جزاها الجنه الي تعلمني بكل شي عن سوق الأسهم والبورصه...ماعرف شي :(

[دلوله_العسوله]

السلام عليكم يا احلى كويتيات وكل عام وانتو بألف خير


بصراحه بنات انا مااعرف اي شي عن سوق الأوراق الماليه والبورصه والأسهم وحيل بخاطري اتعلم هسوالف ..طول عمري اشوف الشريط المتحرك الي بتلفزيون الكويت عن الأسعار وانا مو فاهمه شي
ولاحظت هلأيام وايد حريم يتكلمون عن هلمواضيع ايام ماكانت خضضره قبل لا يطيح السوق على قولتهم مع اني كبيره عمري 21 احس اني بينهم غشيمه مدمغه فأنحرج فياليت تعلموني كل شي من طأ طأ لسلام عليكم عشان تفيدوني وتفيدون غيري
وشسالفة البطاقه المدنيه الي الكل يبي ياخذها مني دام اني ماني محتاجه لها .... وشنو الفرق بين السهم والأكتتاب... وكل شي تخيلو ان عمري 10 سنين واشرحولي ياريت تتحملوني حبابي وتوضحولي كل شي....ويعطيكم الصحه والعافيه يارب
:0bee2e8d89::0bee2e8d89::0bee2e8d89:

 

[life1]

حتى اناااااااااااااااا ابي اعرف


بلييييييييييييييز فهمونه


وشنو يعني تداول؟

 

[دلوله_العسوله]

up
up
up

علموناااا

 

[life1]

انا ابي اعرف مو المفروض بوقت البورصه لمن تنزل نشتري عيل الناس ليش ما تشتري بهالوقت مع وجود الازمه الاقتصاديه


واتمنى من اي وحده خبره بالموضوع تعلمنه شلون تعلمة هالشي....هل تنصحني بكتاب معين...؟

 

[دلوله_العسوله]

حبيبتي life شكله مافي الى انا وانتي ....انا اتوقع ان محد يشتري عشان الأسعار كل مالها وتنزل والي بيشتري شروته بتطيح بجبده او يبيع بخساره ............ بس مشالله شكلج تعرفين اكثر مني فيديني حبوبه بكل الي تعرفينه

 

[دلوله_العسوله]

مالي شغل بتحلطم كل يوم واحن لمن تردون علي

 

[famous.pussycat]

أنا عندي تجارب بلأسهم بس مو وايد من فتره شريت وبعت
بلعكس وايد ناس بهلوقت قاعد يشترون ترى ع نهاية هسنه بترتفع
أهيا شلون الطريقه أنتي يكون عندج أسهم أتروحين تاخذين رقم تداول من البورصه أعتقد وقتها لمن ببطلولج رقم التداول تدفعين 3 دنانير
وقت ماعجبج السعر أتروحين تعرضين أسهمج للبيع بلبورصه عاد شوفي في شرايه لاسهمج ولا لأ أذا ماكو أتردين اليوم الثاني ألين تنباع
ونفس الحجي لمن بتشترين أتروحين للبورصه في قسم فووق لنساء قعدي وجدام كل وحده كمبيوتر أتشوف الاسهم المعروضه للبيع وأذا عجبج العرض والسعر والكميه للأسهم تحاجين المره وتقوليلها بشتري ترى سهل وايد الموضوع بس يبيلج أتعلمين عليه أشوي
ويونس المكان لمن أدشينه أتحسين أنه أنتي شي أنا وااااااايد أحب أروح أهناك مع أمي وكله يكون في تصوير بتلفزيون
شوفي أحلى تجااره الذهب وااسهم أحبهاا واايد جني عيووز
بس الذهب الحين مرتفع حق البيع بس

 

[viva la glam]

up up
فيدونا =)

 

[life1]

اب اب اب

مشكوره اختي على الرد

 

[دلوله_العسوله]

مشكووره فامووس حبيبتي على هلمعلومات الحلوه ....بنات يالله فيدونا اكثر ..

