جبتي نسبه وقبلوج بالجآمعه .. ألف مبروك .. تعآلي أعلمج شنو تسوين .. :)

[عاشقة المايسترو]

أول شَـي مشكوره عالموضوع

ثاني شي فـي قوائم إهيه المسؤوله عن بعض الكليات لأنها رابطتها
يعني الإتحاد مو الوحيد اللـي مسؤول .. ~

وبعدين الرقم حريه شخصيه يعني مو حلوه كلما يت وحده لا تعطين رقمج ممنوع !!

أنا الصراحه السنه اللي طافت يوم كنت مستجده بالكورس الثاني كنت قع أعطي بنيه رقمي
ولا تييني وحده من بنات الإتحاد ممنوع ممنوع لا تعطينها قتلها شنو ممنوع هذا رقمي ؟!

وعلى فكره بالنسبه لكليه العلوم الإداريه والآداب وكليه الحقوق مستقله هي الرابطه يعني إهيه المسؤوله الشرعيه عن هالكليات ..~

لا نضحك على عقول المستجدين

 

[om_3kash]

حبيبتي عندي سؤال اذا ماعليج امر
اناا طافني القدرات و مارحت خير شر وانا ابي علوم اداريه و نسبتي 81%

يعني موعد تسجيلي 15-7 ؟ عادي يقبلوني حتى لو مو ممتحنه ؟

لانه كلش مو مسجله من قبل ولا شي

 

[شـيـخـة الـغـيـد]

رآبطة المستجدين في الإتحآد الوطني لطلبة الكويت يدعوكم

لـ أكبر لقاء تنويري لخريجآت المرحلة الثآنوية

اليوم / السبت الموآفق 3 يوليو 2010
من السآعه 5 إلى 7 مسآء
مسرح عثمآن عبدالملك
كلية الحقوق / شويخ



حيآآآكم

 

[شـيـخـة الـغـيـد]

اوكي انا نسبتي 90 لما اروح اسجل انا اللي اختار وقت ومواعيد محاضراتي ودكاترتي في نفس اليوم المخصص لنسبتي؟؟؟؟ وشلون على الرغبة الاولى والرغبة الثانية مافهمت سالفتها يعني اذا حطيت رغباتي الثنتين راح ادرسهم كلهم ولا على حسب شنو بالضبط؟؟؟

هلآ حبوبه ..

في يوم تسجيلج بس تقدمين أورآقج المطلوبه والكلية اللي تبينهآ

إذآ قبلوج فوري تسجلين موآدج ودكآترتج بنفس الوقت .. وإنتي تختآرين الوقت والدكآترة ..

بـ النسبة لـ الرغبآت رآح يحطون لج الكليآت كلهآ وإنتي ترقمينهم من الأول لي الأخير حسب رغبآتج

وعلى حسب نسبتج إذآ تدخلج أول كلية إنتي حآطتهآ رآح يدخلونج وإذآ لأ يدخلونج الثآنية وإذآ لأ يدخلونج الثآلثه وجذي


وأي سؤآل ثآني أنآ حآضره :*

 

[شـيـخـة الـغـيـد]

مشكورره علي التوضيح...

انا حدي متوهقه وين اروح ومادري شنو التخصص اللي يقبلني نسبتي 81%.....
ابي بعد التمهيدي يحدد التخصص ولا يحدد الكليه ..وربي كلش مو فاهمه شي

هلآ حبيبتي ..

إنتي علمي ولآ أدبي .. تقدرين تدخلين آدآب أو إدآريه أو حتى تربيه ..

بالنسبة لـ التمهيدي إذآ إنتي نآجحه بالقدرآت مآ تآخذينه وإذآ لأ لآزم تآخذينه يعتبر مآده مآ تحدد تخصصج

ترى الوضع حددده سهآلآت لآ تحآتين رآح نكون موجودين إنشآلله وقت التسجيل ونسآعدكم :*

 

[شـيـخـة الـغـيـد]

الله يعطيج ألف عافيه ع الموضع صج هذاا وقته
حبيبتي انا نسبتي 78 وعلمي اي كلية اقدر ادخلها و احول هندسه او حقوق <<< تبي كل شي هههههههه
؟ وتكون سهله ودكاترتها حلوين

هلآ قلبي

إنتي علمي ممكن تدخلين علوم إذآ تبين هندسه أو حقوق وتحولين ..

