جنيني ماااااات معقووله !!

[You FOR Me Only]

بنات اليوم كان موعدي وكنت حدي متشوقه اشوف البيبي المفروض اكون بالاسبوع 11 الا انصدم ان الدكتوره تقول االجنين مات وحجمه وايد قليل طوله 1.6 والمفروض يكون 3 ونص سم اسلوبها كان حده يبط الجبد انا توني بجر وحالتي حاله تصرخ مات مات وروخي المستشفى اخذي حبوب خل ينزل وامشي وايد خل يطيح !! ماله داعي هالدفاشه. يوم رحت المستشفى يقولون على اي اساس تقول جي وممكن حسبتها غلط للعلم ان الجنين هي تقول طوله ب 8 اسابيع يعني صار له كم اسبوع في بطني وتجيني لوعه ومانزل عاي دم ومافيني الم واللي اعرفه لو الجنسن مات يرفضه الرحم

المستشفى قالو تعالي باجر لاان الاخصائين كان عندهم عمليات وانا حالتي اوكي قالو لس تعالي باجر وبنسوي لج سونار وبنشوف
تخيلو متصله الدكتوره بكل وقاحه تقول لامي ها قالو لكم مافي قلب شنو. هاي ماتحس



ابليززز ادعو ان الجنين يكون حي حالتي حاله مو مصطقه هالشي منو صاؤر لها نفس حالتي :eh_s(2):

 

[أبكاني ذنبي]

امبييييييييه خرعتيني بس قريت العنوان تجمدت مكاني


ماعليج منهم والله يا بعضهم ماعنده لا ذمه ولا ضمير واليوم طيحي على سجادتج وادعي ربج


انه قادر على كل شي يغير الامور كلها بلمح البصر


وعسى ربي يبلغج اياه وتشوفينه بصحتج وسلامتج وبصحته وعافيته يااارب


وعسى ربي لا يحرمج الذريه يااااارب

 

[أم ملاس]

الله يطمنج روحي لدكاتره شطار. .وراح يهتمون حتي انهم مرات ياخذون سونار داخلي اذا بتأكدون انه فيه نبض

كثري اﻷستغفار حبيبتي وماكو الا العافيه ان شاء الله

 

[حبيبي مالكني]

الله يهون عليج
روحي حق دكتور شاطر وروحي حق اكثر من واحد لا تهدين عمرج جذيه
والله يستر

 

[كريستال]

ذكرتيني

الحمدلله على كل حال صار لي نفسج ونفس الاسبوع ومثلج ماكنت مصدقه وسويت كم مره التراساوند


وايد صعب كنت حزينه وادور اي امل واصلي وادعي ربي يكون حي

الحمدلله بعد ها الله رزقني باغلى بنت وعوضني له الحمد والشكر بعيالي الله يحفظهم
عيوني تدمع وانا اكتب الله يصبرج ويعوضج واذا حي تشوفينه بعيونج

 

[زين ودلال]

الله يطمن قلبج يااارب

 

[sharoo_e5]

لا حول ولا قوة الا بالله

حبيبتى انتظرى اسبوع وروحى لطبيب تانى


وقولى الحمد لله انه ما اكتمل لانه يمكن يكون مشوه وهذا من فضل الله علينا

انا صرت معايا اكثر من مرة

 

[ناتشوو]

الحمدلله ع اي حال
الله يقدر لج الخيرة من امرج
لا تتضايقين مهما كانت النتيجة


عشت نفس تجربتج
كان اول حمل لي
وفعلا الدكتورة ماكو احساس
بس مو نفس دكتورتج عاد
بس غريبة ليش داقه ع امج
مهتمة حيل فيج ولا شنو سالفتها؟

ع فكرة في اجهاضات تصير بدون دم ولا عوار
اسمه
الاجهاض المنسي
يعني انا
وقف نموه
وظل مكانه
لا نزل دم
ولا عوار
وسويت عملية تنظيفات
والحمدلله الله عوضني خير وبركة
اللهم لك الحمد

 

[فواصل]

الله يخيب ظنهم ويثبته لج يا رب

كثري من الاستغفار و صلاة الليل

 

[You FOR Me Only]

امبييييييييه خرعتيني بس قريت العنوان تجمدت مكاني


ماعليج منهم والله يا بعضهم ماعنده لا ذمه ولا ضمير واليوم طيحي على سجادتج وادعي ربج


انه قادر على كل شي يغير الامور كلها بلمح البصر


وعسى ربي يبلغج اياه وتشوفينه بصحتج وسلامتج وبصحته وعافيته يااارب


وعسى ربي لا يحرمج الذريه يااااارب

الله يسمع منج

 

[english muffin]

الله يخيب ظنهم ويثبته لج يا رب

 

[بنت الاحلام]

لاااااااااااااااااااااااا فديتج لا تخافين ما عليج منها هذا ما تفهم روحي دكتور ثاني واساليه

الله لا يخرعج وعساه بخير يارب

 

[You FOR Me Only]

ام ملاس

ان شاء الله خير بكثر استغفار وبدعي والله يصبرني

حبيبي مالكني

بشوف باجر والله يعين


كريستال

حبيبتي نفس شعورج قاعده ادور امل وان شاء الله يكون في امل


زين ودلال

الله يسمع منج

شارو

الله يعين


ناتشوو

متصله بكل وقاحه تبي تعرف اذا اللي قالته عدل او لا ماهتمت فيني وانا عندها بتهتم بعدين حسبي له عليها وعلى كل دكتور مثلها
داخله بفلوس وجي كان ممكن تهديني هي من اول ماحطت السونار تصرخ وين الجنين ماكو جنين بعد يوم شافته مات مات والا نموه متوقف
اخبصتنا امي حالتها حاله زين ماصادها شي

فواصل

الله يسمع منج *

 

[You FOR Me Only]

انجلش وبنت الاحلام

الله يسمع منكم وتكون غلطانه

 

[نور دنياه]

لاحول ولا قوه الا بالله

حبيبتي ماعليج منها روحي لدكتوره ثانيه وان شالله مافيج الا العافيه وجنينج يكون بخير

طمنينا عليج باجر

 

[!الجادل الصعب!]

حبيبتي في شي اسمه تحليل حمل هرموني ليش ماسوته لج ؟!
اذا الهرمونات تبع الحمل مرتفعه يعني حمل سليم اذا نازله يعني اجهاض
وكل المستشفيات يسوونه واعرف كذا وحده تسويه لما يشكون بحملهآ

 

[ورده عنابيه]

حبيبتي ماابي اعلقج علي امل وبعدين تنصدمين بس اهم شي احسني الظن بالله ربج دايما يختار الاحسن لعبده يعني اذا ربج ناوي علي ان الجنين يعيش راح يعيش واذا بيموت راح يموت اتكلي علي الله والخيره فيما اختاره الله روحي حق دكتور شاطر وان شاءالله مافي الا العافيه ونصيحه تقبلي النتيجه مهما كانت وقولي الحمدلله انا حاسه فيج ومريت بنفس التجربه والحمدلله ربج رزقني عقبها

 

[نهاير]

الله يثبته لج اذا كان فيه خيررر لج ياااارب
أنا صار فيني جذي بس أنا نزل معاي دم وعوار ببطني وتوكلا علي ربي وقلت أكيد ربي مو كاتبه لي ونزل سبحان الله بدون تنظيفات
لانه كان صغيررر

 

[اشتياق]

روحي دكتور ثاني

وان شاء الله مافيج الا الخير

تعالي طمنيناااا

 

[ضحكه طفل]

الله يطمن قلبج عليه يارب​