جنيني ميت للمره الثالثه شنو اسوي

[Tulips]

رد : جنيني ميت للمره الثالثه شنو اسوي

الله يعوضج ان شاء الله...

انا نفسج صارلي اجهاض مرتين واخر شيء رحت حق دكتور
حسام كمال بدار الشفا اهو متخصص بالاجهاضات المتكررة
حده عجيييب ومحترم ‏...‏ والحمدالله انا الحين بالشهر الثامن

 

[<<لمار>>]

حبوبة لازم تسوين تحاليل اخاف فيج اجسام مضادة وانصحج بالصباح اهما اضمن بهالسوالف تحملى عبالتهم مومشكلة كلة يهون علشان صحتج

 

[ELFAD3Ah]

رد : جنيني ميت للمره الثالثه شنو اسوي

اول شي ميخالف لاتزعلين من زوجج لان حرام تاقبنه ميت ويبي يصير ابو وثاني شي انا سمعت ان ماجده اليتامى زينه حق هالسوالف

 

[فراشة الوادي]

الله يعوضج يارب ويرزقج الذريه الصالحه
وليش زوجج مكبر السالفه كل شي من الله الحمدالله خيره
يارب يرزقج توأم صبيان وروحي راجعي لاتهملين عمرج
انتي مافيج الا العافيه انشاءالله واقري قران ان الله يثبت حملج والاستغفار وانا اختج خليه على طول بلسانج

 

[أماني الورد]

انا من راي البنات

سوي تحليل الاجسام المضادة

 

[Bnt Salwa]

رد : جنيني ميت للمره الثالثه شنو اسوي

روحي للدكتوره خالده المجيبل برويال حياه اهي دكتوره اجنه شااااطره حيل للي مجهظين من قبل. انا رفيجتي مثل حالتج و اهي الحين حامل بالسابع الله يتمم عليها.و يرزقج بالحمل السليم.

 

[eman_8]

الله يرزقج غيره هذي كتبة الله وحبوب الثبيت مالها شغل

و نعم بالله
مشكوره حبيبتي

 

[eman_8]

أول شي بقولج ,اللهم يأجرك في مصيبتك ويخلف لك خيرا منها ,ربي يعوض عليج ان شاء الله بالذريه الصالحه ,حبيبتي لاتروحين لايمين ولا يسار أفضل أخصائيين موجودين بمستشفى الولاده وفي مجموعة تحاليل لازم تسوينها ساعات دمج مع دم زوجك مايتطابقون فتموت الأجنه لي صديقه نفس حالتج والحين بالنفاس لي زرتها بأسألها بالتفصيل عن المراحل العلاجيه اللي سوتها وربي يعوض عليكم ان شاء الله.

هذا انا رحت الصباح و الحين ينطرون ان يطيح بروحه
*عقبها بيحوليني اراجع عند دكتور متخصص يليت تعطيني اسم احد معين في الصباحاراجع عنده الله يسهل

 

[eman_8]

ليش ما تروحين حق عيادة د. فوزية القطان وااايد زينه او حق رشمي الي بالهادي او الدكتور اسامه وااايد زينين

و الله يعوضج بالذرية الصالحة .

اي و الله البنات يمدحونهم *و خاصه اسامه مع اني كنت اتجنب ادش عليه
عساس ان ريال بس شكلي بروح له

 

[eman_8]

الله يعوضج يارب ويرزقج الذريه الصالحه
وليش زوجج مكبر السالفه كل شي من الله الحمدالله خيره
يارب يرزقج توأم صبيان وروحي راجعي لاتهملين عمرج
انتي مافيج الا العافيه انشاءالله واقري قران ان الله يثبت حملج والاستغفار وانا اختج خليه على طول بلسانج

يزاج الله خير يا قلبي

 

[eman_8]

روحي سوي تحاليل بمستشفي الصباح انا كان ععندي اجهاضات والخاص كله ماعرفو ولما سويت تحاليل مافيني شي
\


عالجت بالقران وسورة البقره حملت وعالجيت عند عادل مرسي روعه بالمواساة صارلي معاه 4سنوات


طبعا ادري نفسيتج اكس وخاصة اذا رحتي الصباح قسم الوارثه بتشوووفين خلق الله والحالات تعور القلب بس اقري البقره كامله يوميا عن تجربه




يارب يرزقج الذريه

اي و الله ودي اعالج بالقران بس اشلون يعني كل يوم اقرا البقره و الا شنو
يليت تقولين لي بالتفصيل يزاج الله خير*