توني عرفت آغرآضي وين تروح !!

[* ليــــدي *]

في تفآصيل تآفها مآذكرتهآ توقعت اللي بيقرآ يجآوب على قد المشكله
لكن آكتشفت في عقول فآرغه تخلي المحتوى وتبحث عن الهآمش

 

[سحـورة]

حتى لو كانت شنطتها عووده !
انتي بتلاحظين كبرها و بتلاحظين انه في أشياء دشت أكثر !!
ثاني شي :- انتي بتلاحظين توترها و حركتها بإرتباك ،
الشي الوحيد المتفق عليه انج يمكن طيبه ع نياتج و هالشي استغفلته فيج
انتي الغلطانه فكل الحالات



يعني مش معقوله ساعات و تيشرتات و بلاوي تدخل و الشنطه ما تنتفخ !!

 

[سحـورة]

المشكله حلها مش طريقه تعاملج معاها !
المشكله كيف تواجهين الناس وتعترفين بويوهم
البنت ماعندها مشكله ، باقت وخلصت .. المشكله تكمن فيج انتتتي شخصياً ،
خل يكون عندج حس بديهي و تركيز !
مب كل انسانه ادخلها داري واخليا تبوق ماتشتهي !!
جيه انتي قعدتي فالحمام نص سااعه وتسمعين كل هالأصوات ؟
هذا دليل انها معتبرتنج :- غبيه وللأسف
هذي الصرااحه

 

[@تاج الراس@]

انا مصدقتج
وانا من رايي ما تفتنين عليها
استروا علي الناس الله يستر عليج
ويكفي انج واجهتيها عشان تتوب
وان فتنتي عليها يمكن تزيد اكثر واكثر وان ردتلج الاغراض بعد كافي
وقوليلها اذا نقص شي من البنات بالدوام انتي اول وحدة اصابع الاتهام رح تروحلج
وهالمرة سكت لج بس المرة اليايه لا
وهذه شكلها مريضه نفسيا لان مو معقوله تبوق واليوم الثاني متكشخه باغراضها جدام البنت الي باقتها
ولا تستغربون عادي كبار يبوقون هذا مرض اذا ما عالجتها بيمشي بعروقها
ادعوا لها ان الله يشافيها
واشكرج علي طرحج هالتحربة واتمني من الكل لحد يستهين بفكرة ان في ناس جذي بهالدنيا انا مروا علي وايد جذي

 

[عادت ذكرياتي]

يمكن مبتلاه بمرض نفسي لأني صادفت وحدة مشابهة لحالتها الله المستعان

 

[بحةة آلشۈق]

هههههههه
يممممه مااأحب هالاششگاال بصصرآحهه لـآزم توقفينهآ
عند حدهآ عشششآن ماتتمآدى
الله يعينگ
واذاحليتي المشگله ورجعععت الاغراض بشرينآ

 

[laymona]

ههههههههه على كثر ما سالفتج تقهر بس كوميدياا نوعا ما جد البنت ما تدرين شمصيبتها مريضه ولا فقيره ولا بواقه بطبعها !!!

عفيه عليج طوفتي اول جم اسبوع لو غيرج والله ما سكت

 

[نونه المنكوشه]

الحمدالله الذى عافانا هذى رسمى مريضه وموصاحيه الله يشفيها

 

[أعشقه]

والله احس اني انقهرت شلون انتي تخبين وماتبين تعلمين الا والله او انا مكانك اعلم عليها خل تستحي ع وجها
وش كبرها عيالها كبرها وتسرق وش خلت للجهال ماتستحي وشينه وقويه عين بعد تسرق وتلبسهم ماتخاف تكتشفونها
علمي عليها وخليهم يحذرون منها لو هي ماتبي الفشيله كان ماسرقت
الي يسرق المفروض يقطعون يده
انا لو منك والله الا افشلها واخليها توقف عند حدهااا

 

[ياحُبِي لِلكويت]

لاحول ولاقوة الا بالله ,, دام بنت ناس وااضح انها مريضه يارب لاتبلانه يمكن خيره انج كشفتيهاا ويرد عقلها لهاا ,,

 

[بوح الحنين]

