توني متوظفه ... بس ماعرف اضبط البيت واليهال والغداء .. ابي خبرتكم ..ولكم مني دعوه(-:

[الفردوس غايتي]

السلام عليكم


توني متوظفه - فوق هذا خدامتي يديده ( ماتعرف عربي ) - ورمضان قرب


عن جد حدي توهقت


ابي مسااعتدكم -


شلون عن اليهال ؟؟

شلون تطبخون الغداء ؟؟

يعني اليهال ساعه جم تقعدونهم علشان بليل ينامون مبجر ؟

اعود نفسي اني انام الظهر ولا لا ؟

متى تخلص الخدامه من الشغل كله الاوتي والمطبخ ... يعني ساعه جم اقعدها ؟

لاني انا قبل التوظيف عيالي ينامون معاي ونقعد مع بعض وانا ماسكة البيت طباخ واغسل اعيالي


الله ياجركم وينفع فيكم امة الاسلام ردوا لي وعطوني خبرتكم ..:wqedqw:

 

[ضاقت علي دنياي]

وعليكم السلآم ،،

آلف مبروووك حبيبتي الوظيفه ..


الخدآمه قعديهآ الصبح تنظف البيت وتغسل وتسمح ..

وتطلع لج الدجآج او اللحم حق الغدآ >> وامرج لله انتي لمآ تطلعين من الدوآم تسوين الغدآ على مآ اتعلم خدآمتج ..

والجهآل حسب انتي شنو معودتهم ..

وشغل البيت ترآ كله يخلص بسرعه ،، وغسيل الملآبس والكوي تسويه العصر لآن مآ يكون عندهآ شيء ..

ونوم الظهر اذآ نومج خفيف نآمي عآدي مآ يضر بالعكس حلوو ويريحج ..

امآ اذآ نومج ثقيل ومو بسرعه تقعدين لآ تنآمين خلي نومج مره وحده بالليل ..


امآ برمضآن دوآم رمضآن يخلص السآعه 1ونص الظهر وآذآن المغرب السآعه 7

يعني في وقت ويمديج تسوين كل شيء ..


>> صرآحه انآ مو متزوجه بس هذآ اللي شوفه من خوآتي واللي معآي بالدوآم ..


والله يوفقج ..

 

[حرم الاسلمي]

مرحبا اختى أم عمر
أنا بتابعج وبشوف رد البنات عليج أسفة ما راح افيدج بشئ
لأنئ نفس حالتج بالضبط بتوظف قريب وخدامتى تؤها واصلة اليوم
وعيالى والطبخ كلة فوق رأسئ مدرئ شلون أعتمد. وشسوئ بالضبط

 

[emankuwaiti]

الله و ياج
و أن راي من راي الأخت ضاقت عي دنياي

الله و ياج

 

[غنوة ستايل]

علمي الخادمه كل شي
علميها شلون اطلع الدجاج وتغليه او تبهره حق الفرن
وشلون اطلع اللحم
وشلون تسوي السلطة ـ وجم قلاص عيش تغسل . والساعه جم تغسله .

انا مرات اكون طالعه الصبح ادق عليها اقول لها غسلي العيش ونقعيه . اجي بس الاقي كل شي قدامي . الخضار مقصصه والبصل والثوم والدجاج مفيوح على النار او اللحم . والسلطة زاهبه وصوص السلطة زاهب
يعني كل شي هي تسويه . بس انها اطبق الاكل .

بس حاولي بعد تترسين الفريز . معجنات وسمبوسه وكبب عشان رمضان يسهل عليج اكثر بالزوارات والجمعات تاخذين لج صحن بيدج والبنات يبيعون بالمنتدى شكثرهم
انا الحين اشتريت كبب . و ملفوف . ورق عنب . وابي اسوي بس السمبوسه بالبيت

 

[::كيك وعسل::]

كل شي علمي الخدامه
واذا ماتفهم عربي ؟؟
علميها شوي شوي خليها تشوفج ,,,
وطبق والله يسهلها عليج...

