جاتني حالة اكتئاب من خدامتي

[Sisyphus]

السلام عليكم بنات
والله الخدم مشكلتهم مشكلة و سوالفهم ما تخلص

انا خدامتي مسيحية سيلانية
و هي بشكل عام زينة
بس تعرفون اللسان الطويل
صوتها عالي حتى وهي تسولف
و سوالفها ما تخلص
تحب تسولف وانا نوعيتي هادية


امس كنت عند خالتي ام زوجي
والله بنات قامت تسولف عن خدم حمواتي و حريم حمواني
يمممه يا بنات
كل وحدة خدامتها شقردية اكثر من الثانية
والله يشيلون البيت شيل
من انفسهم بدون محد يقولهم

انا خدامتي صح البيت تنظفه التنظيف الاساسي
و تسوي كل اللي علماها عليه
بس مهي شقردية
يعني مانسوي الشي اللي اذا انا قلتلها
طبعا ملابس زوجي انا اغسلهم و اويهم
وانا اسوي العشا
و انا انظف حمامي و غرفة نومي
و ولدي دايما معاي
ولدي صغير حيل بالاشهر
ولا عندي غيره
و شقتي صغيرة
فالخدامة ماعندها شغل صراحة

و اغلب الوقت اهي منسدحة وانا اشتغل
وربي اتكلم من صج
اهي منسدحة عالفراش وانا اكوي هدوم زوجي
زوجي ما يرضى احد يلمس هدومه
و الخدامة تنام عشر ونص و تقوم ثمان الصبح
وانا انام اثنعش بالليل واقوم ست الصبح ههههههههه
منو الخدامة فينا


مادري شنو ابي ولا ادوي لون اسويلها جدول
اهي بس تكوي وتمسح و تعدل
انا ادري العيب فيني
مفترض تمشي على جدول
بس ماعرف والله تكفون ساعدوني
انا توني متزوجة من سنة ونص
و هذي اول خدامة لي
وحده حوسه لاني لي الحين ادرس


احد عنده جدول خدامة يرضي

 

[ام الدرر]

حبوبة
شغلها الاساسي من تنظيف وترتيب وكنس هذا يومي تسويه
نجي للمطلوب
سوي لها جدول باشياء تسويها طول الاسبوع وخليها تكتب اذا ما تحفظ
مثلا للمطبخ اختاري يوم متاكدة انج ماتطبخين فيه نقول الجمعة
قولي لها بعد شغلج اليومي الاساسي تدخلين المطبخ وتطلعين الادراج وتمسحين بديتول وفوطة مرطبه وتردين الاغراض كلها مكانه
والثلاجة نفس الشي
والفرن
كل هذا تسوي بيوم
ويوم ثاني
الغرف كل يوم غرفة
تحرك الاثاث وتجمعه بنص الغرفة (الكنب طبعا والطاولات والسجاد اذا ينلف )
وتبدا تغسل الارضيه اذا سيراميك او رخام (استعملي الحوض اللي معاه الممسحة )اولا تفرك المساحات بين المربعات باسفنجة والعملاق الاخضر او ملح الليمون يمدحونه او اي منظف تختارينه وعقب بديتول وماي وبالاخير معطر ارضيات
واذا بيتك سجاد مو مشكله تفرك السجاد بفرشه مبلولة واي منظف وعقب تمسح بفوطة مبلولة وتخلي السجاد ينشف
وتفرك الكنب بفوطة مبلولة واذا فيه بقع استعملي بخاخ للبقع وعقب فوطة مبللة
تنزل البرادي وتغسلهم اذا تركيبهم سهل او بالمكنسة الكهربائية تنفض عنهم الغبار وعقب فوطه مبلله
الشبابيك - كل شي بالغرف تمشي عليه وتمسحه
وترجع الاثاث لمكانه
انت تغسلين ملابس زوجك وتكوين مو مشكلة بس حددي لها يوم بالاسبوع تنظف الغساله طبعا بنفس يوم تنظيف الحمامات
تطلع كل اللي بالحمام وتفرك بكلوركس كل بقعة فيه الارضيات الطوف الاحواض والبانيو وكل شي
دواليب الملابس لطفلك مثلا عندها يوم بالاسبوع تطلع الملابس كلها وترتبها وترجعها مكانها
اذا عندك اي غرف اضافية مخزن تطلع كل اللي فيه وترتبه وترجع كل شي
حددي لها كل يوم شي
وقولي لها مثلا السبت الصاله-الاحد مكرمة الحمامات-الاثنين غرف النوم حتى غرفتك اختاري يوم زوجك مو بالبيت ودخليها وانت معاها تنظف
وسجلي كل شي عندك عشان ما تنسين وذكريها بالليل
((ترى باجر تنظيف المطبخ ))
وقولي بعد مده خلاص تسوين كل شي بدون تذكير
وعوديها تفتشين وراها
عشان تشتغل بذمة
وكلميها باسلوب حلو اذا شفتي نقص اوتقصير
((هذا ما نظفتيه عدل هاتي الاسفنجة ووريها بايدك وعقب عطيها الاسفنجة وقولي لها كملي ))
والايام اللي فاضية فيها حاولي تشغليها بالمطبخ
تفرزن خضر سمبوسه-حلو-ورق عنب اي شي ​

