شي انتي ما تبينه و مو مرتاحه منه و مو مقتنعه فيه لا تسوينه و ما عليج من المجتمع و العادات و التقاليد ضربي فيها بعرض الحائط مدام انها اتعب نفسيتج و تحسسج بتقليل من قدرج
ترى انا كنت نفس حالتج استنفرت من هالحركه و كل ما يدقون اقول لامي تردهم لاني ماني بضاعه ولا سلعه يجيكون عليها و اللي يبيني يدل مكان شغلي يقدرون اييون و يشوفوني بدون ما ادري او انتبه
ولا خل يوقفون عند باب بيتنا وينطروني وبشوفوني وانا طالعه << ترى مداعبه اتقشمر ههههههههههه
و اذا على موضوع انهم ما يشوفونج كاشخه و الله عاد هذي انا طبيعيتي جذي و طبيعة لبسي جذي لبس مرتب و نظيف و محتشم ما احب اهوول ولا الطخ ويهي مكياج ولا احط عطور تفوح الواحد يشمها على بعد امتار
واذا بنعنس فهذا شي بيد الله مو بيدهم ولا بيد احد من الخلق
اهم شي اني اكون عايشه مرتاحه ولا يقدر المجتمع ولا و العادات و التقاليد تجبرني و تغصبني على شي كارهته اذا انا مو مسويه منكر ولا حرام