 

[منيرة خالد]

اول شي

ألف مبروك الوظيفه >> وجدامج مشوار طويل مو اقل من 15 سنه

أنا متقاعده حالياً وحاسه بالمشوار اللي راح تمشينه الله يعينج عليه


وعيالي كلهم جبتهم وانا بالدوام فحاسه بالمسئوليه والخوف اللي انتي حاسه فيه الله يعينج

بالنسبة للخدامه لازم اعيالج يحبونها وصراحه هذا اهم شي عندي لما كنت اشتغل لأنه اذا حبوها وحبتهم يكفي انج راح تحسين بالامان وانتي بالدوام


وجدامج اسبوعين قبل رمضان لازم يتعودون عليها العيال وبنفس الوقت تعلمينها بطريقتج بالشغل


صراحه انا ما أيد نومة الظهر الا اذا كنتي تعبانه اخذي غفوه وانتي بالصاله مو غرفة النوم لأنج ان دخلتي غرفة النوم لايمكن تقومين من النوم قبل ساعتين

بالنسبة للخدامه بوقت الفطر حالياً خليها تقعد معاج الصبح وتشتغل ، اما برمضان اذا مسلمه خليها تقعد معاج الصبح اما اذا كانت مسيحيه خليها تقعد قبلج بساعه وتبلش الشغل لأنها فاطره وما راح تتعب

كثر ما تنظمين حياتج بترتاحين

 

[الفردوس غايتي]

مرحبا اختى أم عمر
أنا بتابعج وبشوف رد البنات عليج أسفة ما راح افيدج بشئ
لأنئ نفس حالتج بالضبط بتوظف قريب وخدامتى تؤها واصلة اليوم
وعيالى والطبخ كلة فوق رأسئ مدرئ شلون أعتمد. وشسوئ بالضبط

ههههه ربعي واجد بالكويت - ربي لك الحمد - الله يسر لنا يارب:rerrerek:

 

[الفردوس غايتي]

اول شي

ألف مبروك الوظيفه >> وجدامج مشوار طويل مو اقل من 15 سنه

أنا متقاعده حالياً وحاسه بالمشوار اللي راح تمشينه الله يعينج عليه


وعيالي كلهم جبتهم وانا بالدوام فحاسه بالمسئوليه والخوف اللي انتي حاسه فيه الله يعينج

بالنسبة للخدامه لازم اعيالج يحبونها وصراحه هذا اهم شي عندي لما كنت اشتغل لأنه اذا حبوها وحبتهم يكفي انج راح تحسين بالامان وانتي بالدوام


وجدامج اسبوعين قبل رمضان لازم يتعودون عليها العيال وبنفس الوقت تعلمينها بطريقتج بالشغل


صراحه انا ما أيد نومة الظهر الا اذا كنتي تعبانه اخذي غفوه وانتي بالصاله مو غرفة النوم لأنج ان دخلتي غرفة النوم لايمكن تقومين من النوم قبل ساعتين

بالنسبة للخدامه بوقت الفطر حالياً خليها تقعد معاج الصبح وتشتغل ، اما برمضان اذا مسلمه خليها تقعد معاج الصبح اما اذا كانت مسيحيه خليها تقعد قبلج بساعه وتبلش الشغل لأنها فاطره وما راح تتعب

كثر ما تنظمين حياتج بترتاحين

صاجه اهم شي انها تحبهم ويحبونها :klhfl:

 

[الفردوس غايتي]

بس هم بنات الغدا شلون ... اهي ماتعرف اقولها قصي ولا سوي :080402ask_prv:


ثاني شي الطبخ مو بسرعه يخلص ... اذا زوجي يرجع معاي .. بينطر :s141::s141:


ثالث شي : انا عندي بيبي عمره 4 اشهر ... اذا بدش المطبخ اخاف مغتسمعه و ماتقدر

رابعا : لازم اليهال تقعدهم على العشر علشان ينامون مبجر معاي بليل


آخر شي : ابي رايكم ايب خدامه للطباخ ؟؟ :082502bye_prv:

