جم لازم يكون وزني عشان اسوي التكميم؟؟

[om MaRyooM]

السلام



بنات اللي اعرفه ان لازم اكون فوق وزن معين او البدي ماس body mass تكون بنسبة معينة عشان يسوولي التكميم

وهالحجي للحكومة .. والخاص يقولون عادي يسوونها لأي احد صج؟؟


انا ودي بعد ولادتي بست شهور اسويها . . بس انا مو متينة حيل

ومابي اتعنى واروح اخرتها يقولي مايصير


بليز اللي عندها خبرة تقولي واللي يعافيكم:eh_s(17):

 

[krkosha]

حبيبتي على حسب كتله الجسم

شوفي تضربين طولج بنفسه وتقسمينه على وزنج


بس اذا وزنج 80 وفوق يسوونلج

 

[krkosha]

شوفي انا وزني 80 وطولي 162 و اوكي يسوونها لي بس ناطره اتوظف باذن الله

انتي لي ربج سهل عليج وولدت بالسلامه نشالله عقب 3 اشهر يسووونلج التكميم

بس ما اوصيج شدي حيلج بالعصيده والمرقوق ههههه

 

[om MaRyooM]

كركووشة

مشكورة

اي انا وزني فووق 80 بس طويلة قولو مشالله لوول طولي فوق170

 

[الحسن الرقيق]

امم مريووم انتي مو متينه يعني شويه رجييم يصيرر جسمج مضبووظ ..
لالالا تسوين عمليه الحين صاروا يخوفوون .
واذا عالوزن انا سمعت انه فووق ال 100 يسووون العمليه

 

[krkosha]

والله نصيحه من اخت سويها وانتي مغمضه والله لو يرجع فيني الزمن اسويها وما ارد على اكبر شنب لوووووووول

بس حسافه ضيعت من عمري سنتين بالرجيم والنوادي وشركات التغذيه وقطيت فلوس مالها اول ولا تالي ولا وصلت للوزن اللي ابيه ولا بعد فوق هذا يوم اشتط الاراده توب ويوم اكل الخضر واليابس

وانا ما اقولج الا وانا شايفه النتايج على رفيجاتي واهلي ياحلو الرشاقه بس

 

[krkosha]

اقولج شي عشان اشجعج

شوفي انا وزني قبل 115 اوكي صارلي سنتين اسوي رجيم واحباط وحالتي حاله بخلال هالسنتين صار وزني 75
ووحده من اهلي وزنها 120 بخلال 9 شهور صار وزنها الحين بالستينات اذا مو اقل الله يتمم عليها

ولا فوق هذا مجبوره ماتقدرين تاكلين يعني غصبن عليج تضعفين

 

[krkosha]

ووحده من اهلي وزنها 120 بخلال 9 شهور صار وزنها الحين بالستينات اذا مو اقل الله يتمم عليها

(سوت تكميم)

 

[om MaRyooM]

مشالله

شجعتيني

بس مادري اذا يصير على وزني ولا لأ ..
انا ودي اروح للحكومة .. لأن بالخاص واايد بتكلف


انتي عند منو سويتيها

 

[krkosha]

حياتي الحكومه ما يسوون الا اوزان اللي فوق 100
انتي اذا مو وايد متنيه روحي عند دكتور احمد الشرهان بالشعب التخصصي انا رحتله قبل رمضان قالي رفعي وزنج لي 85 وتعالي اسويلج العمليه

وترا يسويها ب 2500 وهم عندج دكتور بالراشد سمعت يسويها ب 2400 اتوقع اذا ما خاب ضني

 

[krkosha]

نشالله لما ادشين شهرج قطي نغزه لحد اييلج هدايا اللي يبي يعطيج هديه خل يعطيج فلوس بدالها وايد احسن عالاقل ينفعونج

واخذي 1000 فيزا و1000 دشي جمعيه شراااايج فيني وانا اضبطج

 

[بتبوتااا]

على حسب كتلج حوبي

توه ريلي مسويهاعند احمد الشرهان وكلفنه ٢٨٠٠ مع التحاليل ودكتور البنج

 

[بتبوتااا]

حوبي ٦ شهور تقدرين تيمعين فيهم او انج تروحين من الحين تحجزين موعد بالحكومه

 

[om MaRyooM]

كركوشة

بعد عمري افكارج والله جهنمية لووول





بتبوتا
حمدلله على سلااامته
المشكلة بالحكومة ياخذون الاوزان اللي فوق 100مادري هذا اللي سمعته

ومشكوورة

 

[krkosha]

حوبي ٦ شهور تقدرين تيمعين فيهم او انج تروحين من الحين تحجزين موعد بالحكومه

حياتي بتبوتا الحكومه وايد لويه

لازم وزنج وايد مرتفع

والمواعيد متاخره الله يسامحهم

ريلي كان يبي يسويها بالحكومه ورفيجه دكتورر جراحه بنفس المستشفى توسطله ويالله الموعد عقب سنه فمايسوى النطره


الا اذا الواسطه قوووووويه اوكي يمكن يزرقونج ويحطولج موعد

وانا هم جربت اروح مبارك عشان احط موعد تخيلي حطيت موعد عشان الدكتور بس يشوفني الموعد عقب شهر ونص شدعوه عيل متى العمليه :eh_s(4)::eh_s(4):

 

[انامل كويتيه]

حبيبتي انتي مو وااايد متينه شلج بالتكميم يقصون المعده لييييش؟
اقص عضو من اعضاء جسمي اللي الله وهبها لي اختي انا مو عن اقول حرام والا حلال لا تفهمين قصدي جذي
بس احس هالشي اختيار الناس اللي كلش ما عندهم اراده وعزيمه
حتى رسولنا عليه الصلاة والسلام قال ثلث لطعامك وثلث لشرابك وثلث لنفسك
اعرف وحده سوت تكميم ضعفت حييييل ويهها كلللش موووحلو جنها عيوز لا تقولين اتفخ لي متي بتتفخين
ووحده ثانيه تقول لو يردني الزمن ما اسويها والسبب انها تقول اشوف الاكل جدامي ما اقدر اكل والاحساس متعب نفسيتها
غير اللي سووها وشوفي شصار بشعورهم طاااااحت صارواا قرعان
رفيج اخوي مسويها والله العظيم يقول حتي بالسفر جيس الفيتامينات معاه من مكان لي مكان
وبعدين بالنسبه للي يقولها الدكتور صيري 85 واسويلج اياها عما بعينه ما يعرف يقولها ضعفي لانها مو متينه حرااام
صدقيني هالعمليه صارت استغلاااال فلوس الحين ما في دكتور ينصح وفي بعضهم اذا موكلهم سووها ما يقدرون يتنفسون
وانتي تقولين الحكومه ما يرضون والله زين يسوون عالاقل ما يقصون على خلق الله
وعالعموم هذا اختيارج انا حبيت اكتب رايي ولج حرية الاختيار

 

[om MaRyooM]

انامل

كلامج عدل والله

مشكورة

 

[miss-one]

اذا طولج 170 وزنج 80
يقضبونج الباب ما يسون لج


اقل شي علي طولج يكون وزنج 100

 

[انامل كويتيه]

انامل

كلامج عدل والله

مشكورة

عندج مواضيع حلوه بقسم الرجيم او التغذيه خلج جذي :rerrerek:ولا تفكرين بالعمليه :eh_s(7):

 

[بنفســـــج]

إذا وزنج مو كبير ماله داعي عمليات , تخفيف ورياضة بعد الولادة

العمليات للإضطرار والأوزان الكبيرة مثلنا