توني واصله المانيا تعالو تابعو يومياتي اول بأول2012

[music_teacher88]

قربت ارد الكويت بالسلامة ان شاء الله وانزززززلكم كل الصووور واشرررحلكم عالراحه


بنات
وام الحلوين
منطقه الثلج اسمها لادبلاريه



اللؤلؤة برادا موجود باوت ليت فوكس تاون بايطاليا
وقوتشي وفندي وديور وبربري وهالمحلات موموجودين بكل الاوتليتات

 

[zntoosha]

ونااااسه احب الثلج
تردين بالسلامه ان شاءالله وتكملييين
متابعه معاااج
وحبيت حركه الصوور تينن الوييوه كيووت حدهم

 

[ҒŸoŋқA]

تردين بالسلامه يالغاليه
وبانتظاررج والله الصور عجيبه ..

 

[شيخة الحلوة]

فديتج فطومة عليكم بالف عافيه حبيبتي

 

[Smarties]

عليج بالعافيه

انا ساكنه بهولندا من 3 شهور و ما شفت شي فيها غير محلات الاثاث هههههه
بس رحت دوسيلدورف وايد عجبتني من احلا الاماكن اللي رحتها هاديه و فيها سوق كبييير و كافيهات عالنهر و رحنا موفي بارك لانها قريبه
وقعدنا بفندق اينن حيل راقي و يوم الاحد كل شي يصكر عاد رحنا مكان تاريخي كان قصر كبير و كله حدايق تمشينا و صورنا بس لازم يكون عندكم سياره حق التنقل .. احنا فندقنا كان بعيد عن السنتر بس يمه كان في مجمع حلو و نهر منظره روعه :rerrerek:

و الناس اذواق بالسفر ... يعني رفيجاتي عجبتهم باريس ... بس انا ماعجبتني كلششششش مثل ما قلتي زحمه و مافيها امان
و رحت فرانكفورت هم ماعجبتني مافيها شي كلش ! .... انا احب الاماكن الهاديه و الطبيعه و الكافيهات و الاماكن السياحيه و شويه سوق و الاهم بالسفر اني ما اشوف خليجيين

اما في ناس بالسفر يحبون الزحمه و الهيصه و يحبون اماكن تجمع الخليجين و الكويتيين:3lm1::q8:

و ترا الاكل باوروبا مو غالي بس لازم تعرفين من وين تشترين ... انا بالكويت اشتري اغراض بسله ب 10 دنانير و بالمانيا افول عربانه ماجله البيت كلها تطلع 100 يورو يعني 36 دينار

و بالنسبه ل اوت لت هولندا .... امس كنا رايحين محل اجهزه و بطريجنا شفنا الاوت لت عاد قلت حق ريلي خل نروح نتطمش ...رحنا و مافيه شي قاصين علينا !! بس خذيتلي خاتم ارماني و خاتم دكني و ريلي خذاله وانتو بكرامه جوتي رياضي .... مايكل كورس جناطه حلوه و اسعارها حلوه و الكوليكشن اكثر من الكويت بس باجي المحلات ما شفت شي وااااو ... يمكن لان الحين موسم سفر بجرب اروحله وقت ثاني و بشوف :bbbiu:

 

[الغـــــزال]

توصلين بالسلامه...

متابعه

،

 

[music_teacher88]

ايي سمارتيز اوت ليت اطراف هولندا مافيه زود اللهم مايكل كورس وسوالف رياييل تيشيرتات بولو وكالفن كلاين
روحي اوتليت ايطاليا فوكس تاوون انظف شي والمانيا كونيسالي شارع يهبل كله ماركات وsale
هولندا حلوة حق زيارة بويوم ويومين زرنا اشياء خفيفه وسريعه ؛)




بنااات انا امس وصلت الكويت بالسلامة
وهذا اول شي طلعتة من جنطتي اكو بعد بس خل القاهم لافتهم بين الملابس عشان لايتكسرون هههه

 

[music_teacher88]

