توكلنا على الله التجربة الخامسة

[هالة الصباح]

رد : توكلنا على الله التجربة الخامسة

السلام خواتي عمليتي إن شاء الله سحب البويضات يو الأاثني وقبل شوي الساعة 9 بالضبط أخذت الأبرة التفجيرية والله كريم خواتي ووفقكم جميعا

ومشكورة يا حوية على المشاركة والتذكير فعلا الدعاء والصدقة شي مهم والله يوفقنا يا الله

 

[ترووفه]

يارب تحملين وتبشرينا بحمالج

وتيبين اخو او اخت لحموودي

والله يسهلها عليج يااارب وعلى كل وحده مسويه الحقن والانابيب

 

[شمخانيه]

الله يوفقك ويرزقك الذرية الصالحه

 

[هالة الصباح]

رد : توكلنا على الله التجربة الخامسة

أختي تروفه مشكورة وايد على المشاركة
وأختي شمخانية مشكورة أيضا على المشاركة والله يوفقكم

 

[شنوووفه]

رد : توكلنا على الله التجربة الخامسة

الله يرزقج وتييبين توأم يااارب :>
موفقه

 

[هالة الصباح]

رد : توكلنا على الله التجربة الخامسة

شنوفة شكرا علي المشاركة

خواتي أهم شي النفسية وخلوكم مع الله دائما وطلبو منه الذرية الصالحة
طبعا صاري جم يوم غايبة ما سجلت يومياتي
والسبب الارهاق الشديد من السحب في اليوم الاول من السحب تعبانه وبعدين لقحوا سته من ٨ورجعوا ٣ درجة أولى
امس والحمدلله على كل حال الله يثبتهم ويحفظهم من الشر ياالله يا رحيم يا كريم
وشكرا للجميع

 

[مواهب متعدده]

الله يرحمك يا هاله ويجعل قبرك روض من رياض الجنه

 

[هالة الصباح]

الله يوفقكم يا بنات وتحملون وإن شاء الله نسمع عننكم أخبار طيبه

 

[ترووفه]

:eh_s(2):

انتي هااله ؟؟؟؟؟؟؟؟

 

[هالة الصباح]

اي اللي طلعوا علي اشاعة والله يجزاها خير أختي برميت هي صديقتي قالت لي السالفه وانا من امس يوم عرفت الخبر موقادره استوعب قمت اضحك

الله يجزها خير أختي مواهب متعدده ماقصرت دعتلي بالرحمة الله يتقبل منها

 

[الجاردينيا]

والله انا اليوم دشيت وقريت وتفاجات المفروض الواحد يتاكد بس الحمدلله انك بخير والله يرزقك يارب الذرية الصالحة والمعافاة تدرين كنت بسوي تلقيح ورا العيد بس ترددت وقلت بخليها على الله وبسوي شغلات طبيعيه مثل العسل والزنجبيل انا عندي تكيس وزاد من كثر العلاجات وللحين الله مارزقني والله ماادري شسوي بس الله كريم ادعيلي امانه اختي هالة ولكل خواتي بالمنتدى

 

[هالة الصباح]

إن شاء الله بدعليج وكل شي بيد الله وعسى الله يرزقج الذرية الصالحة وتحملين يارب والتكيس مو مشكلة يتعالج بحبوب الكلوفاج بس لا يكون تكيس شديد هذا شي ثاني لاني كان عندي تكيس وتعالجت والحمدلله سويت الحقن المجهري الحمدلله على كل حال

 

[دنياالوله]

حبيبتي هاله الله يتمم عليج ويرزقج
جربتي ترجعين مجمد
انجحت العمليه والا لا
وشنو كانت خطواتج بالمجمد اقصد برنامج الاعلاج

 

[عسل حدي]

رب لا تذرني فردا وانت خير الوارثين