جامعة المفتوحة

[toooot]

مساء الخييير\ صباااااح الخير

اشلونكم بغيت اعرف اشلون نظام الجامعة جدول ثابت ولا انا اسوي الجدول
كل يوم ولا لا؟
تصلح للموظفة ؟
شكرا جزيلا_03ba:

 

[خليج***]

انسب شي حق الموظفة وحق المتزوجة الجامعة العربية المفتوحة لان الدوام مايكون كل يوم,,
وفي الصبح وفي بالليل,,وانتي تخارين الوقت اللي ايناسبج,,

 

[toooot]

تسلميييييييييييين حبيبتي

 

[نينا ريتشي]

وانا ابي اسجل بس متي التسجيل الكورس الياي بليز بنات لا تبخلون علي

 

[نينا ريتشي]

يالله ناطره

 

[F.A]

حبيبتى التسجيل على شهر6 ويحطون اعلان بالجرايد

 

[toooot]

جم الجامعة؟

 

[خليج***]

الجامعة العربية تكلفة ال4 اسنين 4000 د.ك
التخصصات الحالية:
اداب انجليزي
ادراة اعمال
حاسوب(لطلبة العلمي عند التسجيل وممكن الادبي عند التحويل بشرط امتلاك شهادة الicdl)

وللعلم هالجامعة اقل تكلفة من جميع الجامعات الخاصة بالكويت..


وممكن تلقون نظرة لو تحبون بس لاتنصدمون ههههههه

قرات بجريدة الوطن الكويتية بتاريخ 27-8-2008 اسعار الجامعات الخاصة بالكويت,, ,والتخصصات,,
فتفضلوا,,






- جامعة الخليج(gust)
التكلفة النهائية للتخرج 20 الف دينار كويتي.التكلفة النهائية للتخرج تعنى الاربع سنوات,,
التخصصات المتوفرة حاليا:
بالنسبة لكلية الاداب والعلوم الادراية يندرج تحتها تخخص اللغة العربية والتربية وتخصص اللغة الانجليزية ترجمة ولغويات وتخخص اداب انجليزي وتخصص اعلام وتخصص الصحافة وتخصص الاذاعة والتلفزيون وتخصص العلاقات العامة والاعلان وتخصص الاتصال المرئي وتخصص علوم الحاسب والالي,

كلية العلوم الادراية تضم تخصص المحاسبة وتخصص ادارة نظم المعلومات وتخصص ادارة الاعمال وتخصص التمويل وتخصص ادارة اعمال دولية وتخصص ادراة العمليات والشؤون اللوجستية وتخصص ادارة السلوك التنظيمي وتخصص التسويق وتتبع جامعة الخليج للعلوم والتكنولوجيا.
________________________________________




- الجامعة الامريكية(auk)
التكلفة النهائية 21 الف دينار كويتي.
التخصصات المتوفرة حاليا:
كلية الهندسة وكلية ادارة الاعمال وكلية الاداب والعلوم, وتمنح كلية الهندسة درجة الماجستير في هندسة الكمبيوتر والهندسة الالكترونية وهندسة النظم والهندسة البيئية والهندسة المدنية والهندسة الميكانيكية والهندسة المعمارية.
اما كلية ادراة ادراة الاعمال فتمنح درجة البكالاريوس في الاقتصاد وتخصص المواد البشرية وتخصص نظم المعلومات والمالية والتسويق والمحاسبة والادراة...
وكلية الاداب والعلوم فتطرح بكالوريوس الاعلام الالكتروني و بكالوريوس التصميم الجرافيكي و بكالوريوس الدراسات البيئية وبكالاريوس اللغة الانجليزية وبكالاريوس العلوم الاجتماعية وبكالاريوس الدراسات الدولية وبكالاريوس وسائل اعلامية والفن المعماري الداخلي وعلوم الكمبيوتر.
________________________________________




- جامعة الشرق الاوسط الامريكية(aum)
التكلفة النهائية للتخرج 25 الف دينار كويتي.

ياعيني عالتكلفة ههههههه
التخصصات المتوفرة حاليا:
بكالاريوس ادراة اعمال يتفرع المحاسبة والتمويل والتسويق وبكالاريوس ادراة نظم معلومات-شؤون الحاسوب وبكالاريوس المواد البشرية(خبرة في الموظفين) بلاضافة لتدريس اللغة الانجليزية للمرحلة الثانوية.
كلية ACM تقدم دبلوم ادراة اعمال دبلوم العقار (علم جديد وذو سوق عالي حيث يحصل على توظيف فوري) دبلوم التمويل دبلوم المحاسبة دبلوم المبيعات دبلوم تقنية المعلومات.
________________________________________