الي متحمس يشوووف تقرير ديزني لاااااند يشجعني هههه يلا يبيلي دزة عيزانة

 

[ترف بابا]

يلا ناطرينج فطوم ^_^

 

[music_teacher88]

ماكو تشجيع

 

[اخت خالتهم]

فطوم حرام عليج حطي صور عشان نعلق

ناطرين

 

[om_7sin]

ترى من زمااان ناطرة تكملين تقريرك علقيتنا

 

[aso0osh_q8]

كملي نااطرينج

 

[اخت خالتهم]

اب
اب

 

[حسن الخاتمة]

يا حليلها الظاهر أنشغلت برمضان ومبارك عليكم الشهر جميعا

 

[music_teacher88]

كل عام وانتو بخير ومبارك عليكم الشهر عذرووني جد لهيت

حسن الخاتمة اي والله لهيت وصلت الخميس والجمعه رمضان


نبلش بديزني لاند
صور الفندق بس من النت الباجي تصويري

الفندق اسمة dream castle قصر الاحلام
واااااااااااااااايد حبيتة
وحلو ينفع حق الي بتروح ومعاها يهال
اللوبي كله العاب ومرات ايبون لهم شخصيات
والفندق ٤ نجوم

هذا الفندق من برة
وهذا شكل الحديقه الخارجية الي بلفندق حدها تشرح القلب

وبظهر الفندق تمشين بو٥ دقايق تقريبا تشوفين هالمنظر الحلو

وهذي غرفه النوم
سريرين فردي او سرير واحد زوجي
مع سرير دورين

ووايد حبيت منتجات لوكوستيان بالحمام وانتو بكرامة

وهذي صاله بوفيه الريوق ؛)

طبعا على هالمستوى والنظافه والدلع توقعت ان سعر الفندق بالعلااالي لكن انصدمت اسعاااارة معقووووله
طبعا الاسعار حسب الموسم نفس ماقالتلي الموظفة
بس اغلب الشهور ماتتعدا سعر الليله ٥٥ دينار

 

[music_teacher88]

وهذي تذكرة ديزني لاند وقصيناها
كان لنا سعر مميز حق القروب
ديزني لاند عبارة عن حديقتين 2park
اذا تبين تحجزين لحديقه وحدة لها سعر
واذا تبين للثنتين سعر ثاني
انا حجزت للثنتين طلعت علي تقريبا ١٩ دينار والتذكرة مفتوحة ٢٤ ساعه
يعني لو رحتي من ١٠ الصبح وتعبتي بتردين البيت
ورجعتي مرة ثانيه العصر يصير
هذا الحلو فيها

 

[music_teacher88]

ولمااا دشيت لقيت شخصيييتي الي احبها ربااانزل

ونصيحة بنات لحد يروح ديزني بالصيف غلطه الصراحه ماعطيتها حقها ولا استمتعت
يعني عطله ومن كل العالم يايين ديزني زحمة فظيعه وتصفون دور عاللعبه ساعتين عاادي

ولازم اروحها مرة ثانيه لاني مالعبت شي والله بس طالعت المناظر واشوف من بعيد لبعيد

بديزني متروس محلات لبس تنكري لليهال وكل الي يخطر ببالكم مواعين على ديزني فوط بجايم اكسسوارات كفرات موبايلات.....الخ

 

[music_teacher88]

وكان في قصر البرنسس فيه غرفتين توقفووون طاااابور طوييييييييييييييل تختارين غرفه وحدة من هالغرفتين وتدشين تصورين مع الاميرة الي داخل
واذا سالتيهم بالغرفه الاولى والثانيه اي اميرة موجودة يقولون لج مايصير نقول لازم تتفاجئين ؛) حبيت عنضر التشوييق


ونطرت حضرة المدام ساعه ونص واقفه على ريولي عشان اصور معاها

:* يتبع بعد الفطور حدددي دخت )

 

[ام نيوفي]

حبيبتي ميوزيك تيشر بسالج كولون قريبه من ديسلدروف؟
و حمدالله علي سلامتج​