تونكاتي وماسكاتي (بالصور).. بين ايدينكم ولعيونكم

[وردة سلفر]

السلااام عليكم يالغالياات ​

ربي يشهد بحبي اني افيدكم بكل شي فادني على​

طول سنين عنايتي وكل اللي اسويه واحطه من ​

واقع تجارب طويييييله .. ​

وان كنت مقصرة في ذكرها كلها من الى فالسموحه​

حبيبات قلبي ، لأني احب انكم تجربون وتاخذون​

وقتكم باللي افيدكم فيه .. وعلشان لاتنوخذ علي​

ان كثرة مواضيعي حبا بالشهرة او مجرد تأليف​

وبجربة فيكم .. لا طبعا ! منتوا فيران تجارب عندي​

حشاكم :eh_s(4):​

واحلف بالله العظيم اني مانزلت ولا بنزل لكم شي​

بالمستقبل الا ومجربته على روحي ومرافقته رفقه​

طوييله تكفيني للحكم على فوائدة وسلبياته بعد .. ​

وانتوا عارفين ان النتايج السلبية ماراح تبين​

الا بعد فترة طويله من استخدامها على البشرة ..​

وهذا للأمانه سبب قلة مواضيعي وماهو تقصير مني ​

بحقكم لا والله !​

...................​

المهم مالكم بطولة الكلام ..​

اليوم نزلت لكم تونكاتي اليومية واللي كان لها فضل​

كبير في صفاء بشرتي والسيطرة على مشاكلها اضافة​

الى ماسكاتي اليومية والاسبوعية لويهي ولجسمي و​

لشعري بعد .. ​

وجمعتها لكم في موضوع شامل وعسى ربي يعطيكم خيرها ​

ويكافيكم شرها اللهم امييين ​

..​

اولا ببدي معاكم بالتونكات ..​

تونكاتي اثنين ما اغيرهم مهما يصير ولا اتركهم ابد ​

عطوني نضارة وصفاء وتوريد وطيرولي تصبغات البشرة​

واثار الحبوب بشكل سحريييييي لا اله الا الله ..​

الاول : تونك البابونج واللافندر (حبااايب قلبي) :friends:​

ناخذ مقدار ملعقة من كل عشبة من هالعشبتين​

​

ونحطها في كوب ماء مغلي ونغطيه ونتركه ساعه​

​

بعد الساعه نصفيه في بطل زجااج وهذي الكمية اللي تطلع لنا واهي
جدااا كافية لان التونك المفروض كل 5 ايام نسوي يديد ..​

​

طريقة الاستعمال :​

ينحط طبعا بالثلاجة .. و3 مرات باليوم مسحي ويهج فيه بقطنه غرقيها
منه وخليه ينشف بروحه على بشرتج ..
وحتى منطقة تحت العين ترى مفيد لها جدااا ويفتح الاثار بعد .​

ثاني تونك : تونك النعناع ​

​

وطريقته نفس الاول بالضبط
بس تحطين ملعقة من العشبة المجففه بكوب ماي وتصفينه وبالثلاجه​

وتمسحين فيه ويهج بالليل قبل النوم ماعدا حوالين العين وتخلينه ينشف
بروحه (هالتونك عجييييب للحبوب) يعالجها ويمنعها مستقبلا . ​

.........................................​

ماسكاتي لويهي تنقسم الى : ​

ماسكات يومية (بمعدل يوم وترك)
وماسكات اسبوعية (بالاسبوع مرة)​

.
.
.​

ماسكاتي اليومية​

اولا : ماسك (بودرة اللولو) هذا اسم ماسك بودراتي :050103nbh_prv:​

​

وطريقته بعد ما تخلطين هال (8) اعشاب المطحونه بعلبة كبيرة (مقدار نص كوب
من كل عشبة .. والكركم ملعقة وحدة )
اخذ مقدار ملعقة من الخلطة مع ملعقة روب واحطه نص ساعه على ويهي
واغسله بس بماي وارش ماي ورد باارد .​