العلوم تعتبر ترآنزيت يعني يدخلونهآ ويحولون بس يبيلهآ شدة حيل شوي

 

[لولا المحبه]

‘


مشكوره حبي ، حبيت أسأل انتي من طلآب الإتحآد ؟

 

[شـيـخـة الـغـيـد]

انااااااااااااااااا بعد مااااااااااااا ادري شالطبخه

نسبتي 84 ادبي

ومحتااااره اي كليه

وشنو ادش

وشنو الطلبات الازمه لتسجيل مثلا جم صوره بطاقه مدنيه

يااااااااااا ليت تفيديناااااااااا

هلآ حبوبه ..

إنتي شنو تحبين تدرسين ؟؟

أنآ بالنسبة لي أعرف كليتي اللي إهي الآدآب .. فيهآ تخصصآت حلوه

عندج إعلآم / إنجلش / عربي / تآريخ / فلسفه وغيرهآ ..

ولهآ مستقبل وظيفي حلوو .. وإنتي إستخيري وشوفي ..

بالنسبة لـ الأورآق اللي المطلوبه :

صوره من البطآقه المدنيه الأصليه
الشهآده الأصليه
صورتين شخصيه أو 4
صوره من الجوآز


موفقه حبي :*

 

[شـيـخـة الـغـيـد]

أول شَـي مشكوره عالموضوع

ثاني شي فـي قوائم إهيه المسؤوله عن بعض الكليات لأنها رابطتها
يعني الإتحاد مو الوحيد اللـي مسؤول .. ~

وبعدين الرقم حريه شخصيه يعني مو حلوه كلما يت وحده لا تعطين رقمج ممنوع !!

أنا الصراحه السنه اللي طافت يوم كنت مستجده بالكورس الثاني كنت قع أعطي بنيه رقمي
ولا تييني وحده من بنات الإتحاد ممنوع ممنوع لا تعطينها قتلها شنو ممنوع هذا رقمي ؟!

وعلى فكره بالنسبه لكليه العلوم الإداريه والآداب وكليه الحقوق مستقله هي الرابطه يعني إهيه المسؤوله الشرعيه عن هالكليات ..~

لا نضحك على عقول المستجدين

حبيبتي الإتحآد موجود لـ سبب .. القوآئم موجوده عشآن شنو .. إنتوآ اللي لآ تضحكون على عقول المستجدين

في صآله التسجيل .. الإتحآد المسؤؤول .. في الكلية .. الرآبطه حره باللي تسويه

ووجود القوآئم ( غير قآنوني ) ولو وجودكم قآنوني جآن دخلتوآ الصآله التسجيل

وبعدين البينه لمآ قآلت لج ممنوع مآ تقصدج .. تقصد البنيه اللي خذت منج الرقم لأن الإتحآد مو مسؤول عن أي معلومآت
خطأ تعطيج إيآهآ الرآبطه ..

عمومآ حبيبتي ..

هذآ مو موضوع نقآش لـ تكسبآت إنتخآبيه .. هذآ موضوع إفآده حق المستجدآت

مستعده أنآقشج بـ موضوع ثآني :*

 

[شـيـخـة الـغـيـد]

Miss McDonald



y'3aRo0N


حُـوريَّـه


عنـــ المهـا ــق


دانه_83


فوولي




حيآكم حبيبآتي :*

 

[شـيـخـة الـغـيـد]

لقيت لكم المستندآت كآمله بـ موقع جآمعه الكويت


يشترط لقبول طلب التحويل إلى الجامعة إرفاق المستندات التالية :

1) نسخة معتمدة من كشف الدرجات .
2) نسخة معتمدة من الشهادة الثانوية .
3) البطاقة المدنية ونسخة عنها للمطابقة ، بشرط أن تكون سارية المفعول .
4) نسخة عن جواز السفر .
5) شهادة تحويل راتب من أي بنك محلي (للطلبة الكويتيين) .
6) مستندات أخرى لإثبات فئة القبول للمتقدم ( للطلبة غير الكويتيين ) .
7) عدد (2) صورة شخصية حديثة وملونة للمتقدم .
8) تسديد مقابل نقدي قدره (10 دنانير) غير قابل للرد نظير تقديم طلب الالتحاق .

