جـدآول حملـه ســـالـــم الــروح للعنـآيـه بالبشـره والجسـم * للجـدآول فقـط*

[حبي للابد]

بنات

في اشياء راح ازيدها بجدولي لان كتبته بسرعه

عندي هدف اني ازيد 10 كيلو

و سنفره للشفايف و مرطب

و مثل ما تقول حبيبتي ريانه مع اليوميات راح تفهمون

 

[فراشة الرغد]

خسارة ليحين مانزل الراتب
بس بقولكم شنو بتكون عنابتي بدون صور
ان شاء الله عقب انزل لكم الصور


اول شي انة بركز على ويهي فيه اسوي اثار
بستخدم له
كريم دكوين فورت والكوم والرتن ايه مرة بالليل
وبستخدم ماسك الفحم مرتين بالاسبوع
واستخدم بخاخ ماء الارز وبخاخ ماي ورد بفيتامين سي والمرة
واستخدم اسكينول البابايا
واستخدم كريم واقي طول النهار
راح استخدم خﻻطة للشفايف
وخلطة للرموش
وخلطة كريمات للجسم بالنهار وخلطة ثانية لليل
وبستخدم صابونية خاصة
وسنفرة مرتين او ثلاث بخليها تكون بسيطة
وحمام جسم مرة بالاسبوع ان شاء الله

والرياضة حفاظا على جسمي ربع ساعة لثلاثة ايام بالاسبوع
التغذية احاول اكل فواكه وخضرة
واشرب ماي تمام
واشرب قشر قهوة وزعتر وحليب حلبة
موب شرط كلهم بيوم بس مايفوت يوم الا اشرب شي منهم
وحبوب زهرة الربيع واشوي زبيب عالريج يوميا

 

[حلاتي غير]

ماشاء الله الله يوفقكم بحملتكم

 

[سنوايت الجميلة]

الف مبروك افتتاح الحمله
اهدافي تفتيح البشرة وتوحيد لونها
اغسل ويهي بصابونية جراس وبعدها سنفره مون لايت وبالليل ادهن وجهي كريم مون لايت
والهالات
مسويه خلطه بزبدة الشيا والكاكاو وحاطه معهم زيت لوز المر وزيت جنين القمح ما خذتهم من وادي النحل
لشفايف فازلين وحمره سحرية ومرطب لابيو وزبدة الشيا وسنفرة سكر
عناية لشعري
احلي ماسك لشعر يعطي كثافه ولمعه
خلطة ام شاهين لاماكن الداكنة
صابونية مزيونه وشقرة لجسم. وسنفرة كريم كاب وماسك الالماسه لجسم وخلطة صابون الافريقي وخلطة زبدات لسيوليت
وسلامتكم:eh_s(9):

 

[نبع الحنآن]

بالتوفيق

 

[England Chick]

✽ '



بسم الله الذي لا يضر مع أسمه شي في الأرض ولا في السماء وهو السميع العليم
بسم الله الذي لا يضر مع أسمه شي في الأرض ولا في السماء وهو السميع العليم

آلسلآم عَليكم
بسم الله الرحمن الرحيم

آلعنآيه آلدآخليه :
فيتآمين C آلفوار يَوميآ مره وحده
شرب مآي آكثر من 6 آكواب
حَليب آلمرآعي طآزج بعد كَل غدآ
آكل خضروآت وفوآكه + عصير طبيعي
و بآلدوره آلشهريه قرفه دآفيه لمده 3 آيآم

آلشعر :
كَل سَبت حنه للتنعيم مَكونه مَن
( حنه , مآيونيز , بيض , روب , زيت زيتون , عسل , ثَوم )
مآسكآت طَبيعيه 3 مرآت بالاسبوع
مَرتين بالاسبوع زَيت للشعر

آلوجه :

مآسكآت طبيعيه مثل
( سدر , حَليب بودره )
( روب , عسل , شوفآن )
( روب , شآي آخضر )
آلقنآع آلطيني بآلنعنآع بآلاسبوع مَره
غسول نيتروجينآ مآ آستعمله كثير
صآبونه آلكركم حَلوه للحبوب
مَقشر نيتروجينآ مَنعش وَحلو آحطه بعد بخآر الوجه روعه
وآرطب وَجهي بفآزلين , قَبل النوم رَتن آي ودوكين فور

آلعيون و آلشفآيف :

آلرموش وآلحوآجب قبل آلنوم فآزلين
وآلشفآيف فكس

آلجسم :

دآيم بعد آلسبوح ترطيب بهآلمرطبآت بَس آكثر شي آستعمل لوشن فيتآمين سي
وآليدين مَرطب فآزلين لليدين , ومرطب نيفيآ للبشره آلجآفه حَلو نوعآ مأ