 

[يالله الجنه]

السيلانيات بالذات زفيها مره زفه معتبرة وتمشي سيييده لا تعطينها وجهه عن تجربه صدقيني بس فيهم ميزه حلوه انهم ما يحقدون ولا تشيل في قلبها

 

[PuPa^^SWeeT]

لا تعطينها مجال تنقل لج اخبار حمولتج


ترا تنقل عنج

 

[Sisyphus]

الله يعطيكم العاااافية بنااات
خصوصا ام الدرر
صج اسم على مسمى
و اتمنى البنات يفيدونا اكثر بعد عشان نجمع احسن الافكار

 

[اطباق ماي ورد]

الله يعينج عليها

انا راى من راى ام الدرر ما شاءالله عليها سنعه تبارك الرحمن

انا لما كان عندى خدامه هم جذيه مكتبتها جدول للشغل اليومى والاسبوعى والشهرى تمشى عليه بدون ما اكلمها ونسخهعندى عشان ما انسى

وبزيد على ام الدرر ... عندج الثلاجات والفريزر تنظيف كامل بره وداخل

تنظيف فتحات السنترال او الوحده

تنظيف الديكور اللى بالسقف

تنظيف الابواب كلها فوق لى تحت مع الحواف مو تنساها

تنظيف الشبابيك وبين فتحاته

كبتات الملابس تطلع كل الملابس وتمسح وترجعهم

يوم ثانى مثلا تنظف فوق الكبتات عندج المطبخ وكبتات الغرف دايم فوقها غبار ووصخ

بعد شنو خلاص اتوقع طلعنا عين ابوها الخدامه هههههه

 

[ام الدرر]

الله يعطيكم العاااافية بنااات
خصوصا ام الدرر
صج اسم على مسمى
و اتمنى البنات يفيدونا اكثر بعد عشان نجمع احسن الافكار

جزاج الله خير حبوبة​

 

[سوسو حبيبتى]

ههههههههههه

بقلبي هواها صجججج طلعتي عينها

صاحبه الموضوع اقول لك والله

لو مومحتاجه الخدامه مشيها وخليكي بدون خدااامه مااحلي الحياااااااه بدون خدم

دام انك كل شي تشتغليه

 

[om MaRyooM]

عيل ليش حاطتها عندج
وفري معاشها

او تكلمينها بكل جدية انها تعدل م نفسها وشرطي عليها قوليلها انج تحبين النظافة والسنع
وطفارتج الهذرة الزايدة وتنقل الحجي
ولا بعدين بتتمادي
لازم من الحين
من اليوووم تكلمينها


او تبدلينها بوحده ثانية

 

[سويت لاتيه]

اذا جاتج اتسولف عن احد لاتسمعينها وقولي لها حراااام الكلام في الناس ولا تعطينها اهتمام سوي نفسج مشغوله بالتلفون ولا باي حاجه لحد ما تتعود وانا اشوف عن الكوي خلها تكوي ملابسه بالوقت هو مو موجود واشدراه خففي على عمرج الشغل وقطيه عليها 0

 

[اطياب طيبه.أم عبدالله]

الحزم والشده مع الخدم ضروريه بس بحدود

انا اضحك معاها واسولف عادي بس اييني يوم اخليها تكره اليوم اللي شافتني فيه

 

[(*ام عهــــد *)]

البنات ماقصرو
وفعلا الجدول راح يريحج حيل

 

[dandooosh]

علميها على الطبخ
واذا تعرف تقرأ انجليزي عطيها كتب المطاحن وخليها تتعلم وتطبق
وملابسك انتي والبيبي هي تغسلهم وتكويهم

الصراحة ما نستغني عن الخدم ،، مين بيغسل الحمامات مين بيغسل الصحون
هذا بروحه كراف احنا ما نقدر عليه