ليدي انتي معطيتها وجه بزياده اسمحيلي المفروض انك مفشلتها وجايبه عنوانها ورايحتلها وساحبه كل اغراضك

 

[انونا]

حبيبتي لا تلومينهم البنات بس لانهم من صدمين ومستنكرين هالشي
انا ما اقول انج جذابه لا حشا

بس انا مصدومه من قلة ادبها ووقاحتها وشلون تجرأت يعني في ناس يبوقون بس مو نفس طريقتها كلش
اي صح ذكرتيني مره خدامتنا بنوديها المطار اخر شي بايقه ثيابنا لابستهم وتجذب وتقول اهي شاريتهم ولبس الي اهي لابسته قطعه من لندن والثانيه من لبنان والثالثه من اهني بس غلايا مو رخاص يعني مستحيل تقدر عليهم

عالعموم حبوبه انا صراحه لو مكانج استر عليها عند الناس لان من ستر مسلما ستره الله يوم القيامه
بس اروح اكلمها واكلم اهلها لان الي توصل جذي هالمرحله صعب ان تتوب فلازم احد معاها ومهما كان هذوله اهلها سترها وغطاها واهم يتصرفون لان الشي النابع الاساسي من البيتها وجد محتاجه وقفتج معاها والدعاء لها بالهدايه

والبنات بيمشون ويتشمتون ماراح يحلون مشكلتها


انا هذا رايي الشخصي

 

[انونا]

اي وحبيبتي عفيه طمنيني اصار عليها حتن لو بالخاص

 

[آنسه شبآصه]

هههههههههههههًَآآي فطست ضحك
ع قد ماتقهر قد ماهي تضحك شنو عفيه يد عليها كيف قدرت تخم كل ذوول :eh_s(10):
ولــآآًَ بعد مصررره الي تجي بيتكم عيب مايصير البنت تعبانه اهلها موجودين
الا تجي
بصرآحه الله يعينج وترا مصدقتج فيه ناس جي الله يشفيهم ولايبلانا :eh_s(2):
يمقن البنت مريضه نفسيـًَآ لاني في بعضهم جي عندهم دآآفع
وحـًَآله والا عاده كبرت عليها من يوم كانت صغيره و حتى لو ماهم محتاجين يسرقون :denya:
:
بس ويييييين بعد عينك عيني تجي تكشخ بااغرج وقدامج وانتي تطالعين وتصور فيهم
طيب الاغراض فدوه عن عمرج بس الصور شكو ماخذتها لازم تاخذينها منها بااي طريقه

:
وفديتج باين عليج طيوبه وبنت اصول لان مافضحتيه لي الحين
خلاص مشيها لهـًَآ وستري عليها والله يستر ع الجميع
بس قبل جي كلميها قولي لها عيب وانا هالمره سكت لج بس غيري مايسكتون
يفضحونج بكل مكان والناس ماراح تسميج الا البواقه يعني خرعيها يمقن تخاف شوي وتعقل


:
ودمتي بخير غلاي وربي يبعد عنج كل سوء

 

[قفشـه]

يالهووووي !!

ترا عادي ردة فعلج ساعات لان اول مره ننحط بموقف تكون ردود افعالنا دايخه ومانعرف نتصرف

بس الله يعينج الصراحه موقف محير خصوصا انها تلبسهم يعني اوكي بوقيهم وخشيهم مو تترززين فيهم

انا لاني مدرسه فمروا علي بنات فنانات جذب وبوق وافلام فعادي الدنيا سهالات :d

بس هالبنت لازم توقف عند حدها

لاتواجهينا تسويلج مصيبه

بس بلغي البنات وتحرصوا وخلي البوقات اللي قبل دفعة بلا

 

[خُزام]

أول شي الصراحة حطيت نفسي بمكانج وما ألومج
يعني لو وحدة سنعة بنت ناس شايفة خير قاعدة ببيتي
ما بشك إنها بواقة !! حتى لو شكيت ما بروح أفتش أغراضي جدامها وأشرشحها !!
وأقول لها ما تطلعين إلا لما تطلعين أغراضي عييييييب هالتصرف حتى لو هي ما تعرف العيب وبواقة
أكيد بسكت وعقب يحلها ألف حلال
أحييج إنه رغم شكج احترمتي وجودها ببيتج وما فتشتي جدامها
ولا شرشحتيها وهاجمتيها على طول بدفاشة ليدي يا ليدي

