اهليين غلووي ..
لا تحاتين وركزي بس
انا اول التجهيز جذي احسب كل شي وجم نقص وجم بقاللي
بس نصيحة الحين انسي الألفين وشنو سويتي فيهم
وجهزي لليلة عرسج اهم شي
جيبي ورقة وقلم واكتبي
مبلغ للنفنوف واكسسوارات وساعة ليلة العرس والجوتي والمسكة والمكياج والتصوير
وقميص اول ليلة
ودلعي عمرج فيهم بس بأسعار مو مبالغ فيها
وشيلي فلوسهم بعيييد بعدين الباقي من المهر قسميه على الاشياء الاهم بعدين المهم
وبجذي صدقيني بترتاحين انا الحين مفلسة بس مرتاحة لان بس فلوس ليلة العرس ما بقى منهم
الا فلوس لطقم ليلة العرس والمسكة وباقي فلوس التصوير والمكياج
مخليتهم بحساب وخاشه البطاقة
هالاسبوع بفتر على المسكة واشتري طقم لليلة العرس
والباقي ما راح احتاجهم الا يوم العرس
وبجذي مريحه بالي لان شغلي لليلة العرس اللي الكل بيشوفني فيها كااامل وما نقصت على عمري بشي
وانتي ما شاء الله البدل خلصتيهم باقي لج دراريع وذهب < ياخذون ميزانية والباجي عادي
فوتوجيت مصورتي ^^
حجزتهم ايام المعرض بـ400 البوم كبير والبوم متوسط ومجلة وصورة كبيرة جنه 122 صورة
والفيديو بعد من عندهم ب150 بس مو ديجتال
شفته اللي تقولين عنه بس احس ما يصلح عندنا هع
بخلي رفيجاتي يصوروني بكامرتي بالصالون وانا احط الطرحة واللمسات الاخيرة وجذي
عشان اخذ راحتي بالتصوير وتصير ذكرى حلوة خخخ
واهو شي خاص فيني اللي بيشوفون الشريط بيطوفونه ما يهمهم هع هع
احس قرقت على راسج حيل .. استأذن
