جيس دهن بفروة راااسي !!

[LuLiTa]

قوة بنااات
اليوم رحت حق طبيب الجلدية و شكيت له على حبوب كباار براسي و احس مكانهم يعورني جنه احد طاقني و كشف على فروة راسي و قالي هذول جيس دهن بالفروة و عاادي ما اتأثر على الشعر بس رااح انشيلها لج و انها تطلع برووحها بدوون سبب :cxxxp:

منو صارلها مثلي ؟؟؟ و صج ما اتأثر ؟؟؟​

 

[فـرفـر]

امبيه


من شنو يااقلبي؟؟

انتى مستعمله شغلااات بشعرج

 

[فـرفـر]

نسيت اقولج جربي الحنه

 

[meskq8]

أول مره أسمع بجيس دهن بالراس

الله يشافيج ويجعله أجر وعافيه

 

[Baby^Bop]

سلامتج حبيبتي ما تشوفين شر ومن رايي انج كل يوم تقرين على نفسج الرقية الشرعيةوبذن الله الي فيج ايروح بدون عملية

 

[شانيل نمبر 5]

تصدقين انا بشعري حبه كبيره يعني كبر 5 فلوس ولونها وردي وداخلها يمكن ماي ودهن؟؟

يمكن نفسج؟؟؟؟؟؟؟؟؟؟

 

[nice-girl]

اسم الله عليج انا سمعت انه من الدهوون اذا حطيتيه ونمتي فيه يصير
وعليج بالمره والله جيدددده حق حبب الراس واتوقع هم حق جيس الدهن

 

[حناينq8]

نفس ما قالت اختنا nice-girl

انا قريت موضوع حق وحده من العضوات تقول ان سببها اذا حطيتي زيت على شعرج ونمتي فيه

وسلامتج يارب

 

[لبيه]

عادي حبيبتي انا طلع فيني كيس كبير بقمة راسي كيس واحد بس صج كبير ورحت الطبيب قالي نفس الشي عادي اذا خليته وقلتله ابي اشيله قال نشيل شعرج ونحلق المكان بس انا رفضت وانحشت وكانت امي تقرا علي كل يوم واغسل بماي مقري والحمدلله راح الاغلب ان سببه عين لان انا الحمدلله شعري طويل وكثيف وجتني هالمشكله بعد فترة عرس اخوي والناس ماتعطي خير بس ترا الحين مافي شي راحوا بدون ماحس فيهم

 

[LuLiTa]

اي انا لما قالي جيس دهن اخترعت و سألته اتشيلونهم بموووس و لا شنو ؟؟ قالي لا راااح اطقج ابرة اتمص الدهن من الحبووب :S

و انا الحمدلله اقري نفسي بس هالحبوب صارلهم يمكن 3 سنين و انا كنت كله اتعايز ارووح الطبيب و ان شالله موعدي 11-9 انشيل الحبوب بس بنااات عفيه ما اتعرفوون احد جرب يشيل الحبوب بالأبر ؟؟

 

[NoWay2know]

ماعندي فكرة
ماتشوفين شر

 

[sondos]

نصييييحه لا تسمعين كلام دكتور واحد .............سالى اكثر وتاكدى من التشخيص


ايام الثانويه كان شعرى لماا تحت ركبتى وايننننننننننن .............(الله يرحمه)


ومن عيووون الاوادم ..........طلعتلى ورمه بقمه راسى ....امى ودتنى مستشفى الفروانيه قسم الجراحه وسوولى اشعه قالى هذى ورمه ولازم نحلق مكانها ونشيلها .............تدرين شنو مت خرعه؟؟


شلون يحلق قمه راسى؟؟وانا شعرى شطوله متى يطلع ويصير معاه؟ولا شلون اغطيه اصلالا؟

وحطلى موعد للعمليه ..........وبعدها بفتره قبل موعد العمليه كنت رايحه للمشارى جلديه وسالته بس من باب التاكيد ........تدرين شقااال؟؟


قالى اى دكتور قالج يحلق ويشيل؟؟شنو جزاار؟؟ اصلا اهو لو فاتح راسج جان ترفعين عليه قضيه.............مافى شى الا جيس دهن وهذا عادى يروح ولو ظل مافيه مشكله ليش تحلقين شعرج؟؟


وكشت بالعمليه ولا سويتها والحين طاف على الكلام 13 سنه والف الحمدالله والشكر مافينى الا العافيه وقصيت شعرى وافتكيييييييت

 

[تمر حنا]

سلامتج ماتشوفين شر

 

[LuLiTa]

الشر ما اييكم حبايبي

 

[soo_soo]

صح الافضل تستشيرين دكتور ثااني وثاالث ورااابع بعد

وانا اذكر من فتره طوووووووووووووووووووويله قولي 6 مادري 7 سنين بنت عمتي كان فيها كيس دهني بـ اسفل راسها يعني قريب من عند رقبتها واذكر كانت تشكى منهااا واضاهر سوت العمليه وافتكت
يمكن ع ايام اول ماافي ابره ع طول عملييه


بس الاحسن تسألين اكثر من دكتور
وبعدها اذا كلهم نفس الكلام استخيريي

بعدين اذا هي مامنها ضرر ولا هي مأذيتك مو ضروري تشيلينهااا اذا ماافيها اضرار اذا قعدت

وارقي نففسك نفس ماقالو بنات حطي مااي مقريي زييت مقررري ؤشسمه سدرر مقري اذا بغيتيي
الله يشاافيييك ان شاءالله

 

[كويتيه وبس]

انه اختي لما راحت المستوصف قالتلها الدكتوره جيس دهن
ولازم عمليه ولما راحت دار الشفا قال هذا التهاب او شي جذي
ولا تحتاجين عمليه وعطاها حبوب لمدة 5 ايام الله يشافيج انتي معاها
وان اشاء الله بسيطه استشيري اكثر من دكتور
وسلامتج ما تشوفين شر​

 

[dr_enshalla]

امممم يمكن قصدج sebaceous cyst اذا هذا فبالجراحه ماعندهم سالفه يدرسونه اياها غيره وشي عادي لا تحاتين
وبعدين اهوا بالجلد يعني مو شي عميق