 

[دلوله_العسوله]

اب

 

[الجود طبعي]

حبيبتي البورصة تخوف لأن التجار يتحكمون فيها واذا حابة سوق المال ترى مالج الا التداول بالعملات لأنها آمنه وانا جربتها وكافي ان سوق العملات ما يتدخل فيها احد بصراحة انا خذيت دورة بشركة والحمدلله الارباح شهريا تزيد

 

[ديمي 12]

حبيبتي الجود طبعي شنو التداول بالعملات

 

[life1]

اب اب اب اب

 

[الأمـــواج]

حتى انا ماعرف ودي اتعلم تراني غشيمة كلش

 

[أم فلان]

شوفوا ياطويلات العمر

اول شي

الفراق بين الإكتتاب وشراء الأسهم ؟

الإكتتاب يكون لشركات في بدايتها يعني مثل بوبيان او فيفا ويطلبون من الناس انهم يكملون راس المال عن طريق المساهمه بشراء اسهم من الشركة وبعدها بسنتين تندرج الشركة بالبورصة ويبدون الناس يبيعون ويشترون سهمها

أما شراء الأسهم فيكون عن طريق البورصة وتكون الشركات قائمة ومدرجة بسوق الكويت للاوراق المالية




شنو طبيعه البورصة ؟؟

البورصة تعتمد على العرض والطلب ناس عندها أسهم بشركة فلانيه تعرض اسهمها للبيع وناس تشتري وهكذا ..


شنو صعود شنو نزول ؟

الاسهم عبارة عن بحر مره مد ومره جزر مره فوق ومره تحت والشاطر هو الي ياخذ السهم وهو نازل ويبيعه وهو صاعد

بس يعتمد على ذكاءه وتحليله للسوق والشركة الي بيشتري فيها


يعني مو اي سهم نازل تاخذه على طول لانه يمكن ينزل اكثر ومايصعد بعد الا بالموت



اشلون اشتري اسهم ؟؟


تروحين مبنى سوق الكويت للاوراق الماليه الدور الأول تقوليلهم بفتح حساب تداول تدفعين 3 دنانير ويعطيج ورقة فياه رقم حساب التداول مالج ..


البيع والشراء في البورصة اشلون يكون ؟؟

يكون عن طريق شركة وساطه ماليه تروحين حق هالشركة وتفتحين عندهم رقم تداول بعد ويصير عندج دلال تقوليله بيع وتقوليله اشتر متى مابغيتي بالتلفون ..


طريقة جديده ؟؟

الحين في شركات وساطة سوت برامج للتسهيل على الناس عند التداول يعني عشان كل واحد قاعد ببيته بمكتبه يقدر يتداول مثل :

بيتك للتداول - الأوسط - الوطني - وغيرهم كثير



الناس تول الحين مو بورصة طاحت ليش الناس ماتشتري ؟؟

لان الشركات الحين كلها عليها ديون ومبتلشة بعمرها الا من رحم الله فيمكن بين يوم وليله الرشكة تعلن افلاسها وانتي تطقين اصبع ومراويس



أتمنى إني أفدتكم


سوري ع البدليات :dddds::dddds:

أي سؤال أنا حاضره​

 

[دلوله_العسوله]

مشكووره يا ام فلااااااان يا ام الذوق يعطييج الف عافيه حبيبتي

 

[حجيه هيونه]

بنات تبون احد يعطيكم دوره لمدة اسبوع عن التداول عن طريق الشركات و النت ؟؟

اذا تبون طرشولي خاص ادليكم على واحد وياريت يكون مجموعه

 

[نوره حبيبة أبوها]

انا بعد ما افهم ابد بالبورصه مع انه عندي اسهم شاريها لي ابوي

المهم انا اللي غامضني

الحين اذا انا عندي اسهم بشركه معينه والشركه اعلنت افلاسها انا شكو فيها؟؟ اسهمي عندي ومالي شغل فيهم

<<<<كومااااار

 

[ام حلومي]

الاكتتاب هوالمساهمه في تاسيس الشركه من البدايه في نوعين:
اكتتاب عام (جميع الناس يشاركون)
اكتتاب خاص يشمل المساهمين بالشركه (الام)

الشريط اللي بالتلفزيون هو اسهم شركات مدرجه بالسوق الكويتي فيها اللون الاحمر اقل عرض والازرق اعلي طلب
والاسود اخر صفقه

ومؤشر السوق احمر نازل واخضر صاعد والتغير يعني جم نقطه صاعد وجم نقطه نازل