 

[شـيـخـة الـغـيـد]

‘


مشكوره حبي ، حبيت أسأل انتي من طلآب الإتحآد ؟

هلآ حبيبتي ..

إي أنآ أشتغل من الإتحآد وأي مسآعده أنآ حآضره :*

 

[شـيـخـة الـغـيـد]

حبيبتي عندي سؤال اذا ماعليج امر
اناا طافني القدرات و مارحت خير شر وانا ابي علوم اداريه و نسبتي 81%

يعني موعد تسجيلي 15-7 ؟ عادي يقبلوني حتى لو مو ممتحنه ؟

لانه كلش مو مسجله من قبل ولا شي

على حسب معدلج المكآفئ يقبلونج

بس إنتي نسبتج مرتفعه إحتمآل يقبلونج وتآخذين تمهيدي

حطي أول رغبه إدآريه

 

[شـيـخـة الـغـيـد]

أحلى أيآم بصرآحه وقت التسجيل للجآمعه ..

أيآم مرآح تنسونهآ صج

الله يوفقكم إنشآلله ويكتب لكم اللي فييه الخير :*

 

[عاشقة المايسترو]

حبيبتي الإتحآد موجود لـ سبب .. القوآئم موجوده عشآن شنو .. إنتوآ اللي لآ تضحكون على عقول المستجدين

في صآله التسجيل .. الإتحآد المسؤؤول .. في الكلية .. الرآبطه حره باللي تسويه

ووجود القوآئم ( غير قآنوني ) ولو وجودكم قآنوني جآن دخلتوآ الصآله التسجيل

وبعدين البينه لمآ قآلت لج ممنوع مآ تقصدج .. تقصد البنيه اللي خذت منج الرقم لأن الإتحآد مو مسؤول عن أي معلومآت
خطأ تعطيج إيآهآ الرآبطه ..

عمومآ حبيبتي ..

هذآ مو موضوع نقآش لـ تكسبآت إنتخآبيه .. هذآ موضوع إفآده حق المستجدآت

مستعده أنآقشج بـ موضوع ثآني :*

حبيبتـي أحنا أيضاً موجوديـن لسبب !!
أحنا أيضاً نساعد الطلبه عن طريق أرقامهم ..

وعلى سالفه جان دخلنا والله تعشمنا بهالشي بس ما صار شي وإنتي عارفه الأسباب أكثر منـي ..
والمفروض أن ندش لأن أحنا جهه أكثر شرعيه منكم ..

والرابطه ما راح تعطي أي معلومَـه خطأ لأنها رابطه الكليه نفسها يعني بالكليه إهيه المسؤوله !!

وبعدين يا حبيبتي ما أظن الطالبات بيون يقولون لج والله ليش عطوني معلومَـه غلط كله منج خليتيهم ياخذون رقمي ؟!!

وحبيبتي إنتي ترى مو حلوه وحده تصارخ وتقول لا تعطينها لا تعطينها ممنوع !! ماكو إحترام للطالبه المستجده ماكو إحترام لقرارها أنها تعطيها .. ؟!

والكل يدري ليش ما تبون الطالبات يعطون الأرقام حق بنات القوائم .. ~

إذا الموضوع ليس للتكسب الإنتخابي ليش حطيتي الشعار وليش قلتي لا تعطون أرقام ؟
حبيبتي بالعقل اللي بيساعد يساعد بدون شعار ولا شي كا انا حاطه موضوع وأبداً ما حطيت شعار أو شي !!

وحياج الله إذا تبين تتناقشين إيميلي أدزلج إياه .. أنا إنسانه غير متعصبه ولو شفت الحق مَـع أي جهه ممكن أروح
وعلى فكره بهالكورس احتكيت مَـع كل القوائم ..

 

[[khoOkha]]

حبيبتـي أحنا أيضاً موجوديـن لسبب !!
أحنا أيضاً نساعد الطلبه عن طريق أرقامهم ..

وعلى سالفه جان دخلنا والله تعشمنا بهالشي بس ما صار شي وإنتي عارفه الأسباب أكثر منـي ..
والمفروض أن ندش لأن أحنا جهه أكثر شرعيه منكم ..

والرابطه ما راح تعطي أي معلومَـه خطأ لأنها رابطه الكليه نفسها يعني بالكليه إهيه المسؤوله !!