وَفيه آشيآء مآ شريته توني آن شاء الله قَريب وآشتريهم آفضيفهم للجدول

سَي يو :eh_s(22):

​

 

[batooly]

اهداف ~
تقليل شعر الجسم +توحيد لون و تفتيح + محاربة الكسل P:*

الوجه ~
سنفرة نيوتروجينا صباحا و اذا خلص راح استخدم سنفرة اس تي ايفز
مرطب أنا مسويته من زبدة الشيا و الكاكاو و زيوت*
و حماية سيباميد و ماي ورد*

الجسم ~
صابونية فيها { صابونة غار + ربع صابونة بابايا + صابونة عنبر صغير من الصابون اللبناني }
سنفرة { سكر + زيت جنين القمح +ملح حليب+ زيت عطري } و اذا خلص راح استخدم ملح حليب بروحه
شاور جل { فازلين + بودي شوب } <بودي شوب راح استخدمهم بعد فازلين*
و ارطب بلوشن فازلين لتوحيد اللون لكن اذا بعد ازالة الشعر راح استخدم زيت زيتون*

شعري ~
زيت باراشوت و كيشور احطه قبل لا أغسل شعري و الوقت يختلف على حسب انشغالي
شامبو البرتقال و شامبو لوريل الوردي بعد الحنة
الحنة عبارة عن {حنة و سدر } و ممكن أغير يعني والمقادير و أحطها كل جمعة او سبت اما ايام المدارس احطه كل اسبوع و ترك*


أسناني ~
مسواك +سانسوداين + خيط + غسول ليسترين*
ايدي ارطبها بنيفيا كل ما حسيت ايدي جافة*
و كل جمعة أحط خلطة انجل كات البابايا على قدمي و البس جيس فوقه دلاق*

ازالة الشعر ~*
ايدي و الإبط و الشوارب *بشيرة تخفيف الشعر[استخدمها مشيرة هندية] و بعدها زيت زيتون {الإبط مرة شيرة و مرة براون عشان الترهل } و الكف و الأصابع ببراون
و ريولي و المنطقة الحساسة بموس و زيت زيتون*
و أحط ترمس مر لليدين و الرجلين و الابط و الحساسة و اخليه كماسك مع الاستحمام او قبل الاستحمام او بعد على حسب الظروف :/
{طريقة او طريقتي الترمس :٢م.ك ترمس مر مطحون و نص كوب ماي ، خلطتهم و حطيتهم بعلبة و ثم الثلاجة و كل اسبوع اسوي غيره }

وووبسسسس ^.^*

 

[batooly]

العناية اليومية {الأحد - الخميس }

الوجه:سنفرة نيوتروجينا + مرطب + حماية+ ماي ورد +صابونة الشيا (قبل النوم)
الجسم :سنفرة السكر { الأحد ثلاثاء الخميس} +موس للرجلين {يوم الخميس } + شاور جل +الترمس المر + *لوشن لليدين و الرجلين
المنطقة الحساسة :زيت زيتون +خلطة كريم سودو بعد الاستحمام و قبل النوم*
الإبط : زيت زيتون + خلطة السودو بعد الاستحمام و قبل النوم + ماي ورد
الشعر: زيت باراشوت مع كيشور +شامبو البرتقال {اخففه بماي } + سيروم*
ترطيب اليدين بنيفيا و تونك للحواجب و مسواك مع العناية بالأسنان*
حبة زيت زهرة الربيع + *مشروب مثل حليب وحلبة او شاي مرامية هالسوالف *

العناية الأسبوعية ~{الجمعة}

شعري :حنة +سدر و شامبو لوريل و نسيكافيه {للرائحة } و بلسم و سيروم*
جسمي :خلطة صابونية +بيكربونات الصوديوم + لوشن*
القدمين :خلطة البابايا لكات انجل*

و السبت راحة ^_~

 

[batooly]

نسيت اقول شعري اغسله كل يوم و ترك يعني الأحد و الثلاثاء و الخميس ^.^

 

[f@rsaq8]

Up
Up

 

[عسل حدي]

رب لا تذرني فردا وانت خير الوارثين

 

[سـواره]

السلام عليكم

هذا الجدول اللي بمشي عليه إن شاء الله

وهاي صورة جماعية للأغراض .. مالي خلق أصور صورة صورة لووول

وفي أغراض ما صورتها لأني ما جهزتها ... وفي أشياء بسويها في نفس يوم التطبيق يعني كمية تكفي الجسم عشان ما تخرب

:eh_s(17)::eh_s(17):

 

[سـواره]

