توني عرفت آغرآضي وين تروح !!

[هيبة فتاه]

انا مو مصدقتج : (

 

[شوارفسكيه حمره]

حبيبتي هذي مريضه ومرضها اسمه Kleptomania اسمه مرض البوق
كلامج ماراح يأثر فيها لازم تروح حق طبيب نفسي


الكلبتومانيا أومرض السرقة (بالإنجليزية: Kleptomania) هو مرض نفسي يكون المصاب به مدفوعاً، بما يشبه الحواز، إلى سرقة أشياء تافهة الثمن والقيمة، لا هو بحاجة إليها ولا هو بعاجز عن شرائها. وكثيراً ما يلقى بها بعد ذلك أو يعيدها خلسة إلى صاحبها. بذلك يبدو هدفه هو السرقة لا المسروق! ومريض الكلبتومانيا يعرف أن السرقة جريمة ويشعر بعدها بذنب واكتئاب، لكنه يفشل في مقاومة اندفاعاتها كلما استبدت به، ويشعر بلذة عاجلة عقب فعل السرقة. وهي حالة مرضية شديدة الندرة وأغلب المصابين بها من الإناث. وقد تكون مصحوبة بالقلق العصبي أو اضطرابات التغذية مثل فقدان الشهية العصبي والشره العصبي.


الله يعينج عليها

 

[PuPa^^SWeeT]

ترا مصدقيينج


بس السالفة من قوتها مو قادرين نستوعب


ترا مرض اللي فيها

واللي فوووقي يابتلج اسم المرض

 

[Hand]

الله يكون في عونج حبيبتي

بس من جد في ناس تجذيه بواقين بهالطريقه هذي اكيد فيها مرض نفسي

بس ماردت الفلوس ولا اغراضتش بعد لمن كلمتيها ؟

 

[حناينq8]

شلون طلعت من بيتكم وكل هالاغراض معاها ؟؟؟؟
محد شافها ؟؟؟

استغفر الله هذا مرض - دامج طولتي بالج من الاول عليها
بدال ما تفضحينها انصحيها تتعالج

والله يعوضج خير حبيبتي

 

[آنـوش ••||]

اخذ كل هالاغراض وانتي بالحمام..؟

زين انج طلعتي ولا جان اخذت اثاث عرفتج لوووووووول

ههههههههههههههههههههههههههههه تخيلت شكلهآ واهيا تبوق :krkrkr::krkrkr::krkrkr:
الحمدالله اللي عافانا مما ابتلاهم

 

[آنـوش ••||]

المشكله فوق شينها قوات عينها

 

[~Unreachable]

السالفه مو داشه مخي سوري

يعني لي هالدرجه طولتي بالحمام اللي خمت الدار كلها و مالاحظتي يوم طلعت

ليكون كانت داشه عليج بجنطة سفر !!

و فوق هذا سكتي واللي خلاح تنفجرين 30 دينار !!!!

والله انا لو ينباق مني خاتم حلي بعصب

مادري في شي غريب حيييييل بالسالفه

تلبسهم جدامج ولاهامها و انتي ميته من الضحك !!

سوري حبوبه اكيد في حلقات مفقوده بالنص

 

[~Unreachable]

اممم توني قريت ردج وانتي تدعين عاللي ماصدقوا

مالاداعي تدعين علينا اذا مصدقنا

و حتى لو كنتي صاجه ف تاكدي ان طرحج غلط في شي مومنطقي فيه

يمكن ماقلتي التفاصيل او يمكن في امور طوفتيها

عالعموم الله يعوضج خير

و طولي بالج

 

[بنت النور 2010]

الله يعافيها ولا يبتلينا والله هذا مرض

تخيلي انا صار لي هالموقف بنت عم زوجي رحت لها بيتها وسرقت فلوس من محفظتي دقيت عليها لما رجعت البيت قلت يمكن طاحت بالارض قالت يمكن شغالة جارتي شالتهم يدها طويلة وزوجي زفني قال كذا تتهمينها اتصلي عليها قولي خلاص لقيت فلوسي بالسيارة وفعلا دقيت


