جمال الحربي ....

[سرقت النوم]

قوه بنات ...


آبي عنوان الدكتور جمال الحربي ضروري........ضروووري بليييز

 

[روج كرزي]

هلا حبيبتي ...انا أعرف رقمه تقدرين تتصلين عليه وتاخذين العنوان منه رقمه \ 2620210
بس انتي شايفه شغله لأني انا بعد بتفخ ؟

 

[الدنيا بخير]

حولي
قطعه 1
شارع المعتصم
تقاطع الدائري الثالث مع شارع القاهره
تليفون 2650303


واذا تحبين اوصفلك غالية والطلب همبة
شفتي لما تجين من الشارع اللي تكون القادسية على يسارك وحولي على يمينك ؟؟كملي سيدا وتعدي مجمع بلازا حولي وهم كملي سيدا راح تجيك اشاره اخذي فرعي يمين راح تشوفين عماره على الزاوية عليها هلال اسمها مركز العيادات التخصصيه اهو عيادته تحصلينها بالدور الخامس بس لازم تاخذين موعد بالتليفون قبل ماتروحين

 

[سرقت النوم]

هلا و غلا فيكم و ماقصرتو يا بعد قلبي ....

بالنسبه لسؤالي آنا لا بتفخ و لا شي ...
بس بنت جيرانا .. سوت حادث إسم الله علينا و عليكم.. و وايد تأثر خشمها ...

و إهي بنت ناس على قد حالهم ...

و إتفقنا إحنا حريم و بنات الفريج إن نقط قطيه و نوديها أحسن دكتور بالكويت للتجميل ..
صراحه ... إهي عرسها بعد شهر و زوجها بره .. ف بنعدل خشمها إاللي إندمر ...
بنات ...

إدعولها .. إهي وحيدة أميتها ... و ناس على باب الله ...


و الله يابنات ... إنها ملكة جمال .. بس خشمها راح فيها مسكينه ...


جزاكم الله خير ... و ما قصرتو ...

ترا الدنيا ماتسوا ... لحظة تشوفون مصايب غيركم ..

 

[لوزوجوز]

ما شاء الله عليكم
والله حسسستيني ان الدنيا بخير للحين

الله يجزاكم خير

 

[أم منصور]

حبيبتي اذا محتاجين شي للعملية مو مقصرة وياج راسليني عالخاص وبالنسبة للدكتور اذا فيه ظرف انساني ماراح يقصر وياج واقري قصة الدنيا بخير خانت حيلي تعور القلب بس بعد التعديل :23_asmilies-com:

 

[أم منصور]

حولي
قطعه 1
شارع المعتصم
تقاطع الدائري الثالث مع شارع القاهره
تليفون 2650303


واذا تحبين اوصفلك غالية والطلب همبة
شفتي لما تجين من الشارع اللي تكون القادسية على يسارك وحولي على يمينك ؟؟كملي سيدا وتعدي مجمع بلازا حولي وهم كملي سيدا راح تجيك اشاره اخذي فرعي يمين راح تشوفين عماره على الزاوية عليها هلال اسمها مركز العيادات التخصصيه اهو عيادته تحصلينها بالدور الخامس بس لازم تاخذين موعد بالتليفون قبل ماتروحين

غالية وجنها قرشة همبة آنا كاتبة والله اول اقريها عدل خخخخخخخخخخخخخخخخخ ضحكتيني من زمان ماضحكت عالنت .

 

[سرقت النوم]

هلا و الله أم منصور ...

بالنسبه لنا .. إحنا كنا مجهزين لعرسها يعني كل وحده بتعطيها عانيه للعرس تعرفون سوالف الحريم .. ف سبحان الله لما صار لها الحادث ... قلت لأمي دقي على الفريج كله .. و قوليلهم إذا في وحده ناويه تعطي عانيه نبي نجمعهم كلهم مع بعض .. و اللي بتشتري هديه لا تشتري خل تحط المبلغ اللي ناويه عليه بالقطيه ..
أعتقد إن ويه البنت أولى من الخلاقين و السوالف اللي مالها معنى ...