(ملاحظه: بعد الماسك احتمال تشوفون تحسس بالبشرة هذا عادي دقايق
ويروح بسبب السدر)​

الماسك الثاني : بياض البيض واللوز​

​

الطريقة اني اخذ 3 لوزات وانقعهم 5 دقايق في ماي حااار .. بعدين اقشرهم
وألاحظ انهم يتقشرون بسسرعه .​

بعدين ادقهم واخلطهم مع بياض بيضه (شوي من البياض) + قفشة صغيرة
نشا واخلطهم حيل حيل لين يمتزجون واتركه ربع ساعه لين تطلع فايدة اللوز
مع الخلطة .. بعدين احطه على ويهي لين ينشف واغسله بس بماي دافي وبعده
ارش ماي ورد باارد .​

استخدم هالماسكين بالتنااوب
( يوم البودرات .. يوم اوف .. يوم البيض )​

ينورون ويبيضون ويشدون ويعطون
البشرة نضارة خيالية ​

...............................​

ماسكاتي الاسبوعية :​

** اخصص يوم بالاسبوع احط فيه ماسك الطين اللي نزلته لكم وهذا رابط
الموضوع :

http://www.q8yat.com/t872894.html​

ولجسمي اخلط مقدار 3 ملاعق من ماسك (بودرة اللولو) + 4 ملاعق روب
واحطها لكل الجسم والوجه خلال حمام البخار .​

وبعد ما اخلص من البخار اسكر مساماتي بماسك
(مهلبية دم الغزال) ​

​

وطريقته موجودة بهالرابط :​

http://www.q8yat.com/t819384.html​

..........................................​

بالنسبة لماسكات الشعر :​

عندي ماسكين ما اغيرهم .. كل اسبوع واحد منهم اخليه بشعري نص ساعه
والبس كاب نايلون قبل ما اغسله .​

الاول : ماسك البقدونس ​

​

ولما اغسله بس بماي ضروري بعدين اطيح الاعشاب بحمام زيت عالسريع .
(ممكن تغسلون بشامبو)​

والثاني : ماسك الطين والعسل​

​

طبعا الطين مقصود فيه الطين البركاني من اي ماركة كانت
وانا هذا الطين مالي (ماركة الشرفاء) من العطار .​

​

طبعا من تحطينه على شعر نظيف .. بعد نص ساعه غسلي شعرج بشامبو مرة وحده .​

هالماسكين بالتناوب مرة بالاسبوع يعطون لمعه قووووية بالشعر
ونعومه روووعه :rerrerek:​

.
.
.​

تم بحمد الله
:eh_s(17):​

اتمنى اكون غطيت كل تساؤلاتكم واستفساراتكم بهالصور
واي سؤال ثاني هم انا حاظرة لعيونكم وحده وحدة فديتكم
:eh_s(7):​

ما احلل اي وحده تنقل مجهودي وتعبي دون ذكر المصدر
:eh_s(17):​

 

[AyO0N 3ZOZ]

حبيبتي كل شي تقوليه اسويه من دون تردد الماسك اللي نشاء وماء بعد الساونا صار عاده عندي

وبضيف ان شاء الله التونيكات حقاتك بس اول مرة اسمع انوكل خمس ايام اسوي جديد راح اخذ بهالنصيحه اكيد


يعططيك العافيه والله يجعله بميزان حسناتك

 

[• JoJo •]

واااي ماشاءالله تبارك الرحمن احب موضوعاتك وردتنا الله لا يحرمنا منك


يعطيك الف عافيه

 

[Fashion]

مشكوووووووووره فديييييييتج

انتي عسللللللللل وربي

ماننحرم من هالمواضيع


وان شاء الله بجرب تونك اللافندر والبابونج اليوووم


بس بقولج شغله لما سالت العطار عن عشبه الافندر قالي مافي في زيت
وانتي قصج عن الخزامي
وعطاني مثل الي عندج بصووه

