توني عروس وهلت المشاكل ابي وحده تنصحني مثل اختها

[نونو جين]

اذا قالو مطلقه ليش
والله مادفع حق المصور
والا
بدله العيد

مادري شقول بس مرات الراحه متعبه لبعض البشر

اصلا فشله تطلبين هالاشياء لان توج مجهزه واكيد عندج
والصور ماعمر سمعنا الريل يدفع
يدفع حق مصورتهم اللي متفق معاها وموالمه سعرها

وانتي معاش ولاعندج تاثيث ولا اجار ولا ماجله ولاسفره
ولاطاوعج قلبج تدفعين شلون اهوه
لو شي ضروري صدقيني بتدفعين بدون مناقشه
بس بقرارة نفسج عارفه ان مايسوا
كمالياتج عليج انتي

انا مو جافه والله بس نصحتج مثل ماانصح نفسي

 

[نونو جين]

بنات من صجكم
شهالترف
حسستوني ان كل وحده عايشه مع مهند
ماما كبري عقلج
الناس بلاوي
يطق
يسب
يقعدج يقومج بزفه وتفله
يرفسج وانتي نايمه

وساكتين وتسوي نفسها احسن مايمكن

اذا حليو وطيب
مزاج مره شحليله وعشره ماد البوز

 

[Ƒɭσωȩʁ]

حبيبتي وآيد مكبره الموضوع
احس مالآ داعــي
واصلآ فشلـه تطلبين منه فلـوس من الحين بيقـول هاذي دآشه بطمع !! وبيآخذ فكره
اهــو ما قال ماراح يعطيج يعني حريص ، بهالآمـور
آنآ للحين آدرس يعنيي اللهم 100 الي تنزل مالت الآعانه ومتزوجه وريلي اذا بيعطيني حق السـوق يقولي جم تبين اسـتحي واقولـه برآحتك ف10

حبيبتي تعوذي من ابليس وردي بيتـج والحمدالله إنتي تقدرين تصرفين ع نفسج وبآجر اهو بيعطيج من نفسه من غير ماتقولين

 

[نعوومه الطيوبه]

السلام عليكم ورحمه الله وبركاته
توني عروس وراده من شهر العسل وبدت المشاكل مع زوجي واليوم انا ببيت اهلي زعلانه
بنات زوجي زين يصلي ويخاف الله مشكلتنا الوحيده تتمحور في الامور الماديه
زوجي وظيفته زينه بس عنده التزامات ومن ثاني يوم زواج وهو يلمح على الامور الماديه ولوع جبدي من الايام الاولى انا حيلتي بس راتبي انا مستواي عادي يعني لاتطلبين ولا تتوقعين ادفع ويحاول يوصلي رسايل ان حياتنا بتكون على قدنا
قلت بقلبي حلو هذا وانا بالايام الالوى الي المفروض يدلعني ويصرف علي بدون حساب ويجيب لي من الهدايا بصراحه نكد علي لاتوقعين نسافر لاتوقعين نجيب لاتوقعين يعني يبيني استعد للحياة الجاية حسيت اني متزوجه حارس مدرسه مو ضابط هو صحيح عليه قرض بس مو معناته يسوي جذي وقال لي مابيج تصرفين على البيت وراتبج كله لج بس امورج ومصاريفج الشخصيه عليج يعني ماراح تشوفين فلس مني
الحين انا زعلانه لانه ماراح يطلع صوري انا دافعه نص فلوس التصوير ولما قلته انصدم من المبلغ وقال غالي وعصب قلت انا دافعه اكثر من النص ومابقى عليك الا اقل من نص المبلغ ومعروف الصور يطلعها الريال المهم سكت وطنش
حسيت مبداه جذي يماطل ليمن يخليني ادفع
ومن يومين كنت بروح الصالون لاننا بنروح لاهله وقلت عطني فلوس قال ادفعي انتي وبعدين اعطيج وضايقتني الكلمه قلت ماعندي كاش مر البنك ومريت البنك وسحبت وهو بالسياره ورحت للصالون وطول الطريج لاهله وانا مطنقره ولما ردينا بالليل كلمته وقلت له ليش ماعطيتني قال ماكان عندي كاش قلت طيب انا مريت البنك وسحبت لو بتعطيني جان سحبت سكت قال انتي طنقرتي وعصبتي وماصبرتي علي
وامس قلت عطني بطلع بدلتي حق العيد وبعدين نروح المصور قال هالشهر ماقدر على فلوس المصور قت اوكي والشهر الياي قال لا الشهر الياي ولا الي وراه
عصبت ورحت لبست لانه كان قايل لي بوديج لاهلي وقلت له بروح لاهلي وماني راده وسكت وبالطريق قلت له ليش تقص علي وسكت وطول على المسجل ووصلت بيت اهلي ولا قال لي كلمه والحين انا نايمه عند اهلي ولا دق علي ولا شي
بنات انصحوني مثل اختكم

