات بو قماز
ياللين هات ونيان ،،، يالتمره هاتي حسين وخمره
يالرمان القطيفي هات عبداللطيف
يالدانه جري شملان من اذانه
يالجوهره هاتي حسين من بحره
وماتخاف من الله يابحر
ويالجبريت هات محمد العفريت
( القصد من هـالأغنيــــه )
تخويف البحـر وتأديبـه وتهـديده !! لأنه السبب في فـراق أهلهم الذي طـال عنهـم
أيام وليالي .. وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن ..
( سبب حملهم سعف النخيـل المشتعــل )
سبب طريـف ويدعو للغرابه والإستغراب !! هالسبب يخليهم يطلعون
اللي في صدورهم وقلوبهم من مشاعر جياشه وعاطفه وفراق وغيره .. حيث إعتادوا على
ضرب البحر وحرقه وكيه بالنـار ( يجوونـه ) .. علشان يحس باللوعه والفراق اللي يحسون فيه !!
( ماسألتوا نفسكم !! شسالفه القطوووه !! )
هالقطوه الله يسلمكم يلبسونهـا قطعه من مشموم تتعلق على رقبتهـا
وتقوم وحده من الحريم بشرط تكون شجاعه وقويه ..
بثقب أذن القطـه وتحط في أذنهـا خـرز.. وبعض الحريم يغطسون القطووه في البحر
عدة مرات والقصد تنجيس البحر بهـا !!.. وبعدهـا تقوم المره القويه بشد أذن القطه
بشده فتصرخ من الألـــم ( ميـــــاو ...ميـــــاو ..ميــاو ) فترد النساء أجمع بالقول
( يـاو .. يـاو .. يــاو ) يعني جاؤا جاؤا !! والطرف الآخر من النساء يقومون بحرق البحر بالسعف علشان يحس بالألم اللي يحسون فيه .. والبعض الآخر يحذف ويلقي الحجارة :الحصـا : عليه
أو يصبون فيه عشرج ( حـلول ) كي يصاب بالأسهــال !!
ويرجع أهلهم ساليمن غانمين بالولو محملين ،،،
وهذا رابط المقطع واللي بالمقطع عوده المهنا الله يرحمها
http://www.youtube.com/watch?v=HxMhhGMubi4