ولي عندها خدامتين تقولي رايها ؟؟

:yaaaaaarb: ولي يبارك بدنياكم واخرتكم فيدوني :yaaaaaarb:

 

[نونه العنونه_H]

ايه ليش لأ أحسن بعد
ييبي خدامه ثانيه

 

[بنت الكويت 25]

اذا خدامتج من النوع الي تعرف تقرأ وتكتب وديها دورات الطبخ الي قاعدين يسونها في البيوت الحين لمدة 4 ايام ب 20 دينار او وديها

بيت اهلج خليها تعلم من الخدم هناك اذا شايفة نفسج ما عندج وقت ما بين الدوام والبيت والله يوفق الجميع

 

[عيش و مرق]

دورات طبخ عند الناس لاتودين قامو يبوقون الخدم وهناك اشكال والوان الخدم ويخربون بعض


انتى عليميها وله وديها عند امج وله بيت خالتج اضمن

واذا تقدرين اتيبن خدامه ثانيه احسن وحده بس حق اليهال اتراقبهم الصبح والثانيه بلمطبخ اخف تدش المطبخ وماتسمع بو 4 شهور حرام

 

[رحيل المرافيء]

رد : توني متوظفه ... بس ماعرف اضبط البيت واليهال والغداء .. ابي خبرتكم ..ولكم مني دعو

ولدج عمره 4 شهوور على الخدامة ؟؟؟!!!!!!! جاان ما اشتغلتي لين يصير عمره 2
اذا هي ماتعرف شي شلون تقطين اليهال عليهااا ؟؟؟؟!!!!!!!!!! قفلي الباب عليها
والطبخ من الليل مثلاا بتسوين مجبوس سلقي الدياية من الليل و شخلي ماي الدياي بروح والدياية تبليهاا
يوم ثاني بس سلقي العيش بماي الدياي واقلي الدياية
\والدقوس زهبي من قبل يبي لج كمية طماط وعصريها وسويها دقوس وحطيها بقراش زجاج وخليها بالثلاجة وقت ماتبينها طلعيها سخنيها
والبصل والثوم قصصيهم وحطيهم بالثلاجة بعلب بلاستيك طبعاا كميات كبيرة تكفيج اسبوع او اكثر وكل نهاية اسبووع سوي لج كمية
والبقدونس والكزبرة والشبنت كله ققصيهم ونفس الشي حطيهم بعلب بلاستيك
السلطة من الليل قصصيها بدون لاتحطين عليها شي لاليمون ولاملح ثاني يووم بس حطي الصوص عليهاا


ومثلا بتسوين برياني سوي حمسة البرياني جاهزة
ويوم ثاني اسلقي العيش وحطي حمسة البرياني ماياخذ كل هذا ربع ساعة

 

[رحيل المرافيء]

رد : توني متوظفه ... بس ماعرف اضبط البيت واليهال والغداء .. ابي خبرتكم ..ولكم مني دعو

وماله داعي الخدامة الثانية شكوووو كلكم نفرين

 

[غير نمونه]

