ثقل الفك

[العنود]

بنات اشلونكم انا بصراحة صار لي فترة لما اقعد من النوم احس انه الفك الايمن ثقبل وما اقدر ابطل حلجي ولما احاول اكل اسمع صوت طقطقة بنات منو مثلي واللي عندها نفس الحلة اتقولي اشسوت ترا انا من النوع اللي ما يحب يروح الطبيب ساعدونيييييييييييييييييي

 

[LuLiTa]

شوفي انا صار فيني نفسج تقريبا و رحت حق دكتور اختصاصي بالفك و قاللي انه هالشغله اتصير مع نااس واايد بسبت انهم يعضون على اسنانهم وقت طويييييييييييل و هالشي يسوي شغله اسمها (كليك) و عشاان اتأكدين انه حالتج جذي حطي ايدينج على الفكين و بطلي حلجج شوي شوي و بلاحظين انه الفكين يتحركون غير عن بعض و هم لما يطلع صوت طقطقة من حلجج بالجو البارد و لما اول ما تقعدين من النوم

و هالشي مو شغلة طبيعية بس اتصير مع ناس وايد و ضررها يطلع مع الوقت

احسن شي انج اتراجعين دكتوور و اتشوفين شنو راح يعطيج

 

[أم منصور]

ما تشوفون شر

 

[^^ROSE^^]

حبيبتي دشي هالموضوع ان شاء الله يفيدج
http://www.q8yat.net/showthread.php?t=181106

 

[login]

حبيبتي هالشي اللي تحسين في انا مريت في ونفس الاعراض اللي تقولينها لا وبعد احس بشد والاعراض تزيد بالبرد صرت اكره الشتا بسبة هالشي رحت حق دكتور ببنيدالقار بدال مايعالجني قعد يتفلسف على راسي ويزفني ويقولي انتي مالج علاج وهذا اهمال منج وانتي اللي وصلتي نفسج لهالحاله والله كان احباااااااااااااااااااااااااط موطبيعي كرهت نفسي حزتها جان تقوله امي شلون مافي علاج اذا انت ماتبي تعالجنا حولنا على دكتور ثاني جان يقول انا راح احولج عالامير ي عندهم عياده جاهزه وفيها كل شي جان اطلع منهم وسيده عالاميري الله لايراويج





































اسلوب

وذوق

وادب

واخلاق

ومعامله تفتح النفس مو هذاك الخايس

ودخلت عند دكتور احمد الرفاعي

سالني شنو فيج وجم سؤال بعد وفحصني وسوالي اشعه وسوالي تمارين حق ويهي

وبعدين قالي لازم اديرين بالج على نفسج وماتاكلين شي يابس اوصلب

ممنوع اللحم لان اللحم يحتاج مضغ وااايد والعلج والحب وكل شي حجمه كبير لازم اقصصه واصغره حتى التفاح قالي لاتاكلين تفاحه صلبه لازم تقصصينها قطع صغيره وممنوع تنامين على الجنب اللي يعورج وممنوع تفتحين حلجج وااايد لما اتثاوبين ولا تضحكين حيل وتبطلين حلجج واايد وانتي تضحكين وقللي من الكلام ولا تصارخين ولاتعصبين

ولمدة شهر اكلي كلا سوائل ولا بالخلاط والله جني ياهل

وغير جذي قالي اشتري جل اللي ينحط بالماي او الميكرويف ويتسخن نفس مطارة الماي مالت الظهر والريول بس هذا جل ومغلف ببلاستك اسخنها واحطها على ويهي علشان ترخي الاعصاب وعطاني بعد حبوب بروفين الوردي المدور

واستمريت على هالشي لمدة ثلاث شهور تقريبا والحمدالله كل شي رد بس مو100% لا تقريبا 70% الحمدالله على كل حال
وكل مراجعه يسالني شلون صرتي واستمري على الشي اللي قلتلج عنه

وبعد شهر سوالي اشعه مره ثانيه ولقاني متحسننه عن اول

وبس هذا اهوا العلاج

وكثر ماداريتي نفسج يخف هالشي ومع الوقت اتعودين على هالاشياء ويروح اللي فيج

انا بالنسبه لي تعودت على هالشي والاشياء اللي منعها عني لغاية الحين انا مانعتها

وللعلم انا هالشي صار فيني قبل ثلاث سنين

وترا هالشي كلا اعصاب

وماتشوفين شر

 

[أم منصور]

ما تشوفون شر