توه داقين علي جامعة الكويت ...ساعدوني

[kamoona]

السلام عليكم

شلونك بنات شخباركم ...؟

توه دقوا على جامعة الكويت وقالولي ان موعدي باجر .. انزين شسوي واذا رحت لازم اودي اوراقي ولا شنو ...؟؟

الي تعرف شنو بصير تقولي لأن اول مره وماعرف شي ...

ناطره ردودكم

 

[تفداج روحي]

حبيبتي انا عليميه مثلج عشان جذي انصحج انج تاخذين كل اوراقج معاج احتياط عشان لا تتوهقين
احسن جذي صح؟

 

[حبيبي عبووودي]

كمونه انا رحت مقابلتي الاسبوع الي طاف وماطلبوا مني اوراق عادي
انتي اكيد دازتلهم شهادتج بموقعهم فمايحتاج
بغيت اسالج وين مقابلتج
لانه انا بعد عندي مقابله باجر بجامعه الشويخ قسم المطابع

 

[kamoona]

قالولي بالخالديه قسم امن وسلامه وين هذا ماادل وقالي الساعه 9

 

[jekara_maziona]

كموونه انتي معااي
قبل شوي دقوا علي قالولي باجر موعدج بالخالدية قسم الامن والسلامه الساعه ٩
عااد حدي توهقت ماادل وخليت اختي تدق على رفيجتها لان اهيا تدرس هناك وان شاالله سهالات ؛)

 

[jekara_maziona]

ودقيت عليهم بتأكد اذا يبون اوراقي ،، قالي لا مو ضروري

 

[انوثتي غير وياك]

up up

 

[kamoona]

جيكره مزيونه عيل اشوفك باجر بس اي صوب ماادل ؟؟

 

[jekara_maziona]

اييي ان شاالله حبيبتي ،، انا بعد ماادل
اذا تقدرين دزيلي رقمج عالخاص او انا ادزلج وباجر اذا رحت راح اخلي اختي تدق على رفيجتها وتدلينا .. قالت اهيا راح تكون بالكلية من الساعه ٨

 

[kamoona]

جيكره انتي شنو تخصصج ؟؟

وقلتيلي مو لازم اودي اوراق صح ؟

 

[jekara_maziona]

تخصصي خدمة عملاء ،،
اي قالي بس مقابلة ومن غير اوراق

 

[kamoona]

الله يستر مادري شنو بيسالونا يبوووي انا اول مره راح اروح مقابله حدي خااايفه

الساعه جم بتروحين ..؟ اهيه الساعه 9 المقابله

 

[jekara_maziona]

لووووول الحال من بعضه ،، انا جذي اول مره ومن الحين احاتي مادري شنو الاسئله
بحاول اطلع مبجر من البيت عشان زحمة الشوارع وعلى ما ادل المكان

 

[kamoona]

الله يستر لووووول بروحي وايد اتوتر انااا

بس انا تخصصي غير عنج انا تخصصي برمجة حاسب الي

انتي عندج شهادة icdl?

 

[Angel_store]

اب اب اب

 

[jekara_maziona]

لا ما عندي ،، لازم يكون عندي شهادة icdl ؟

 

[kamoona]

ولا انا عندي لووول

مادري اذا لازم ولا لأ

 

[jekara_maziona]

ههههه انا معاج حدنا ضايعين ،، الله يستر بس مايندرى شبنسوي

 

[صريحة جدا جدا]

انا اختبرت ونجحت بس مااستلمت شهادة

 

[jekara_maziona]

كموونه ها بشري شسويتي ؟؟
انا رحت تقريبا الساعه ٩ ونص والحمدلله بالبدايه كنت حيل متوتره بس بعدين صار عادي قمت اخذ واعطي
كانوا رياييل مقابليني ،، وقبل شوي هم دقوا عليي الجامعة يبون يقابلوني بقسم ثاني بس قالتلي تبي شهادة icdl وانا ماعندي لوووول *