جيل الستينيات ...وينكم؟؟؟؟

[الغاليه ام احمد]

السلام عليكم يالغاليات وشخباركم

شلونكم مع العيد عساكم من عواده

 

[ام خالد الغلا]

السلام عليكم وينكم يا الغاليات طلو علينا اشدعوه

عطونا ويه

 

[الغاليه ام احمد]

السلام على الغاليات

 

[الغاليه ام احمد]

شخباركم

يلا العيد وخلص يلا ردوا لمواقعكم بالنت

على الاقل دشوا شوي طمنونا عنكم وعن اخباركم

ماكو الا انا وام خالد ندش نفعل الصفحه ونردها للصفحه الاولى

 

[sarah11]

عـــــــــــــــيدكم مباركـ...
هلا بجيل الخبرات ..

 

[sarah11]

هل من أحد هنا ؟

 

[الغاليه ام احمد]

السلام عليكم

ووووووووووووووينكم

هلا وغلا بسارا 11 حياج الله حبيبتي معانا وعساج من عواده

البنات من اول رمضان دخلتهم قلت وان شاء الله يردون هالايام

 

[عصير ليمون]

هلا وغلا بالربع

أن شاء مع الأيام الجايه تتحسن الأمور ونرد مثل ما كنا

بس كل وحده تقول وين راحت

طبعا أول يوم الكل عندنا في البيت العود والجمعه في بيتنا مع خواني وعيالهم وحريمهم ما طلعت عقب ما راحو
طحته نووووووووووم مو طبيعي
ثاني يوم باركت حق اللي نبارك لهم
ثالث يوم المركز العلمي وتعشينا في الأبراج
ثالث يوم على البحر قعده عائليه
وكل عام وأنتو بخير​

 

[الغاليه ام احمد]

هلا وغلا بليموووونه

شلونج يالغاليه وشلون بنتج وعيدج مبارك

هلووووو الحبايب

 

[ام خالد الغلا]

السلام عليكم هلا وغلا بالغاليات ما بغى نتلاقى

حيالله ام احمد وعصير ليمون عيدكم مبارك وتقبل الله طاعتكم

 

[ام حمنو]

السلام عليكم خواتي العزيزات

عساكم من العايدين الفايزين

شلونكم وشخباركم ولهت عليكم

 

[ام حمنو]

فرحة الأعياد بشوفك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزة وصل
وعيدك مبارك عسا الفرحة تجيك
والكواكب دايرة دورة زحل
والقمر طالع بنوره يحتريك

-------

 

[الغاليه ام احمد]

انا اول يوم بالعيد اليمعه ببيت اخوي عند الوالده

رحت لهم الساعه تسع ونص وعلى الساعه 11 رحت مع ريلي والعيال والبنات لبيت حماتي وبيت حمواني

عايدناهم ورديت لبيت اخوي تغدينا وتسدحنا انا وخواتي وعيالنا واحفادنا

وقعدنا عند الوالده للساعه عشر وطلعت مع بناتي للبيت بس مرينا العاب بيان اللي ورا الجمعيه ولعبا اليهال شوي عقب وديناهم

محل العاب يم جمعيتنا شروا العاب وردينا البيت وطرشنا السايق اييب لنا عشا من ماكدونالدز

وثاني يوم طبعا نوم للساعه ثلاث العصر وقبل المغرب راحت دلولتي باليهال لمسرحية عودة شيزبونه

وانا والبنات رحنا نكمل معايدتنا لعمتي وبيت عمي ورحنا لوالده وعقبه رحنا لبيت حمواني لان اول يوم

ما شفنا بعضهم وتعشينا عندهم وما ردينا الا الساعه وحده

ويوم ردينا الا اثيوبيتي تعبانه حيل اهي مسكينه من اول يوم العيد ترجيع وما رضت تروح الطبيب

وثاني يوم الصبح راحت عطوها ابره ودوا ولما رديت بالليل وديتها الطبيب حولها العدان

وهناك خذولها تحليل وحطولها درب

وطبعا انا ناويه اصوم شربت ماي بالمستشفى وامسكت وما ردينا البيت الا الساعه ست الصبح

 

[ام خالد الغلا]

اهلين وسهلين ام حمنو نورتى اخيرا طليتى علينا حياج يا الغاليه

 

[الغاليه ام احمد]

وثاث يوم انا صايمه وعقب ما فطرت رحت للوالده وبناتي خذوا اليهال ودوهم ستي سنتر ولعبوهم وعشوهم

وانا مرني ابو احمد ورحنا لمطعم البلد تعشينا

واليوم اليهال راحوا مع دلوله مسرحية بلاد العجائب وغقب ما خلصوا بنتي الكبيره راحت بيتها واحنا طلعنا مع ابونا ورحنا

المباكيه تعشينا بدلق سهيل وردينا على ال12 ونص

وعلى طول شبكت ادوركم عسى الله لا يفرقنا

 

[الغاليه ام احمد]

هلا وغلا بام خالد وام حمنو هلوووووا الحبايب

تقبل الله طاعتكم وعيدكم مبارك

 

[الغاليه ام احمد]

ووووووين الباقي

وينج فطوووومه وام عبدالله ومشااااوي وميثااااا والحضرميه والعيوووووف وبشووووره

وام ثامر وانا شفتك وووووووو

 

[ام خالد الغلا]

والحين دورى اقول لكم وين رحت بالعيد

اول يوم تجمعنا عند اخوى الكبير عايدنا بعض اخوانى واختى وعقب رجعت البيت ونمت وبالليل زارونا بنات حماتى الله يرحم امهم

ثانى يوم الزواره عند بنت خالتى جمعت العايله كلها خالاتى وخالى وناس داشه وناس طالعه ورجعت البيت على العشر

وثالث يوم فى البيت بس لما صارت تسع بالليل رحت مع بنتى وبنت حماتى 360 وتعشينا اهناك

واليوم لما صليت العصر هم رحت 360 لانى شريت تكرمون حذاء ونسيته بالمطعم ورحت جبته ودخلت جيان شريت اغراض للبيت ورجعت قبل المغرب

وبكره ازواره فى بيت اخوى واليهال حاجزين حق المسرحيه المغرب

 

[الغاليه ام احمد]

عليكم بالعافيه ام خالد يا حلو اللمه

وانا باجر ان شاء الله حاجزين فيلم ب360 انا ودلوله وابوها بس والله مالي خلق السينما بس عشان دلوله

 

[ام خالد الغلا]

ما ادرى وين راحو

والحين اخليج يا الغاليه تصبحين على خير ونتلافى على خير

روحى غيرى جو دام ابوكم معاكم والله يعينكم على الزحمه