شوفى حبيبتى واضح ان الريال مو بخيل وانه صج ضرووفه اهى الى تخليه مقصر معاج...الازم تساعديه مو تكسري ضهرا بالطلبات .. وبعدين زين منه ماياخد من مرتبك ...انا اقول لاتهدمى بيتك بيدج ...اوقفى معاه وساعديه لحد مايسدد القرض واشياءك حاولى تشترينها من مرتبك دامه للك كله...وطيعينى حافضى على زوجك

 

[جديده 1]

المشاكل عاديه بأول الزواج شي طبيعي حيل و اللي تقول غير جذي جذابه لان لا انتي اتعرفين طبعه ولا اهو بعد فكل واحد يبي يفرض نفسه عن الثاني ..

بخصوص التصوير اتوقع اهو دافعلج مهر و دم قلبه عالعرس المفروض تراعينه من هالناحيه و التصوير حقج فانتي تطلعينه .. اما من ناحيه المصروف مادام عندج معاش خلاص ممتاز عزي نفسج عنه و عن مصروفه .. يعني لا تاخذين منه و هم لا تعطينه .. مصروفج لج لحالج و حتى لو كان محتاج لاتعطينه .. اهو يدفع مصاريف البيت من ماجله و خدامه و ملابس اليهال اللي اهو المفروض يسويها .. اما مصروفج لج لو تحرقينه ماله شغل فيج بس هم راح اقولج مصاريف البيت راح تصير عليها مشاكل مستقبلاً لانه يبيج تشاركينه فيها .. فتوقعي هالشي مقدما لانهم كلهم جذي تفكيرهم .

 

[Yummy Suger]

حبيبتي بالغكس لازم تساعدينه وتوقفين معاه
زوجج عليه قرض واكيد هو متضايق والسبب القرض وبما انج تشتغلين عادي صرفي على روحج واذا الله سهل وخلص القرض اكيد ما راح يقصر يعني اهو ماقالج اصرفي عالبيت بس نفسج وهذا امر اشوفه اغلب المتزوجات يسونه دامها تشتغل بالعكس اشوفه تصرف حلو لمى قالج لاتصرفين عالبيت
ولا تقعدين تطنقرين من البدايه وتكبرين الموضوع انتي توج عروس واستانسي
والله يسخركم حق بعض

 

[حلا قطر]

حبيبتي مدام عندج راتب ليش تردين نفسج له اذا بيعطيج من خاطره زين مب معطيج انتي مب في حاجنه الحمدلله عندج راتبج حق شنو تجمعينه وتخشينه والله السالفه والزعله مالها داعي لاتخربين حياااتج عشان الفلوس وانتي تووج عروس ماعندج عيال ولا خدامه عشان اقول مضغوووطه
انا موظفه ومااطلب شي من زوووجي الا اذا كنت حدددددددي مفلسه

 

[جوجوحبي]

حبيبتي اصبري والله انا كنت جذي الفلوس حسره علي

بس يوم ربي افرجها عليه ماقصر علي لان يقولي انتي صبرتي !!

عيل شرايج الحين احنا بالجامعه واليوم اقروا المكافاه 200

انا ورفيجاتي انتبارك بس وحده متضايقه تقول ريلي قايل بياخذ امية ولي اميه وحتى كرت البنك عنده !! يعني شوفي هذي اعانة وضاقت عينه على الاميه الزياده !!