ثاني شي مرات تمر مواقف عالواحد تخليه ما يعرف شلون يتصرف

او يتصرف غلط او ردة فعله تكون بطيئة !! او عالنية الطيبة او تصرف نابع من الأدب والذرابة
هالشي طبيعي ترانا بشر مو بكل المواقف نتصرف بشكل بيرفكت التصرف السليم وتكون عندنا ردة الفعل السليمة
وتفكير الجواسيس والمحققين والمشككين
ثالث شي صج البووووق فن مثل ما يقولون يعني البواقين المحترفين ما تحسين فيهم
إختي كانت تسولف لنا عن وحدة معاهم بالدوام هم جذي تبوق من البنات ومحد يحس فيها
ولا يشكون فيها أصلا !!! وآخر شي طاحوا عليها وضغطوها حكروها بزاوية وانتقلت من عندهم
والا من شاف فيديو الهندية اللي باقت كرتون بيبسي دخلته تحت لبسها مو مستوعبة شلون !!!!
وهاذي اكسسوارات صغيرة وملابس تتسفط عادي يندعسون بالجنطة وتحت ملابسها
عموما مثل ما قلتي هالنوعيات فيهم مرض مو كفو حشيمة :eh_s(4):
مو لازم تفضحينها عند الكل ستري عليها بس بالنهاية لازم تواجهينها وتهددينها عشان تخاف !!
والصراحة أحس كل شي مو مهم كثر الصورة يعني بالطقاق اللبس والاكسسوارات
بس الصورة ما تدرين شبتسوي فيها
خوفج تروح تركب على صورتج والا تنشرها على أساس انها اهي !! :eh_s(10):
لا تسكتين عنها حكريها بزاوية ضيقة و هدديها إنج بتفضحينها وتشتكين عليها عند الإدارة :eh_s(7):

 

[سعودية!!!]

عفيه عليها شنطه شالت كل هالاغراض :|

 

[كراميلا مرة]

كرآميلا طز بالاغرآض بدآلهم آشتري الف شغله ..
بس انا قلت لهآ صورتي معلقتهآ عالمنظرهـ وينهآ وتهآوشت ويآها واعترفت البنت انهآ بآقت
واساسا انا مالآحظتهآ لآن مآشكيت فيهآ كلش ..
وطلعت قعدت آصب لهآ قهوه و جآي مآلاحظت اغرآضي لآن مسكرهـ الدرج عليهم فـ مو من المعقول آخلي البنت و اروح اتاكد من الاغراض !!

آي سؤآل بعد مآعندي شي انا فاضيه بخلي الشغله اللي محتآره فيهآ وبقعد ارد على استجوآبكم .. مآذكرت التفآصيل السخيفه لان مشكلتي شلون آتعآمل معاها ..
مو طريقة البوقه وشلون خذت وشلون طلعت وليش ماوصلتها السياره وليش مافتشت جنطها قبل لاتطلع وليش مافصختها اتاكد مامعاها شي وليش ما حطيت كاميرة مراقبه وليش انحسرت ودخلت الحمام كان المفروض ما انحسر اقعد اقابلها وليش ماعلم الغيب ونزل الوحي يعلمني انها بتبوق وليش وليش وليش

انا مو قاعده احقق معاج
بس اللي بيكتب مشكله لازم يذكر كل شيء
عشان نستوعب التفاصيل وكيف صارت
ودام الرد اللي بعده ماوجهتي لي
باعتبر نفسي ماشفته :bbbiu:

 

[chakletaA]

لو انا منج اسويلها show قليله ادب هذي فاصخخخخخخ


موشايفه خير


الواحد مايآمن حتى على نفسه اخاف انام الاقي ادي مقطوعه

 

[ترانيم القصيم]

أذكر مرّة وحدة من صديقاتي ( أكبر مني ) كانت معنا بنفس المدرسة

تقول كانت معنا بنت غنية و أهلها تجّار ما شاء الله ,, بس فيها مرض نفسي ( تسرق البنات )

و كانت حيل متعاطفتن معها ,,

الله يشفيهم يا رب و يصلح حالهم