وأحين بكتب فوايد الخلطات اللي اخترتها والروابط

ماي ورد وكركم : تقليل الشعر
http://www.q8yat.com/t1077789.html

مقشر مس أنجل
http://www.q8yat.com/t665413.html

خلطة مس أنجل للحساسة
http://www.q8yat.com/t731506.html

خلطة حيادر للحساسة
http://www.q8yat.com/t484631.html

وسنفرة السليولايت ما عرف من أي عضوة

هاي مقاديرها : قفشتين كبار قهوه تركيه مطحونه وثلاث قفاش كبار زيت زيتون وقفشه كبيره ملح
رطبي جسمج بالماي وقعدي فركي فركي الاماكن اللي تبينها .. سويها 3 مرات بالاسبوع

:eh_s(8)::eh_s(8)::eh_s(8):

 

[كويتيه سبيشل]

بسم الله الرحمان الرحيم​

الاهداف ​

اولا : الشعر : ترطيب - تكثيف ​

ثانيا : الجسم : ترطيب - تنعيم - توحيد لون​

ثالثا : الوزن : نزول 6 كيلوات او اكثر ان شاء الله​

رابعا : قراة القران - تسبيح - استغفار - الصدقه​

الجدول العنايه :​

​

اولا : انا استخدم هالحبوووب
​

_ الشعر _​

غسل الشعر يوم وترك
ما انشف شعر اخليه ينشف برووحه
بشاامبو صاانسيلك - بلسم تريسمي - حماام زيت ​

+
​

ولما ينشف شعري ادهن اطرافه بزيت جونسون بالصباار
________​

ادهن شعري 5 ايام بالاسبووع
بزيت صانسيلك - زيت اللوز الحلو - زيت السمسم​

+
الماسكات الطبيعيه كل 3 اياام

الماسك الاول : جرجير + زيت
الماسك الثاني : عسل + روب + ليمون+ زيت السمسم​

________​

_ الجسم _​

اسبح يوم وترك ​

اغسل جسمي بسائل الاستحمام من فاازلين وقبل لا اطلع من الحمام ارطب جسمي بزيت جونسون الاخضر بالصباار​

​

واسنفر جسمي مره كل اسبوع او اسبوعين بسنفرة وليفة بدي شوب​

​

ارطب جسمي بزيت جونسون وريولي من تحت القدم بفازلين وويهي بالجلسوليد ومرات ارطب جسمي او اديني جرجينز وشفااايفي ب لبلو او Qv او خلطة الشفاايف​

​

وارش ع ويهي مااي ورد ( العلبه الحمره هي الخلطه مالت الشفاايف )​

​

+
راح اغس ويهي بـ كلين اند كلير مره بالاسبوع

ومره بالاسبوعين احط رووب ع ويهي
_ _​

والديودرنت : انا قااطعته هالفتره بس مرات اذا ابي اطلع او شي استخدم هذيل​

​

( العلبه فيها خلطه تستخم كـ ديودرنت )​

_ الاسنان _
راح استخدم هالمعجون

​

+
غسول اكوا فرش
+
بودره بي كربونات الصوديوم
( نسيت اصورهم )​

________​

الوزن : انا حاليا اسوي رجيم ابي انقص ان شاء الله 6 او اكثر
رااح احاول اسوي ريااضه 4 مرات بالاسبوع
اشرب شااي اخضر مع الزنجبيل وعصير برتقال فرش 6 مرات بالاسبوع
وان شاء الله اشرب اكثر من 6 اكواب مااي باليوم​

________​

ان شاء الله احااول التزم بصلاة الفجر بوقتها
اقرى صفحتين من القران ع الاقل باليوم
اسبح واستغفر 100 مره باليوم
وان شااء الله ع طول احط صدقه​

واذا شريت اي شي بعد رااح اضيفه
وان شاء الله التزم :eh_s(15):​

ومع السلامه :eh_s(8):​

 

[RO0O7Y KUWAITYA]

بسم الله الرحمن الرحيم

شلووونكم بنات جدولي راح يكون صور اريح لي جذي :ggdw:
ان شاءالله تكون الحمله خيرا لنا ونتعدل طبعا انا اهملت عمري حيييييييييييل فكلي دمااااااااااااااااااااااااااااااااااااااااااااااااااااااااااااااااار :eh_s(2):


يلا بسم الله نبدأ






الاغراض واضحه بس
2- خلطه الملاك للهالات
3- خلطه انول للنظاره
4- سنفره مريوومه
نسيت اصور خلطه رموش حيادر







_ السدر
_ خلطه الزيوت





مجموعه ليدي تج
1- سنفره
2- صابونه
3- سنفره كرستين
4- مرطب كرستين
5- خلطه الاظافر ليدي تج
6- مرطب
ونسيت اصور كريم التفتيح