السلام عليكم
حبيت افيدج
انا نفسج اشتغلت وولدي عمره 4 شهور و بنتي 3 سنين و نص و ما عندي خدامه
حووووسه
انا اول ما يبت الخدامه ما تعرف تتحجا و لا لغه
ميخالف تقزر
اةل شي اليهال يقعدون على العشر معقوله
خليها تقوم 7 تنظف الغرف و بنفس الوقت تشغل الغساله خووو مو تقعد فوق راسها انا خدامتي كانت تسوي جذي لا تشغلها و تكمل شغلها و ترجعلهاوقت ما يقعدون اليهال تكون خالصه
عاد هني بس تقعد وياهم تريقهم انا كنت اقولها اذا قعدو ما تسووين و لا شي هاذا اول ما يت
و حزت الغدا اكلو بعدين اهيا تنظف و تغسل مواعين انت اخذي عييلج و نوميهم عندج
و اهيا هنيه يمديها تنظف المطبخ و العفسه و انتي تبخرين و تسنعين شوي
انا كنت اقو على ال5 اطلع ايدام غدا باجر و علميها خليها تشوفج لين تتعود تقصلج على الاقل تركب اللحم او الدياي
انا بالبدايه كانت بس تقصلي بصل طماط و انا كنت اطلع الاغراض
و المغرب تقعد عند اليهال تحت اشرافي و مرات اطلع مع زوجي تكون قاعده عندهم
و اذا طلع ابو العيال اسوي غدا باجر و ما اصكر على الاكل و علمتها تحطه على الحديده ثاني يوم
و اليهال نصيحه 8 نايمين احسنلج حق نفسج و علشان تهتمين بابو العيال عشيهم خفيف بيض و طماط مثلا
انا اطبخ غداي لي ال9 او 10 خالصه و اهيا لي نامو اليهال تضرب اوتيو تسنعو
علمتها يوم اوتي و يوم غسيل
بس على العشر تكشخي و تكونين خالصه انا تعودت على جذي
بس مو دايم اطبخ يوميا
مرات اذا كنت تعبانه اطلب من برا بس مو دايم
مرات ما اسوي بليل اكون طالعه
ارد شوي قبل زوجي اسوي همبرقه و بطاط
الحين خدامتي تعودت اقول مرق دياي اهيا تطلع كل شي بس انا اسويه
يتعلمون كل شي لا تقولين ما تعرف كل شي يعرفون ما شاء الله ب 3 شهور اتحجا احسن مني و قبل لا يروحون يتعلمون كل شي حق البيت اللي بعدووووو
الله يعيني بتسافر جريب
الله يعينج و يعينه بس انتي حبوبه استغلي الوقت عدل خصوصا اذا كان زوجج طالع
و الله راح تحسين حوسه بس بعدين تتعودين و تحسين عندج وقت وايد
و اهيا لا تكود الهدوم خل تغسل يوميا علشان ما يتراكم عليها حتا الاوتي يكون عليها خفيف
بس اهم شي اليهال
موفقه ان شاء الله اكون فدتج

 

[chakletaA]

الله يرزقني خدامه نفس يسريه
لوووووووووووووووووووووووووووووووول

شقرديه فديتها صج مدبره منزل


غداهاا موصج الله يكثر من امثالها

 

[حرم الاسلمي]

مرحبا بنات
مشكورين بنات واللة استفدت منكم وأتمنئ اختى أم عمر هم استفادت ونبئ بعد
أفكار وشغل عدل مدل ههههههه نبئ نسمع عن تنظيم الوقت بالشغل ولبطبخ ياللة بنات
وينكم ؟؟؟؟؟

 

[shahooda123]

انا قولكم شسويت بصراحة اول ماشتغلت خدامتى طبعا ماتعرف تطبخ قلتلها تعالى اوقفى يمى شوفينى شلون اسوى المجبوس المهم قلتلها روحى يبى ورقة وقلم وسجلى الطريقة اللى بسويها والله بنات الحين بس اقولها سوى مرق اومجبوس على طول تمشى على الطريقة اللى كاتبتها وماشالله الحيين تسوى كل شى حتى المرق والدقوس يايبتلها دفتر وامسجلة كل شى فيه الحمد الله طعا اهية كاتبته لغتهم مو بالعربى وعندى خدامة ثانية تشوف اليهال علشان اضمن ان يكون فى احد مع اليهال

 

[نونه العنونه_H]

والله انا بعد ماعندي وقت اسوي شي مع ان مافي ريل ولا عيال
وحدي متأذيه ومتضايقه,, بس قاعده احاول انام مبجر
واسوي شغلي بسرعه عشان اكسب وقت..:0bee2e8d89:​