جوتي كروشيه على طلب الهاجريه

[miss-fofo]

علويه النفانيف مو باينه غرزهم اذا تبين نسوي نفس الشكل الخارجي اي اقدر بس نفس الغرزه مو مبين عندي

واذا انتي عندج غرزه معينه حطيلي اياها وانا ماراح اقصر

 

[miss-fofo]

تره ببدي بالبلوزه الورديه يبوا خيطكم 100 غرام قطن وابره رقمها 4 او 5

واذا عندج خرز حق فتحه الصدر

انا بسوي على مقاسي لان ما اعرف مقاس كل وحده

انتي سوي سلاسل على عرض خصرج من وره

 

[ㄨعلويه ㄨ]

اوكي مس فوفو نبدء على بركة الله
بس انا حبيت اوريكم بلوزه تهبل علشان اللي تبي افكار

 

[miss-fofo]

شوفوا حبايبي كلشي لازم نحسبه لازم يطلع الحساب صح عشان يطلع كلشي مضبوط

راح نبدي بخلف البلوزه:

64 سلسله

السطر الاول: دبله بالسلسله الثالثه وكل السلاسل يصيرون( 62 دبله)

السطر الثاني: سلسلتين دبلتين يم بعض ** سلسله تركي فتحه وسوي دبله باللي وراها
عيدي من** الى اخر السطر
اخر السطر راح يصيرعندج دبله تركين فتحه وتسوين دبله بالفتحه الاخيره (الفتحات29 )


السطر الثالث _ 23:
سلسلتين , دبله فوق الدبله الي قبل الاخيره , ودبله بالفتحه الاولى ,**سلسله, دبله بالفتحه الي وراها
عيدي من** الفتحات( 29 فتحه)

يالله سووا 23 سطر على ماطلع عندي مشوار وارجع

 

[لولي**]

هلا بنات
عاد داخله اقولكم لو تاجلون البلوزه شوي
عيني مدري شفيها حمررررررررا وتدمع ومااقدر افتحها يادوب قدرت افتح واكتب لكم بس بما انكم بديتوا بحاول اسوي ولو ماقدرت بحفظ الخطوات وبسويها بس تتشافى عيني

علويه البلوزه روووووووووووعه حفظتها عندي بحاول اسويها

مس فوفو البلوزه الخضراء روع واحسها اسهل من البلوزه الوردي
ولو مافي كلافه والبنات موافقين نسويها احسن نشوف رائي شوكلت واذا تبي الوردي خلاص نكمل الوردي وبعدها لخضراء


يارب مااكون غلبتكم اعذروني

 

[ㄨعلويه ㄨ]

سلامتج يا لولي ما تشوفين شر حبيبتي

 

[chocolat]

ماتشوفين شر لولي و الله اذا عاجبتج الخضرا على راحتج و راحت مس فوفو انا معاكم بسوي الي انتو تبونه ان احابه اتعلم اي شي

 

[لولي**]

الشر مايجيكم بنات تسلمون والله
والله عيني للحين وقاعده احط لها بهالقطرات ويارب تخف

اي شي تقررواعليه انتم ومس فوفو انا معكم يابسوي معكم
او بنطر لين تخف عيني

 

[miss-fofo]

حرده الابط:
السطر 24:
سلسله , تسكيره فوق السلسله ,تسكيره فوق الدبله , تسكيره فوق السلسله ,تسكيره فوق الدبله , تسكيره فوق السلسله , تسكيره فوق الدبله , تسكيره فوق السلسله , تسكيره فوق الدبله , سلسلتين ,دبله فوق نفس الدبله , دبله داخل السلسله ,**سلسله , دبله بالفتحه
اعاده من** بس اخر السطر خلي 3 فتحات نفس اول السطر

شفي الصوره هني بدايه السطر 24 اوله تسكيرات



وهني اخر السطر لاحظوا ما كملنا لي اخر شي



السطر 25_ 34:
سلسلتين, دبله فوق الدبله , دبله داخل الفتحه ,**سلسله ,سلسله داخل الفتحه
اعاده من **الى اخر السطر دبلتين فوق الدبلتين(22فتحه)

 

[لولي**]

مس فوفو بحفظ الخطوات عندي وبس تتشافى عيوني بسويها

مشكوووووره ويعطيج الف عافيه

 

[miss-fofo]

الله يشافي عيونج انشالله
الله يعافيج

 

[miss-fofo]

بنات الحين انهوا الشغل قصوا الخيط
وبنفس الخيط ووسووا نفس الي قبل بس 22 سطر

يالله ما في تفاعل ما قي اسئله خل نشوف شغلكم

 

[غزلان]

ماشالله فنانه
تبارك الرحمن

 

[miss-fofo]

ماشالله فنانه
تبارك الرحمن

مشكوره تسلمين

 

[لولي**]

والله اني مقهوره ادخل بقهري

اشوفك تشتغلي وانا اللي طلبتها ومااسوي معك
بس ولله اليوم جربت اشتغل وعيني زادت قطيت الابره ورحت انسدح واريحها

اعذريني والله باذن الله اطبقها

 

[لولي**]

ترا بس ادخل شوي اشوفكم شنو تسون واطلع بسرررعه لانها تزيد مع الاب توب

اعذريني يالغاليه

 

[لولي**]

اي صح جربت اسوي 64 سلسله طلعت صغيره
شكلك يامس فوفو نحيفه هههههههههه شسوي

 

[miss-fofo]

اي انا ضعيفه مختفيه ادعولي امتن

قتلكم زيدوا مثلا 74

ولولي حبيبتي لا تدخلين الا لمن عيونج تطيب

احنا راح نرفع الموضوع ليمن تتشافى عيونج

 

[لولي**]

مس فوفو
والله مو هاين عليه اتعبج عشان جدي احس بالذنب وادخل كل شوي اسير عليكم
على فكره سويت 100 سلسله ههههههههه واحسها صغيره انا مونحيفه ولا متينه جسمي حلو
شلون احلها هذي شوفي انا بفهم بالشكل اللي بتسويه وبسوي على مقاسي شرايج
والحين استأذن عيوني ذبحتني بروح ارتاح
استودعكم الله

 

[chocolat]

مشكوره مس فوفو انا بحاول اسويها و ان شاء الله تضبط انا للحين ماخلصت اللفه عشان اعرضها بس اسم الله عليهم عيالي بس يعطوني فجه اسويها ان شاء الله بسرعه و لولي لالالالالا دشين عشان عيونج و لا تحاتين ان شاء الله ماراح انخلي الموضوع يروح راح تلقينه باول شي عشان ماادورين ومشكورين حبايبي