<<ادري هذرت وااااااااااااايد لوووووووووووووووووول

امواااح هاذي لج يا عسل​

 

[الغاليه امي]

جزاج الله خييير حبيبتي ماقصرتي

 

[ANGEL CAT]

ورده تتهنيييييييييييييييييين عنايتك حلوة متلج

الله يهنيكي حبيبتي واحب البنات الي تحب الخير لغيرها


ودايم مشرفه مواضيعي الله لا يحرمني الطله

 

[#تولين#]

تهبليييييييين ورد السلفر عساااااك على القوه منجد موااضيعج وااايد روووعه ومفيييده

أستمري بأبداعاتج وأحنا ورااج لووول

 

[التـــوت البـري]

تسلمين حبيبتي ماقصرتي والله يجعله في ميزان حسناتج

بس بسألج تونيك البابونج اللافندر اغسله بماي بعد ماينشف والا اخليه عادي

 

[ناتشوو]

جزاج الله خير
بس تدرين
محتاجين جدول نمشي عليه
يعني انت ماشية على جدول معين ؟
السبت اسوي هالخلطة
الاحد استخدم هالماسك
وفي عناية يومية مستمرة ؟

 

[وردة سلفر]

حبيبتي كل شي تقوليه اسويه من دون تردد الماسك اللي نشاء وماء بعد الساونا صار عاده عندي

وبضيف ان شاء الله التونيكات حقاتك بس اول مرة اسمع انوكل خمس ايام اسوي جديد راح اخذ بهالنصيحه اكيد


يعططيك العافيه والله يجعله بميزان حسناتك

حبيبتي مشكووره فديتج ..
والتونك لان ريحته تتغير مع الوقت فالافضل نغيره

 

[وردة سلفر]

واااي ماشاءالله تبارك الرحمن احب موضوعاتك وردتنا الله لا يحرمنا منك


يعطيك الف عافيه

يعافيج يالعسل :eh_s(7):

 

[وردة سلفر]

مشكوووووووووره فديييييييتج​

انتي عسللللللللل وربي​

ماننحرم من هالمواضيع​

وان شاء الله بجرب تونك اللافندر والبابونج اليوووم​

بس بقولج شغله لما سالت العطار عن عشبه الافندر قالي مافي في زيت
وانتي قصج عن الخزامي
وعطاني مثل الي عندج بصووه​

<<ادري هذرت وااااااااااااايد لوووووووووووووووووول​

امواااح هاذي لج يا عسل​

لووووووووووووووووووووول عطاركم حددده ذكي .. اللافندر اهي الخزامى اصلا
خخخخخخخخخخخخخخخخ ..

حياتي انتي العسل والله فدييت قلبج :eh_s(7):

 

[Manalisa]

مشكوورة قلبووو

 

[كتكوته و اموره]

يعطيج العافية على النصايح

احلى تونك طبيعي لتصفية الويه من الاثار جربتة هو تونك البابونج و اللافندر والله خذيتي فيني اجر و تونك العناع يخفف الحبووب بكل مكان مو بس الويه اكثر مكان خففلي فيه الحبوب صدري

 

[دلوعة المنتدى]

يعطيج العافيه

 

[one two 3]

يسلموو سيفت الصفحه

 

[رماد وظل]

الله يعطيك العافية

ماتقصرين

 

[miss angel]

ماشاءالله عليج ورود عنايتج تهبل

يعطيج العافية ياقلبي

 

[A.N.L]

تسلمين بعد عمري الله يتمم عليج ان شاءالله

 

[جوري ورديه]

الله يعطيك الف عافيه علئ المجهود الرائع والمتميز الله يرزقك بكل الي تتمنينه ورده سلفر تستاهل كل خير طيوبه ومتميزه في جميع مواضيعه مشكوره ورده