ولا شكيت فيعا تخيلو جات بيتي وسرقت بوك وحدة من صديقاتي والله والله حتى الفكة ماتركتها مبلغ وقدره والله مو محتاجة بس هذا مرض الله لايبلانا

 

[إباء الروح]

طيب وصورتك اللي ماخذتها؟
اعتقد ذي اهم من باقي الاشياء..
خل تجيبها قبل كل شيء

 

[عشق رسامه :$]

استغفر الله شفيها هاذي عندها معاج هههههههههههههههههههه هم تبوق

 

[ms_kakawa]

ماضحكني الا لما باقت الاندر وير ههههههههههههههههع الحمددلله والشكر ناس فاضيه

 

[القطه توتو]

يومه منها جد احتريت لو مكانك صكيتها كف هذي قلة ادب لا وبعد تكشخ باغراضك وانتي ماتقولين لها شي ؟؟؟؟؟؟؟؟؟؟؟؟

 

[فراأأأأأأوله 89]

المواجهه مطلوبه بهالموقف طالما انك متاكده وواثقه انها هي اللي اخذتهم..


الحمدلله الذي فضلنا على كثير من خلقه

 

[hneen2]

نعمممممممممممم


تبوق اغراضي اسكت عنها !!!


لو انا منج اكفخها هاذي ياهبله ياتستهبل


لو بايقه مني ماشه مالت الهنود والله اشرشح ابو اللي يابها


كلشي ولا اغراضي. هالمره وياهم ملابسي الداخليه وصورتي !!!!!!



والصراحه لا تلومين اللي ماصدقو محشومه انتي اكيد صاجه ماعليج كلام

بس السالفه جد حيل قويه وانا اهنيج علي برود اعصابج لو انا جان مليون بالميه مسويه فيها عاهه استغفر الله



وحبيبتي ديري بالج اخذي كل اغراضج منها حتي لو شي بسيط. لاتخلين عندها. شي

والله يعينج ان شالله

 

[عالمي انا غير]

ياولي ياولي اول مرة اشوف وحدة هشكل ابي افهم هذي معندها ضمير اهلها وينهم عنها وشلون اسرقت كل الاغراض وبشنو حطتهم يمه يمه كلمة حقيرة وقليلة اصل وتربية قليلة عليها انا لو منج اول ماصار عندي الدليل دقيت ع الشرطة خل تولي هي اللي جابت عليها الكلام بنت 29 سنه وتسرقت متى تعقل ؟

 

[kuwaitya_zoGaa]

اشصار عليج ؟؟

 

[فَـــــرَحْ]

ويييييييييع !!!

امبيه ويع قثتني !!!!!!!!!!!!!! قطيعه قطيعه ! انا لو من اول يوم شفتها خامه غرفتي كلها .. انا اللي اقولها بزورج واييب معاي شركة نقل عفش واشيل البيت بكبرها !!!

المهم حبيبتي سمعيني هالمينونه لازم تاخذين اغراضج كلهااااااااااااااااااااااااااا منها ! حتى اللي معاج بالدوام نبيهم عنها لازم كل شي ينرد !

+ سمعت عن حالات مرضيه نفسيه ان تبوق .. لا اراديا فاهمه علي؟ يعني تلاقين عندها فلوس و بخير و نعمه بس تبوق! مادري اهيا منهم ولا تستعبط مع ويهها !!! مادري

الحمدلله والشكر يا رب​

 

[@تاج الراس@]

الله يشفيها
انا من رايي اخذي اغراضج
لا يسوون فيهم شي يا سمح الله وتبتلشين
يعني الصور والملابس الداخليه ينخاف منهم اذا اناخذوا
اخذي اغراضج حتي لو ما تبينهم
المهم اخذيها منها وساعتها كيفج تخشينهم ولا تتبرعين فيهم
موفقة يا رب