- الجامعة البريطانية المفتوحة اهيا نفسها الجامعة العربية المفتوحة(aou)
التكلفة النهائية للتخرج 4 الاف دينار كويتي.
التخصصات المتوفرة حاليا:
بكالاريوس تخصص ادراة اعمال نظم ادراية وبكالاريوس ادراة اعمال اقتصاد وبكالاريوس اداب انجليزي وبكالاريوس تقنية المعلومات والحاسب.
------------------------------------------------
موقع مفيد جدا بخصوص الجامعات الخاصة
http://www.college-help.org/pagecat_bk.php?recordID=176

 

[ــزيـــن عــالـمـ جـمـيل]

بالجامعه المفتوحه مافي تخصص حاسوب؟

 

[خليج***]

بالجامعه المفتوحه مافي تخصص حاسوب؟

بالنسبة لسؤالج\
بالجامعة العربية المفتوحة عندهم تخصص تقنية المعلومات والحاسب.

 

[» мσσ∂ч ģίяĻ «]

بس هذوول التخصصات؟؟

انزين ماكوو تخصص محاسبه؟؟؟

 

[ــزيـــن عــالـمـ جـمـيل]

فيدونا عن هالتخصص تقنية المعلومات والحاسب

 

[خليج***]

بس هذوول التخصصات؟؟

انزين ماكوو تخصص محاسبه؟؟؟

اي بس اللي كتبتهم فوق هذا بالوقت الحالي,,
ومايندرى الكورسات الياية شلون بيكون الوضع,,
لان قالوا بيفتحون تخصصات يديدة ومنها المحاسبة,,

فيدونا عن هالتخصص تقنية المعلومات والحاسب

يعني امور متعلقة بالكمبيوتر,,
وانا سامعة ان اذا وحدة اتخرجت من هالتخصص ممكن اتصير مدرسة حاسوب,,وممكن تشتغل بامكان ثانية بعد,,
بس بداية لما تبين اتسجلين حق هالتخصص بالجامعة العربية المفتوحة ايقولون حق تخصص حاسوب مانقبل شهادة الادبي,,,,كبداية تسجيل ولكن عند التحويل ممكن يحولونج حق هالتخصص يعني في حال
بعد مايقبلونج بالجامعة بتخصص ثاني غير حاسوب وكان عندج شهادة (اي سي دي ال) اللي ياخذونها من المعاهد الخاصة بشهر,,
اذا عندج مثلا هالشهادة ويبتي معدل يسمح لج اتحولين,,
وقتها اييصير اتغيرين تخصصج الى حاسوب حتى لو كنت ادبي,,


وشكرااااااا

 

[» мσσ∂ч ģίяĻ «]

مشكوره حبيببتي =)

 

[just one love]

اوكي اذا تخرجت من دورات خاصه اقدر ادخل الجامعه العربيه ؟؟

 

[غلآ أبوهاآ]

بس الجامعه العربيه قهرتني انا سجلت فيها وماقبلوني
ظلم والله يقبلون اللي اكبر مني ليش جذي وانا كنت توني متخرجه من صيفي وحالتي حاله
صج تعبت نفسيتي لا تجاري ولا جامعه خاصه ودورات خاصه مستقبلها موزين حيييل
و انا والله ودي ادش الجامعه العربيه بس كله في اكتفاااااااااااااء

 

[KrNA-KrNA]

انا تو اول كورس لي فيها..وتوني متوظفة...

يعني بالدوام اوكي..حلوة خفيفة..بس ماقولج ان حدة حدة خفيف..لان انتي راح تعتمدين على نفسج..وراح تقدرين..

يعني لازم تنظمين وقتج..عدل عدللللللللللل...>>تحسين ووحدة تعبانه..ههههههههههه

 

[ماكينتـ*زينة*ـوشة]

البنات ما قصرواا ..



اي شي تبووونة زورونا بتجمعنا هني ...


حياكم الله

 

[» мσσ∂ч ģίяĻ «]

بنات ياليت اذا بطلوا التخصصات اليديده تعطونه خبر الله يخليكم =)

 

[ــزيـــن عــالـمـ جـمـيل]

بس الجامعه العربيه قهرتني انا سجلت فيها وماقبلوني
ظلم والله يقبلون اللي اكبر مني ليش جذي وانا كنت توني متخرجه من صيفي وحالتي حاله
صج تعبت نفسيتي لا تجاري ولا جامعه خاصه ودورات خاصه مستقبلها موزين حيييل
و انا والله ودي ادش الجامعه العربيه بس كله في اكتفاااااااااااااء

دورات خاصه ليش مستقبلها مو زين؟؟؟

انا بدوات وخوش تخصص بعد برمجه كمبيوتر

وقالو لي تخرجتي تقدرين تكملين كليه تربيه بعد ما تشتغلين سنتين

بس اذا يبتي جيد جدا​