1- سنفره السنفرات لمزيونه وشقره
2-مرطب بالفراوله
3- صابون مغربي
4-صابونيه مريومه
5-خلطه الصابون الاسود غراس
6- خلطه النظافه غلاي
7-سنفره لندن
8-الخلطه الشامله مس انجل

انا كاتبه بالجدول اني بسوي العرقسوس مالت انوول بس ماكو عند العطار اذا لقيت بسويها :eh_s(9):

وبس :eh_s(8):

 

[ديور اديكت]

آڵسَـْـِْڵ؏ـ مَ 6ڵـْـِْيگم
يالله جى دوري اسدح عدتي

الاهداف
1- عندي شويييه تششق صوب الزنود وإن شاء الله تروح
2- افضي على الهالات السوداء
3- رموش كثيفة وطويلة
4- توحيد لون الجسم
5- نظارة
6- اظافر قوية وصحية
7- شفايف وردية
بالنسبة لشعر مشتركة في حملة فما صورت اغراض شعري

بسم الله نبدأ

مجموعة الوجة:
من اليمين كريم فيجي للبشرة الجافة
غسول فيجي للبشرة الجافة
كريم اسكنينول بمسحوق اللولو استخدمة بدال كريم الاساس لدوام
صابونة فيراند وايت
مقشر ستيفيز بالمشمش
واسكينول

مجموعة الرموش والشفايف:

زبدة الكاكاو من بالمرز
مرطب شفايف >> سيحته في حمام مائي وضفت له نتفة من دم الغزال ورجعت صبيته بعلبته
فازلين بزبدة الكاكاو
وماسكار اكرينال
طبعاً استخدمهم يومياً

مجموعة الاسنان:
معجون اسنان
بيكربونات الصوديوم
ونسيت اصور غسول الفم طبي
وجهاز تبيض الاسنان من تاجرتنا فجر الكويت

مجموعة العناية بالاطافر
خلطة الملاك روووعة للاظافر
كريم بودي شوب للاطافر
ولوشن الفازلين الوردي للاظافر

مجموعة العناية بالجسم:
لوشن جرجنز منعم البشرة
خلطة زبدات جراس مع زيوت انا مسويتها للتشققات
العلبه صغيرة زبدات جراس للهالات السوداء مع خلطة الملاك للهالات السوداء
مجموعة بودرات لتبيض والصفاء والنظارة انا مسويتها عبارة عن نشا وسدر وحليب بودر وحنا بيضاء وشوفان وقشر برتقال ومكعب مسك من عبدالصمد القرشي اخذ منها اللي يكفيني واصب عليها ماي ورد واحطها ع جسمي لين تنشف وافرك فيها جسمي
لوشن فتامين سي بعد السبوح اذا بطلع
علبة كريم كاب هذي خلطة كرستين للتبييض وتوحيد لون الجسم
وكريم زبدة الكاكاو اذا مستعجلة بروح مكان احطه

مقشري السريع
وعندي خلطة صابونية و خلطة مقشر ماصورتهم استخدمهم يومياً او خمس مرات في الاسبوع

مجموعة مزيلات العرق اللي مرتاحة عليهم
شي يومي وشي حق المناسبات اخس ههههههههه


واخر شي هو

بودرة الكولاجين الامريكية من التاجرة Killer^Girl راح اشربها يومياً قبل النوم


ووووووووووووووبس هذا اللي اتذكرة حالياً



وانا مواعدة نفسي اذا التزمت الشهر هذا بكل شي وخلصت اغراضي اشتري بوكس لالئ من التاجرة العسل جراس


وربي يتمم لنا ع خير

 

[Grass]

تتهنون ان شاءالله احلى النتايج

 

[ظبية بوظبي]

الي بيشربون الكولاجين ... يخبرونا عن نتايجها اول باول
وانا اشوف اموور ابغا اعلق عليها بس اقول ليش عشان ينحذف حاله حاله اول رد حطيته

المهم
انا اعرف يابانيه وفالاربعينات من عمرها لها قناه عاليوتوب تسوي فيديوهات عن الثقافيه اليابانيه ولها صفحه عالفيس
سالتها عن بودره الكولاجين
قالت ما اعرفها ولا استخدم مثل هالامور
قلت لها عن حلقه اوبرا وان النساء فاليابابان يشربون وياكلون الكولاجين ... ولا ردت
وانتوا طرتوا عليها من بعد ما شهرتها اوبرا

رويتها هالصوره




******

كويتيه سبشل اخر جزئيه حبيتها كثيرررر ^_^

 

[ديور اديكت]

ظبية

اذا اليابانية ماتعرف بودرة الكولاجين مو معناتها انها موزينة
انا كتبت تجربتي في البودرة في تجارب البنات مع التاجرة Killer^Girl شوفيها

 

[* Miss Moony*]

بعض ادواتي