و مدام زوجها ما شافها ... و الحادث توه ما صارله ثلاث أيام خل نسويلها بسرعه ترميم لخشمها ..

و إهي مسكينه كل مهرها على تجهيز لعرسها .... أول 3 .. العرس ...

يابنات ...

الدنيا بخير و الله العظيم بخير مدام في ناس تذكر الله و تراعيه بكل شي...


بس أبي اعرف أي وحده سوت عنده ... إشلون طريقته و بكم تكون العمليه و بأي مستشفى ...

و إشلون عالمواعيد لأن البنت قرب عرسها يمدينا... والله آنا قلت أسأل خواتي بالمنتدى وإهم أكيد راح يعاونوني ... و الله الشاهد إن الموضوع إنساااااني


الله يرزقنا على قد نيتنا..

 

[أم منصور]

ماله داعي تسالين روحي على مسئوليتي ونتي مغمضة وقوليله من طرف ام منصور وهو مايقصر وياج بدون ماتقولين هذا طبيب العايله ، وفي مشاركات كثيرة الكل يمدح شغله لا حد يقولج روحي حق هذا وهذا كل الي ما صدقو كلامنا تحسفو ماراحو حق الحربي وفديتك يابعد حي :nbvppw:

وانشالله يمديكم صج عنده زحمة بس في اولويات للي عنده ظروف لاتاخرين عمرج عالسبت روحي

 

[حبيبته آنا]

الف الحمد لله على سلامتها وماقصرتو بوقفتكم معاها
روحي للدكتور جمال وهو انشالله ماراح يقصر واصلا من يشوفها جذي راح يساعدها اهو وايد يحب يساعد

 

[حبيبته آنا]

ام منصور ياقلبي مسحي شوي من الرسايل اللي عندج ابي ادزلج رد على رسالتج وموقادره لان عندج المخزون فل

 

[elygant]

allah ykon b3onha o yshfyha anshallh bas 3amlyt al5ashm a6awl 3la matshfa l2nh ytm zarag ta7t 3ynha o al shash y'9l 3la 5ashmha fatra y3ni 3amlyh klsh mo sahla o matshof shar anshallh

 

[أم منصور]

allah ykon b3onha o yshfyha anshallh bas 3amlyt al5ashm a6awl 3la matshfa l2nh ytm zarag ta7t 3ynha o al shash y'9l 3la 5ashmha fatra y3ni 3amlyh klsh mo sahla o matshof shar anshallh

نفسي أعرف انتي بتقولي ايه

 

[qa6wa_q8]

الله يجزاكم خير

 

[أم منصور]

سرقت النوم


شصار وياج راحت العروس للحربي :ada:


وشقالها انشالله امرها سهل


طمنينا عليها متى بتسوي العملية :tomato2:


عطينا تفاصيل الي بيصير ولا تحاتونها انشالله عنده بتطلع قمر :ggdw:

 

[سرقت النوم]

قوه بنات ...

عقب ما جمعنا الفلوس و رحنا خذينا موعد و حالتنا حاله ..
العروس تقول خايفه من الله و إن يكون في تغيير بخلقة الله ..


وحده تشتغل بالأوقاف ما أدري شلون سألت المهم قالو لها إن يجوز تسوي هالعمليه لأنها تعرضت لحادث بشع مو عن قصد ..

و عقب ما قلنالها قالت لازم زوج المستقبل يعرف باللي صارلي و يوافق على هالشي ...

و دقت عليه و الإسبوع الجاي بيجي الكويت ...