وبعدين يا حبيبتي ما أظن الطالبات بيون يقولون لج والله ليش عطوني معلومَـه غلط كله منج خليتيهم ياخذون رقمي ؟!!

وحبيبتي إنتي ترى مو حلوه وحده تصارخ وتقول لا تعطينها لا تعطينها ممنوع !! ماكو إحترام للطالبه المستجده ماكو إحترام لقرارها أنها تعطيها .. ؟!

والكل يدري ليش ما تبون الطالبات يعطون الأرقام حق بنات القوائم .. ~

إذا الموضوع ليس للتكسب الإنتخابي ليش حطيتي الشعار وليش قلتي لا تعطون أرقام ؟
حبيبتي بالعقل اللي بيساعد يساعد بدون شعار ولا شي كا انا حاطه موضوع وأبداً ما حطيت شعار أو شي !!

وحياج الله إذا تبين تتناقشين إيميلي أدزلج إياه .. أنا إنسانه غير متعصبه ولو شفت الحق مَـع أي جهه ممكن أروح
وعلى فكره بهالكورس احتكيت مَـع كل القوائم ..

الـسلام عليكم
يالغالية ندري انكم الرابطة وتبون تساعدون الطلبة كثر ما تقدرون
وكلنا ما انوجدنا واشتغلنا الا لمساعدة الطالب

لــكن انتي رابطة بكليتج انتي الجهة الرسمية بكليتج مو بالجامعة كلها
وبما ان اللي فهمته منج انج مستجدة كورس ثاني فـ توج صغيرة مو فاهمة عدل

فـ الاتحاد اهوا الجهة الرسمية بصفته الممثل الرسمي لطلبة جامعة الكويت
وفي رابطة اللي اهيا رابطة المستجدين المختصة بهالشي
لا رابطة كلية ولا جمعية كل جمعية مسؤوله على طلبة كليتها
الحين المستجدة لما تيي تسجل الاتحاد المسؤول عنها
بس لما تدخل كليتج اهني انتي الجهة الرسمية والمسؤولة عنها
لان دشت نطاق كليتج : )

أتمنىى ان الفكرة وصلت : )
يعطيكم العافية

 

[sawaranza]

والله انا هذي ثاني سنه لي بالجامعه واللي صج شفت منهم فايده و مساعده اهمه بنات الرابطه وبنات الاتحاد ما شفتهم الا يوم التسجيل وبس والحمدالله بنات رابطة الاداريه حدهم زينيين وما يقصرون

 

[عاشقة المايسترو]

^^

إي نعم فآهمه من زمآن
ومو معناة إني مستجده ما أفهم شي !

حبيبتي أحنا لمن ناخذ الرقم ليش ؟
مو ناخذه عشان لو دشت هالبنيه نطاقي نفس ما تقولين أساعدها !!

والأرقام حريه شخصيه .. ~
وإذا وجودنا شي غلط من الممكن أن الجامعه تشيلنا حتن من بره ..

حبآيبي أكتفي بالنقاش إلى هنا لا نقلب موضوع المستجدين نقاشات قوآئم عشان لا تطق جبدهم ..

وإذا في أي شي ممكن تبطلون موضوع منفصل أو نفس ما قلت بحاجي شيخه الغيد مسنجر .. ~

 

[شـيـخـة الـغـيـد]

حبيبتـي أحنا أيضاً موجوديـن لسبب !!
احنا أيضاً نساعد الطلبه عن طريق أرقامهم ..

اكيد موجودين لسبب والسبب معروف لكن القصد ان وجودكم غير قانوني في صاله التسجيل لانها تحت سلطه الاتحاد

وعلى سالفه جان دخلنا والله تعشمنا بهالشي بس ما صار شي وإنتي عارفه الأسباب أكثر منـي ..

ليش تعشمتي ؟ شلون يعني ؟ اكيد ماراح تدخلون بديهيا لان انتو مو جهه رسميه
ومو بس انتو اي قائمه نفس الوضع
اذا كل الناس تدخل الصاله شفايده الاتحاد ؟
هذا يدل على عدم احترام شرعيه الاتحاد وبالتالي عدم احترام لرغبه واختيار طلبه وطالبات جامعه الكويت اللي اختارو ممثلهم بنفسهم
وتدخل واضح وصريح في صميم شغله
وفوق هذا تضايقون عاملين الاتحاد وتضايقون المستجدين ايضا
واكرر ((لو كان لكم حق في وجودكم بالصاله جاان دخلتو ماوقفتو بره بالشمس ))

والمفروض أن ندش لأن أحنا جهه أكثر شرعيه منكم ..

