جم ولادة مستشفى السلام ؟

[Rinoa]

السلام عليكم ورحمة الله وبركاته

شلونكم كويتيات ؟
والاهم كروشات التاسع ؟

بغيت أعرف جم سعر الولاده بمستشفى السلام الدولي ؟ وشلون الولاده عندهم نفس مستوى دار الشفاء ؟
ولازم أكون مراجعه عندهم من قبل وفاتحه ملف ولا أروح لا حسيت بطلق ويدخلوني عادي ؟

وجم فتح الملف والسونار ومنو عندهم دكتورات غير نجمه ؟

أنا بجر فيدوني ترى مدري وين الله قاطني بسوالف المستشفيات الخاصه :bbbiu:

وإن شاء الله أكمل شهر رمضان و أولد ليلة العيد < مالها خلق تعيد خخخ

 

[Rinoa]

up up up

 

[elpinkya]

وانا ابي اعرف بعد !!

واذا تعرفون عن مستشفي الراشد؟؟

 

[(أم نونو)]

ان شالله تولدين بالعيد ويصير عيدج عيدين

مستشفى السلام احسه اهدى بواجد منه دار الشفا احسه لويه وزحمه وبعدين كعنايه حلوه عنايتهم واسعارهم على حسب الغرف اللي تبينها

الافضل انج تروحين لهم مراجعه وفتح ملف وتفرين على الغرف تشوفينهم واهم بيعطونج السعر باتفصيل

والله يهون عليج ان شالله

 

[Mi$sLe$s]

حبيبتي المستشفى عجيب وفيه غرف كثيييييره وبمستويات واسعار مختلفه
الاحسن انج تروحين وتسألينهم وتشوفين الغرف انا رحت وحتى غرفه الولاده خلوني اشوفها
ويعطونج ورقه بالاسعار بس ورقتهم كاتبين سعر الغرفه بالليله الوحده انتي تحسبينها يعني
عندهم غرف عمومي وعادي وفي اي بي وديلوكس والسلام واللؤلؤه واجنحه دسمان
وكل وحده تختلف بالشكل والسعر والسعه والاثاث انا احس ان المستشفى حلو بس
دكتورتي من بره وما ولدت فيه
الله يوفقج وادعيلي بالسهاله باقي على موعد ولادتي ٥ ايام

 

[Rinoa]

مشكوريين بنات ما قصرتوا
شكلي لازم اروح واسأل عن الاسعار
الله يهون علي وعليكم ونفرح بالضنا السليم المعافى يا رب ^_^

 

[عبث طفله]

المستشفى يهبل ما يحتاج امدحه


بدور لج الاسعار وبحطها لج

 

[رتبه دبلوماسيه]

اب اب

 

[Rinoa]

اب اب اب

 

[ابلة غزالة]

انا ولدت فيه قبل ثلاث سنين ماشالله روعه المستشفى
بس الاسعار ما اذكرهاو يمكن تغيرت
دكتورتي نزهت مستواها عالي و زينه

بنت خالتي ادخلت عندهم طوارئ ولاده و لدتها دكتوره من شفت الطوارئ وتقول بنت خالتي كانت ولادتها حيل حلوه و اسهل من ولاداتها في الهادي لانها كانت طول حمالها اتراجع بالهادي بس سبحان الله على اخر لحظه راحت و اولدت بالسلام

عسا الله يهون عليج و يقومج بالسلامه

 

[الرباب]

السلام عليكم

حتى أنا ودي أعرف الأسعار لأن شكلي بولد عندهم..
ودي اعرف سعر الغرفة العادية الخاصة ومشكورين..

 

[zntoosha]

حبووبه يمدحوون عنايتهم وايد
وبالنسبه لللاسعار تلاقينهمبالمواضيع المثبته بالتفصيل
ويفضل تروحين بنفسج تشوفين الغرف عالطبيعه تنقين منهم الي يناسبج

 

[yasmeen_q8]

انا نزلت موضوع من قبل عن اسعارهم لو اعرف شلون انزلج الورقه من تلفوني جان نزلت

 

[c a t w o m a n]

همستشفى السلام ولدت فيه رعايته وايد حلوه

هذا موضوع عن أسعارهم وأسعار الغرف ايللي فيه

الله يتمم ويسهل عليج وعلى كل حامل يا رب

http://www.q8yat.com/t729306.html

 

[Rinoa]

zntoosha

بروح لهم اليوم مع زوجي واستفسر إن شاء الله..

yasmeen_q8

جربي تنقلينها بالبلوتوث إذا كومبيوترج فيه..

c a t w o m a n

يا عمري مشكووره بس هالاسعار قبل سنه اخاف تغيروا شكلي لازم اروح عشان اتطمن,,

يعطيكم العافيه بنات ,

 

[yasmeen_q8]

المشكله تلفوني اي فون ما فيه بلوتوث خليني اجرب احول الصور نفس الكمبيوتر

 

[Mi$sLe$s]

اي حبيبتي زين تسوين روحي عشان تشوفين الغرف لان عندهم تنوع ما يفيد الا انج تشوفين بعينج عشان تقررين كلمي الرسبشن يبلغونج بارقام الغرف الفاضيه وروحي شوفيهم والله يوفقج

 

[yasmeen_q8]

http://www.q8yat.com/t898379.html
هذا موضوعي والاسعار يديده هالسنه وتنطبق على كل دكاترة مستشفى السلام اليديد واذا دكتورتج تابعه للسلام بس عندها عياده خارجيه تنقصين سعر الولاده وتشوفين جم دكتورتج تولد ونفس الشي بالنسبه لدكاترة العيادات الخاصه الثانيين

 

[ToTa 1990]

حبوبه انا والده فيه قبل اقل من شهر

كلمه رووعه شويه عليهم عنايه ونظافه

وانا ماخذه جناح دسمان 3 شوفي موضوع صور استقبالي