و إنتظرونا الإسبوع القادم أعطيكم شصار

 

[Blue Dreems]

اول شي الحمدالله على سلامتها والله يشافيها ويسهل لها امورها يارب
ثاني شي اهنيكم على هالبنت العقلانيه واللي تعمل حساب لربها قبل كل شي
ثالث شي اتمنى ان زوج المستقبل يكون عقلاني ويشجعها على العمليه بدل ما يحبطها
اما بالنسبه للدكتور جدا ممتاز انا كنت سائله من قبل عن احسن الدكاتره اللي بالكويت لمثل هالعمليه فتوصلت ان هالدكتور ودكتور ثاني اسمه اسماعيل ندى بدار الشفى يعني توكلو على الله
اما ما بعد العمليه ففترة الجبس اللي يتركب على الخشم مو اقل من 15 يوم وبعد العمليه حوالين العين يصير ازرق مايل للبنفسجي قوي ياخذله فتره على ما يروح تقريبا شهر شهر وشي يالله يروح بس انا انصحكم اذا الله كتب وسوت العمليه اشترولها من الصيدليه هذا الكريم Hirudoid موجود بكل الصيدليات
هذا لكريم راح يساعد ان يروح الزراق بسرعه يعني تحطه طول ما هي قاعده بس مايصير تحطه وتتعرض للشمس
ممكن يستخدمونه للكدمات انا مجربته بس للاسف مااستخدمته الا بعد العمليه باسبوعين لان ماكن اعرف عنه
اخيرا اقول الله يشفيها ويوفقها وسخرلها هالريل وانتو بعد الله يجزاكم خير واللهم اجعله في ميزان حسناتكم
وطمنينا عليها

 

[سرقت النوم]

الله يسلمكم كلكم ما قصرتو يا حياتي و الله إنتو ... أصلا آنا أثق بكل كلمه تكتبونها لأني أدري إن مصدرها قلب طاهر و نظيف ما يبي إلا الخير ...

الله يوفق كل وحده ردت علي و اللي بعد ما ردو بس طلو ما يقصرون بعد و جزاهم الله خير إذا دعو لعروستنا ..

و أبشركم المعرس طلع متفهم .. و قالها توكلي على الله و أجل العرس لي آخر شهر 4 ..

الله يوفقهم ..
أصلا وايد كبرت بعينه و بقلبه .. و قالها آنا بتكفل بمصاريف العمليه .. و المبلغ اللي جمعناه قالها هاذا هدية أهلج و رفيجاتج ... و إنتي مسؤوليتي ..

والله البنت طايره من الفرحه ما تصورت إن زوجها بيكون متفهم ...

على فكره إهي ما سوت حفلة ملجه ولا شي يعني شايفها من بعيد لي بعيد و إهي شافته بصوره بس يحاجيها عالتلفون ..
عجبني باللي صار كله موقف هالرجل ... قالها كلمه وايد أثرت فيني ..

قالها لو سوينا العرس و طلعنا من الصاله و بالطريج صارلنا حادث لاسمح الله تهقين بخليج و أمشي ... إنتي زوجتي و مسؤوليتي و من الواجب إني أتكفل بعلاجج و كل شي ...

والله تأثرت حيل .. و دعيتلها من كل قلبي .. و إهو سوا عشا صغيرون حق حريم الفريج ووصا أمه و خواته إنهم يبلغونا سلامه والله ما قصر ولد الحلال .. الله يوفقه دنيا و آخره ...

و بالنسبه للعمليه إهو راح معاها .. بس ما أدري أي دكتور و شصار عليهم لأن ما أبي أحشر نفسي بين زوج و زوجته ...

الله يوفقكم و يوفقنا و يستر علينا و و عليكم ..

 

[2011*]

رد : جمال الحربي ....

يااااااااااااقلبي والله
وربي تأثرت
ألف ألف الحمممممممدلله
الله يجزاكم ويجزاه الف خير
و الله يسسعدها ويوفقها ويوفق كل الناس ويسعدكم ياااارب

 

[2011*]

رد : جمال الحربي ....

يااااااااااااقلبي والله
وربي تأثرت
ألف ألف الحمممممممدلله
الله يجزاكم ويجزاه الف خير
و الله يسسعدها ويوفقها ويوفق كل الناس ويسعدكم ياااارب