توصيل اليهال من عليه ..؟؟ انتي ولا زوجج ..؟؟

[فلسفة جرح]

شوفي حبيبتي حلو انه انتي تتعاونين مع ريلج مو كل شي عليه لو يطلع الساعه 5 وانتي تقعدين عيالج الساعه 6 انتي اللي توصلينهم احسن بس الظهر وهو يكون موجود بالبيت هو اللي لازم يجيبهم من المدرسة بس اذا انتوا مو متعودين على هالموال احسن يوصلهم السايق عشان انتي وريلج ترتاحون

 

[FJ style]

اولا حرام عليج تحرقين اعصابه وتنومينه محترق منج
هذي الزوجة الصالحه؟؟؟ حتى لو غشمرة
شوفيه باجر لي قلتيله اطفرك شبيسوي

ثانيا
الحياة تعاون
اللي يقدر على الشي وظروفه تسمح يسويها
انا عيالي بحولي مدارس خاصه
انا اوديهم الصبح وارجع مدرستي واهو يردهم الظهر لان طلعته قبلي

 

[رمانة الكويت]

شوفي يا اختي انا علي اوصل بناتي اللي بالابتدائي لانهم معاي بنفس المدرسة وبنتي اللي بالمتوسط وولدي اللي بالحضانة يقطهم ابوهم لان على طريجه مع انهم قريبين حيل من دوامي ..بس لان بيتي بعيد عن الدوام ومدارسهم فاهو مقدر هالشي .. بالنسبة لهدتهم انا اخذ بناتي اللي معاي وابوي يطلع بنتي اللي بالمتوسط لانها مع اختي واخوي يطلع ولدي اللي بالحضانة لانه مع ولده يقطونهم عند امي وانا اخذهم بالهدة .. دوامي حييل قريب عند اهلي .. اوصل البيت على الساعه 2 وربع ..

زوجي دوامه بصمه يطلع الساعه 1 ونص ما ينفع يطلعهم ..


والحمد لله التعاون حلوو ..

اتصدقين حتى وانا نفاس اييبهم !!

 

[tmtmt]

اممممم
اهيا شراكه بين الاثنين اكييد
معني اشوفها مسؤولية الام اكثر
يمكن لني ما احب اخلي بنتي بروحها احب انا اوديها واييبها

وبما اني مقدمه استقالتي انا اوديها واييبها
وينا ان اهوابالبترول ودوامه شفتات
اهوا بالاوف يساعدني انا اوديها واهوا اييبها
منها اهي تستانس اذا راحلها ( معنى تقولي ليش ماييتي خذيتيني فديتها)
ومنها انا ارتاح واهوا يحس بالمسؤوليه

واذا توظفت راح تكون على الي يقدر

وبالنسبه حق الوظيفه
اكيد المعاش راح يفرق معاج
والشركه توفرلهم مميزات وااايد حلوه الصراحه ما تتطوف
وخل يصلي استخاره اكيد


واخر شي
ما انصحج تقوليله انج كنتي اطفرينه
ان هالشي راح يزيده اكيد
خليتيه ينام ولا يتعشى واهوا مطنقر واخر شي غشمره !!

 

[PuPa^^SWeeT]

انا اودي البنات الصبح



واهو اييبهم العصر



بالعكس مافيها مهانة


استمتعي بلحظات السيارة و يا عيالج

 

[noynoy]

بالعكس النفط فرصه واااي حلوه
و اذ توضف هناك مستقبله حلو
و مزاياهم وااايد مشالله
و سالفه التوصيل على اللي يقدر
مافيها شي كلش اذا انتي وصلتيهم

 

[PuPa^^SWeeT]

قصدي الظهر

 

[PuPa^^SWeeT]

قصدي الظهر

 

[حنان الحربيه]

على الباص هع

الحمدالله احنا من هالناحيه مرتاحين
لان فيه باصات تابعه للمدارس
وفيه باصات خاصه

 

[لمى الهاجري]

اب اب

 

[Patcholli]

يسلمون بنات احس لما قريت مشاركاتكم خف علي الموضوع واحسه سهالات لوول

 

[Abraaj]

كل واحد وظروفه!

انا مثلا اودي ولدي الصبح والظهر زوجي يرده.. بحكم دواماتنا!

ولو انا بمكانج ماخلي زوجي ينتقل النفط لانه ادري زوجي مايقدر على دوام طويل! لانه عنده اشياء بحياته مهمه غير الدوام! والدوام الطويل راح يعيقه ..

بس اذا زوجج حاب الشغله خليه لانه ماشالله معاشات النفط زينه.. لكن مانصحج تطلعين من دوامج.. معاشج = الاستقلاليه

 

[متواضعة]

حبيبتي مافيها شي توصلين اليهال بس مو مع انه تقدمين استقالتج عشان هالشي

بالنسبه لي ريلي يودي ولدي الصبح وانا اخذه الظهر نتشارك مافيها شي مع انه صج تعب

وممكن اتيبون سايق ؟؟؟ انا اتمنى يكون عندي سايق ايبني وويوديني وويودي اليهال المدارس ...


الله يسر لكم يارب