شلون يعني شرعيه اكثر منا ؟ ممكن توضحين ؟مافي اكثر شرعيه ورسميه من الاتحاد ويشمل تحت مظلته وسلطته جميع الروابط
والجمعيات
وحتى يفكر حاليا يضم اتحاد الجامعات الخاصه ؛)

والرابطه ما راح تعطي أي معلومَـه خطأ لأنها رابطه الكليه نفسها يعني بالكليه إهيه المسؤوله !!

مو بالضروره وايد صارت حالات معلومات خطأ ويلقون اللوم على الاتحاد للاسف
وللعلم فقط الاتحاد مسؤل عن الطلبه بشكل عام وداخل كلياتهم ايضا
في المقابل الرابطه حدودها بالكليه فقط
وياليت بس طالبه الرابطه تاخذ رقم بس البنت اللي راح تنقبل بكليتها
الغريب انها تاخذ رقم كل بنت تنقبل ؟ عيل وين كلامكم ان احنا رابطه نشتغل بس على كليتنا ؟؟
بعدين اضيف لمعلوماتج البسيطه ان لما بنت تقول انا عضوه رابطه ممنوع تحط باج قائمه هذا اسمه (خرق نقابي)
نلعب على بعض احنا ؟
شلون تقولين انا جمعيه القانون وحاطه باج قااائمه ؟؟
هذا شنو اسمه ؟

وبعدين يا حبيبتي ما أظن الطالبات بيون يقولون لج والله ليش عطوني معلومَـه غلط كله منج خليتيهم ياخذون رقمي ؟!!

لا ماراح تقول ليش خليتني اخذ رقمها p:
وايد يخلطون بين الاتحاد وبين القوائم لان مو متوقعين ان القوائم متواجده بالصاله عبالهم بس للاتحاد
ووايد تكرر هالموضوع معانا للاسف

وحبيبتي إنتي ترى مو حلوه وحده تصارخ وتقول لا تعطينها لا تعطينها ممنوع !! ماكو إحترام للطالبه المستجده ماكو إحترام لقرارها أنها تعطيها .. ؟!

لا في احترام بالعكس احنا نقدر الطلبه ونحترمهم واحنا جهه رسميه بالنهايه وكل كلمه مسوؤلين عنها
والبنت ماتقصد تصرخ عالبنت اكيد تبي تحذر العامله بس

والكل يدري ليش ما تبون الطالبات يعطون الأرقام حق بنات القوائم .. ~

إذا الموضوع ليس للتكسب الإنتخابي ليش حطيتي الشعار وليش قلتي لا تعطون أرقام ؟

لان شعار الاتحاد اللي اهوه جهه رسميه !
المخول الوحيد انه يخدم الطلبه وايد تكررت هالجمله اتمنى ماينعاد هالسؤال الغريب

حبيبتي بالعقل اللي بيساعد يساعد بدون شعار ولا شي كا انا حاطه موضوع وأبداً ما حطيت شعار أو شي !!


والله ؟ عيل خلاص لا تحطين باج قائمتج ولا تاخذين رقم البنت بس ساعديها بوقتها ؟

وحياج الله إذا تبين تتناقشين إيميلي أدزلج إياه .. أنا إنسانه غير متعصبه ولو شفت الحق مَـع أي جهه ممكن أروح
وعلى فكره بهالكورس احتكيت مَـع كل القوائم ..

شكرا ماعندي اي مانع لان هالموضوع موضوع يخص المستجدات
مايصير كل موضوع اتكلم فيه عن الاتحاد ينقلب قضيه وهوشه الله يهداكم
مادري هل كلمه الاتحاد تسبب حساسيه لدى البعض ؟
عموما هذا اخر رد لي بخصوص هالموضوع

واي استفسارات للمستجدات انا حاضره :*

 

[شـيـخـة الـغـيـد]

الموضوع رآح يكون لـ الرد على إستفسآرآت المستجدآت فقط .. !


أي منآقشآت خآرج الموضوع أتمنى تكون بـ موضوع ثآني


تحيآتي :*