ثقافتي اهم من رواياتي

[lailosh]

ماشالله عليكم بنات خوش موضوع ..

بس كان عندي ملحوظة صغيرة

لاحظت أغلبكم و من ضمنكم كاتبه الموضوع .. عندهم رؤية " مغلوطة " للأسف عن الروايات .. و ان الثقافة شيء و الروايات شيء ثاني


الرواية فن أدبي عريق شأنها شأن باقي الفنون الادبية .. كالقصة و الشعر و الخاطرة و المقال ..

و الفنون الادبية تندرج تحت شجره الفنون الي تضم الموسيقى و الرسم و التمثيل و الغناء و غيره ..

و الرواية تكسب القاريء ابعادا ثقافية عديده ..

فهي تزيد الثروة اللغوية للإنسان ، و تخليه قادر على تنشيط مخيلته ، تلهمه افكار و مشاعر و آفاق جديده ..
العديد من الروايات تعتبر نافذة على المجتمع التي خرجت منه هذه الرواية

بعض البنات يحبون قراءة أدب بلد معين .. و هالشي يخليهم يكتسبون معرفه عن عادات و تقاليد و ثقافة سكان هذا البلد
هذي بحد ذاتها فائده

و أيضا بعض الروايات تتطرق لجوانب تاريخيه و جوانب سير ذاتية من الاشخاص

هذي كانت وجهة نظر لتوضيح بعض الاشياء بخصوص الروايات ..

و اتمنى انها تجد مكان رحب في صدوركم لتقبلها و شكرا

اوفق كلامج اميه بالاميه :ggdw:

 

[Blue BerrYa]

شكرا بنات على مروركم وحياكم الرحمن



Little Queen

انا مثل ماذكرت الروايات ما تنفصل عن الثقافه بس ابدا ابدااااا ماتشبع الجانب الثقافي واهي فعلا تزيد من الحصيله اللغويه وفي بعضها يكون فيه زياده معرفه في العادات والتقاليد للمجتمعات الاخرى بس غالبا ما تكون صحيحه !! لانه معروف الروايه تكون من خيال الكاتب واحتمال كبير اللي ينذكر مو موجود في الواقع !!! فشنو فايده ازيد ثقافتي من خيال فقط !!

انا ما اتكلم عن القصص اللي تذكرلج حادثه واقعيه لا انا اقصد المؤلفه


عموما البنات اغلبهم ادمان روايات وهالشي اهو اللي يضيق الخلق لانه احس في كتب كثيره افيد لهم واجمل قاعده تروح عليهم ومحد استفاد منها عشان جذي حبيت اتكلم عن هالجانب



يعطيج العافيه حبيبتي ومشكوره على مرورج :*

 

[pure feminine]

حلوو الموضووع وكتاب صاحبة الحرير الاخضر شدني برووح اشتريه طيرااااان


انا احب الروايات والكتب عاادي بس اهم شي اسلووب الكاتب لان في بعضهم اسلوبه ركيك ما تقدرين تكملين جم صفحه معاه


تعجبني كتب د. فيل
كتب تطوير الذات
الشخصياات وهالسوالف

وطبعا الكتب الدينيه مثل كتب عائض القرني
سير الرسول والصحابه

 

[فآقدهـ غآليتهآ]

يسلم يد كآتبهآ وكل من يشآرك .. وان شآلله لي عودهـ مع كتآب قيم

قوآكم الله حبيبآتي

 

[نيــلــوفــر]

مشكورة حياتي على الكتب و صح كلامج المفروض نوسع افاقنا و نحول عن الرواية انا بعد ساعات افكر جذي بس احس اني ما راح اتعلق بالكتاب كثر الرواية مادري الرواية تجذبني باحدائها بس الكتب اممم جنه قاع اطالع برنامج بالتلفزيون بس ان شاء الله احاول