اسمج معااشج ابجيبج اكوو رياييل حتى معاش حريمهم مو سالمين منه

 

[غير كل الناس]

اه يالبخل

عدو المرجله

 

[ليمون ونعناع]

حبيبتي انا بقولج نصيحه
ترى الريال ينفر من المرا الي تعصب وتنطقر ويكش منها
لا تعصبين بويه الريال
اخذي الي تبينه بالضحكه والدلع والمياعه انتي مرته واهو متزوج يبي دلع وتلزق مو عصبيه وطلبات

على المصرف قوليله احنا اثنينه لازم نحط مصروف حق البيت يعني تعاون الحياه
حددي مبلغ ثابت انت تحطينه واهو يحطه ويصير مصرف للبيت ليم تتحسن ظروف زوجج
وبعدين قوليله بعد كذا سنه يا حبيبي اكيد بتتحسن الظروف. راح تزيد وادري ان كل الي بجيبك حق بيتك ولو عندك ماراح تقصر
صدقيني بالكلام الحلو راح تكسبينه
وراح تلقينه يصرف بزيادة اذا شافج متعاونه معاه
وخلي عندج حسن الظن والتدبير الحسن ولا تزعلين كل شوي ترى الريال بعدين يزهق
قعدي ببيتج والمثل يقول (من قلت تدابيره كلت حنطته شعيره)
والله يوفقج ومبروك الزواج

 

[اميره1980]

ترا بالكلمة الطيبة و الاسلوب تاخذين عيونه
على سالفة المصور جان قلتيله مثلا حبيبي صوري اطلعو و انا توهقت و ناقصني المبلغ الفلاني و جذي و على بدلة العيد قوليله توهقت و معاشي خلص ماني عارفه شسوي و حتى اذا ما عطاج احرجيه بالكلمة الطيبة و قوليله يسلم راسك ما ابي اكلف عليك و اذا ما تقدر ميخالف اخليها للشهر الياي

ترا اغلب الرياييل جذي يكونون فعلا مفلسين باول اشهر الزواج يكون توه دافع مبالغ كبيرة للزواج من مهر و شبكه و عرس و اجار الشقة و فرشها
بصراحة انتي غلطتي غلطة كبيرة ثانية اللي هي انج تركتي بيت الزوجية و رحتي بيت اهلج على سبب تافه الحين ريلج خذا فكرة عنج مو زينة انج تتركين بيتج لاتفه الاسباب و لازم ترجعين بيت ريلج بسرعه ترا الزوجة مالها الا ريلها و الحمدلله ان ريلج زين

 

[* ياعين أبوووي*]

هي جمله بختصرهاااا بثلاث كلمااات ~~ الرجل مثل الطفلٍٍٍٍِِ~~~


ورايي من راي بدويه وايد ,,,,,,,,,,,,,,,

 

[$ الـسـلـطـانـــــه $]

احمدي ربج وادحري الشيطااان

توج عروس ماصارلج الا شهرين وجذي شبيتي بالرجال فلوووس فلوووس فلووس

بعدين معطيج مهر على شنو ؟؟؟ وشكو هو يدفع لج باقي فلوس المصوره
اذا الباقي هيـّن ماعليه ..؟؟ بس انتي قلتي ان المبلغ الباقي كبير وانتي دفعتي اكثر من الباقي يعني بالذمه مصورتج بجم ؟؟!!!
ومو ذنبه يدفع لج انتي اللي ادفعييها

وبدله للعيييد وانتي عروس ؟؟؟؟؟؟ وين تجهييزج

والصالون خلااص انتي ادفعييه فشله تقولين عطنيييي وانتي عندج فلوس .. يعني تغاضي اول شهر لين هو بعدين يعطيج

الرجال توه طالع من العرس واكيييد متنتف شوي شوي علييه


بصراحه انا مالوم بعض الرياجيل لاقاموا يتشكون من الحريم ومصاريفهم
اذا جذي سويتي فيه من اول شهر ؟؟؟؟؟