جربتي شي من ماركه سماش بوكس smashbox تعالي قوليلنا عن تجربتج ؟؟

[منار البربرية]

ما جربت شي منها انشاءالله بجرب وشوف ،،​

 

[جروح ودموع]

ولا مره جربتها بس شوقتوني ابي اجربهاااااااا

 

[Om-BmbOSha]

قوه حبايبي

انا مجربتها

اول شي اهي ماركة امريكيه وطبيه اكثر من تجميليه

انا استخدمة البيس الشفاف ستوديو فينيش وايد حلو ويخلي البشره ناعمه حيل قبل الفونديشن

وخدديت الكومباكت الي حاطه صورته الي تفرينه ويتفتت معاه فرشته وايد حلو وخفيف على البشره سعره كان ب 18 وشي

ولمن خذيت منهم البيس الشفاف كانوا مسوين عليه عرض مادري اذا للحين او خلص عرض وايد حلو اهو سعره بروحه ب11

والعرض جنطه مع بلشر لونين برونز وردي فاتح وشدو 3 الوان وقلوس وردي وبيس شدو تخيلو كل هذا ب 14 اوفر والعرض وايد حلو والبلشر حلو

وفيه منه بفيسز ( وجوه ) بمجمع 360
او الافنيوز سيفورا
بس هل المكانين

والفلبينيه نفسها حلوع الي بفيسز 360

وبس

 

[krkooora]

^^


مشكورة حبيبتي انج فدتينا بتجربتج

و بزيد على كلامج حتى فافافوم عندهم سماش بوكس

 

[ميس هارودز]

جربت الكحل الكريمي من عندهم يسيح رغم انه ووتربروف وأنا طبيعة عيوني ماشاء الله الكحل ما يسيح بس هذا كريمي أوفر بس سواده حالك ولونه حلو

 

[Chay7aLeeB]

انا جربت هالبودر

بس البرونز الفاتح احطه بعد برايمر ميكاب فور ايفر وخلصنا احس بشرتي تصير صافيه وهاديه

وعندهم هذا ملمسه مثل البيس الي قبل الفاونديشن اول ماتحطينه شفاف بس مديه بيدج يصير وردي هذا اذا تبين توردين خديداتج عالسريع

وبس هذا الي جربته

 

[krkooora]

مشكورة على عرض تجربتج

 

[manoooram]

كركوره عندي قلم الحواجب اللي بأول صفحه اول صورة بس توني تفاجأت
ان الصوب الثاني للقلم فيه ماسكرا
لو مو قاريه موضوعج جان والله ما ادري واهم هناك بسيفورا الحلوين ما قالولي !!!!!

 

[زبــــــــدة]

انا احب البرونز اللي يتفتت ...


قالتلي منيرالز ...يعني تجميلي وعلاجي اينن لما احطه ويهي يصير صافي وفي نضااره وايد حلووو حبيته

والبلشران شحلااتهم ..

 

[Mrs_Orchidia]

مو مجربة شي .. بس سامعة عن البيس مال البشرة الدهنية يمدحونه

ومادري ليش دايما اخربط بين هالماركة و بين نارس!! لوول

 

[انا وانت]

سمعت عنها كثير بس ماجربت منها لس

 

[crystal heart]

وايد حلوة .. انا جربت سيت تقريبا سعره ب 14 دينار هذي صورته

كله حلو

وجربت بعد قلم الحواجب هم وايد زين

 

[AVE.NJ]

يمدحون حمره او قلوس
يكبر الشفايف انه بنت اختي كانت توصيني يوم كنت بامريكا
بس ماقدرت ايبها لها

 

[krkooora]

مشكورين بنات على عرض تجاربكم

 

[ftoomy]

انا جربت البرايمر الشفاف سوالي برييك اوت ...

 

[krkooora]

^^


وييي شكله بشرتج وايد حساسه

مشكورة

 

[الأماكن]

أنا استخدمت الفاونديشن عجيب و لونه طبيعي

والبلاشر عجيب

و الكونسيلر ... أحلى كونسيلر عجبني

والشدوات ألوانهم حلوة

بس القلوسات مو ذاك الزووود ما عجبوني

 

[krkooora]

مشكورة الاماكن على نقل تجربتج
شكله الكونسيلر خطير انتي مو اول وحده تمدحه لي
مشكورة

 

[كول قيرل]

ماجربتها

 

[مس بيمبو]

بنآآآت ..

بشتري منهم كونسيلر يمدحونه :eh_s(15):
بس مادري وين القى هالماركة .. موجودة بوجوه ؟

وكم سعر الكونسيلر ؟ والبودرة شكلها حلوة .. كم سعرها ؟
اللي تعرف بالريال تقول :eh_s(22):