جم حطيتو ميزانيه للذهب

[الغنج والدلع]

بنات واضح العنوان جم حطيتو ميزانيه للذهب اللي توهم جهزوا

 

[شموخ الجبال]

الفين لول


مهري راح ع خرابيط وتحسفت

 

[مس كارولينا]

انا تقريبا اربع الآف شريت ذهب

 

[محبة الزهور]

ع حسب المهر
مهري ٥٠٠٠ وحطيت ذهب ١٦٥٠
ويادوب الباقي كيفي اغراضي

 

[بريانكا تشوبرا]

3000 للذهب

 

[^لغموضي معاني^]

3000 للذهب

 

[@ DLOO3TAH@]

2000 للذهب

 

[Q8 dreamer]

تبين نصيحة ؟
لا تحطين وايد

اخذي شبكة نااااعمة و دبلة و بس

اولا لان الذهب غالي اذا بتاخذين وايد سوالف راح تضيعين اكثر من نص مهرج
ثانيا الحين مو موضة الذهب
صج كشخة و رزة بس بسرعة راح تملين منه
تقدرين تاخذ سوالف الفضة او الذهب المطلي حق الكشخة من سلفراما و ربعة اذا بخاطرج

 

[لجل عينكـ]

انا ما بديت بالتجهييز العدل بس حاطه 2000للذهب والله يستر لا اخليهم بس1000لان رايي نفس q8 dreamerالحين مو موضه الذهب اهم شي كشختج بازيائج واكسسواراتج الماركه لان هاذي الي صايرين يدققون فيها المااااااااركه اكثر من الذهب..

 

[إم بــــرٍآك]

ع حسب مهرج وحبج للذهب

 

[الغنج والدلع]

اي بس الذهب اهوا الشيء الوحيد اللي موخساره الفلوس فيه صراحه والباجي احس خرابيط مدري احترت

 

[~~مس خوخه~~]

2000


اما اذا ارتفع الذهب ما راح اشتري


​

 

[white**angel]

الذهب عندي حتى لو ماتلبسينه ذخر لج هذي كلمة امييي
كنت حاطه ب 5000 امي مااااارضت وزادتني من عندها 2000 وقالتلي اشتري فيهم لا تلبسينهم خشيهم عالاقل
يعني تقريبا حطيت 7000
اما اللي ماعندهااا ومهرها مايكفيها نصيحه حطي لو شويه تشترينلج فيهم طقهم ناااااااااااااعم

 

[&موناليزا&]

عزيزتي رفع لعيووووووووونج

 

[FDET NFSY]

ااااااااااب

 

[قطعة حلا2]

انا نص مهري ٣٠٠٠ ليش اكثر ملابس وباجر باحمل والملابس بتجدد فصراحه فضلت الذهب

 

[عز الخويه]

امي صراحه شارت علي اربعه الاف للذهب بس انا قلت 3يكفي لان ماحب البسه تقول خشيه للزمن

 

[عز الخويه]

اب عجبني المووضوع الا صج جم صار جرام الذهب

 

[صمـ الـوداع ــت]

انا مهري 6000 وراعي النصيفه سالم شريت بـ 3000 والذهب غالي شريت شبكة وحده وطقم ثاني ناعم بس كللفي 1000
نصيحة اول شى اشتروو الذهب والا الخرابيط الباقيه تقدرين تدبرينهاا​

 

[طالبة1990]

مادري احس اللي مهرها 6 ماكو مجال تشتري ذهب

والذهب صج ماينلبس


وفكرة ان الذهب يتم ذخر لها حيل قديمة

هذاك قبل لما كان الذهب والمهر راس مال الوحدة

بس الحين الحمدلله كل وحدة عندها معاشها ومو بحاجة مهر يكون لها ذخر

ولا بالذمة ذهب ب3 شبيفيدها فيه عقب

لان اغلب الذهب فصوص تطيح سعره بعدالبيع



انا اشوف اللي مهرها 6 او بهالحدود

تكتفي بساعة ماركة طقة رولكس او اوميغا موديل كلاسيك

وسوارة او خاتم مع قلب الماس مع ذهب من الماركات الغالية طقة فان كليف


لان صج هالاشياء هي اللي تتم معاها ومايطيح سعرها

ورزة وفخامة وهالفترة هي اللي تقدر تاخذها

لان ماعندها التزامات مالية حاليا

اما اللبس والخلاجين صح معاكم ماله داعي تكثر

بس مو معناته ماتشتري كللش


هذي وجهة نظري

وبالنهاية كل عروس وكل مجتمع له نظرة غير