حابه تعرفين اكثر عن منتجات ماك .. حياج {{6}}

[ملكة على عرشي]

مشترياتي الأخيرة من لندن وأمريكا
مشترياتي من ماك

ماشاء الله
عليك باالف عافيه
تتهنين فيهمم يارب

 

[Vampira]

الله يعافيج حبيبتي فامبيرا
تصدقيق حتى أفرع ماك هناك كل فرع له كولكشن خاص فيه يعني لقيت سبايس وريبل بفرع وفرع مو يايبهم

اي انا صارت فيني بايطاليا بمنطقه ماكو شي واماكن فيها كل شي الظاهر حسب الاقبال امريكا مشالله مو احنا ولايه مجكنمه من ولاياتهم :d

اي ترا في لاين مو ليتمد صار بيرمننت حتي بالكويت لقيت مره بالفنيوز بس بسرعه يطير انا مايازلي عادي احب قلم شانيل

سبايس وايد لونها حلو عليج بالعافيه وجلوس ريبيل خذيتيه كلمن يمدحه

 

[Sparkle]

:eh_s(7):مشكورة حبيبتي سباركل على المساعده في تحميل الصور

العفو بس للتوضيح ال Feline كان ليمتيد بعدين خلوه بيرمننت هل سنه وتكلمنا عنه قبل أسبوعين انا أحبه حق ثباته وسواده اما أحب smolder يعطي سموكي ايفيكت ويا ال 219

ال Magically cool powders كانوا ليمتيد وخلوهم بيرمننت

حتى شادوات نزلت اب كولكشن Style black قبل سنتين هل سنه ردوها وخلوها بيرمننت حق فتره معينه

 

[ام محمد الافدع]

انا عندي شدوو ماك بس الوانج رهيييييبه?

 

[ام سعود ديكسون]

هلا ماكيات

سباركل شدوات الستايل بلاك ناطرتهم بس شكلهم مطولين علي ما ينزلون عندنا و نازل معاهم لون خامس جديد

و بلاشرات ماك مو نمبر ون بس أنا احبها لنعومتها و البغمنت مرات ما ألاقي له شبيه بالنعومة

المنراليز صاجة يا سباركل كذا مرة احط منهم و أنسال شنو ماركة البلشر 

اللي يبي شي حلو عن تجربة >>> جيرلان كلينيك ايف سان لوران
بوبي براون الشيمر بريك بس العادي ما جربتهم 

 

[Roty]

عليكم بالعافيه بنات

 

[Daydreams]

باجي مشترياتي من الصيدليه وسيفورا






فاونديشنات وإضاءات واللذي منه

بنات اي سؤال أو استفسار انا بالخدمة :eh_s(8):

عليك بالف عافيه .. عشقي الفاونديشنات والاضاءت واللذي منه :d

 

[سكر_قطر]

مسا الخير خواتي اشحالكم

الله يوفقكم في امتحاناتكم

ادعولي الغبار عذبني عندي ربو وجيوب انفيه والجو الله المستعان

مدمنات ماك القطريات اليوم ماك مخرف ما حددوا متى الكولكشن.

يمكن ينزل. ريل سكسي الثلاثا وينزل الاكسترا السبت لين الحين ما تاكدوا من الوكيل

او ما توصلني الاخبار بسدحها لكم

سؤال خارجي بنات قطر نزل عندنا الليب باتر ريفلون والا لا ما ابي اتعني اذا شفتوه علموني والله لا يحرمني منكم


مس ايلقنس مشكوره يا قلبي

ماتشوفين شر حبيبتي

بالنسبه حق ريفلون, انا امس كنت في سنتربوينت اسألهم وقالوا لي الستوك موجود في المخازن بس بنطلعه للزباين عقب شهر :eh_s(4):

انا اعتقد ان ماوصل
او وصل وبينزل قبل الشهر

شدعوه شهر فالمخازن احس بيخيس من الحر :eh_s(4):

 

[سكر_قطر]

مزيان الروح

عليج بالعافيه حبيبتي

اغراضج وايد حلوة واختيار موفق

ممكن اسألج كم درجتج في ماك

لاني حابه اطلب من فاونديشن شوايمورا ومحتارة فالدرجه

ابي شي جدا طبيعي

 

[فواصل]

al3neda


ما تشوفين شر

يا حبيبتي

وتسلمين على هالخبريات

 

[ملكة على عرشي]

.



صباح الخير


Style black شدواته مته بتنزل ولا موجوده

وسؤال شاطح شوي بس متأزمه

بشرتي جافه ذي الفتره رشحولي كريم للوجه وكريم مرطب ومغذي لمنطقه حول العين

 

[أمواج البحر]

ملكه جربي كريمات كلينيك وايد حلوين للبشره

 

[ملكة على عرشي]

ملكه جربي كريمات كلينيك وايد حلوين للبشره

تسلمين ياقلبي يعطيك الف عافيه :eh_s(7):

 

[Sparkle]

.



صباح الخير


Style black شدواته مته بتنزل ولا موجوده

وسؤال شاطح شوي بس متأزمه

بشرتي جافه ذي الفتره رشحولي كريم للوجه وكريم مرطب ومغذي لمنطقه حول العين

صباح النور

نزلوا من زمان بس ما أدري اذا نزلوهم بالخليج
http://www.temptalia.com/mac-mineralize-eyeshadows-for-2012-review-photos-swatches

وموجودين اب موقع ماك
http://www.maccosmetics.com/product/shaded/154/781/Mineralize-Eye-Shadow/index.tmpl


لترطيب البشره عندج مرطب من Clarins للبشره العاديه أو الجافه

و من Clinique عندهم مجموعه للبشره الجافه اسمها Moisture surge بخاخ للويه وكريم للعين ومرطب

 

[ام سعود ديكسون]

سلامات العنيدة الظاهر موجة الغبار مغطية منطقة الخليج

ملكة اضم صوتي لهم كلينيك ممتازة
و خففي منظفات قوية للبشرة يمكن تخدشها و تجفف لج منطقة العيون و غيرها
جربي تمسحين المكياج بزيت زيتون لمدة جم يوم و بدلي الصابون بغسول جونسن الوردي
او مناديل ازالة المكياج من جونسن

 

[عسوله ودلوعه]

انا بشرتي مختلطة ولا ناسبني كلينك ماحبيته ، نصيحه للويه روحي لأخصائية جلديه أفضل ..

 

[Vampira]

هلا بنات وماكيات شخباركم الحين باجر الكولكشن خلاص؟ مادري شفيني حماس اول غيررررر مع كولكشنات ماك كله منه الله يهداه كولكشن ببطن كولكشن اركد هههههه

علي قولة واحده من رفيجاتنا اليوتيبيات شعار ماك make a lot of cash واهي صاجه المفروض بين الكولكشنات فترة طووووويله يمدينا نجرب

المهم كل واحده تقولي اي فرع بتروح انا بروح الافنيوز لانه ابي امر انجلوت بسويلي باليت بخاطري لسفر بس الوان طبيعيه ايشدواتهم وايد حلوة
بس انشالله الحق علي شي لانه بروح علي 4 العصر او 5 بشوف الايشدوات اذا اعجبوني بطخهم كلهم ههههه والهايلايت بس واحد لانه عندي واييييييييد وهذيلمايخلصون
ريل سكسي ابي الحمره والايشدو ديو بختارلي لانه يمدحونهم

طبعا الفرش نزلوا من قبل وعندي منهم بس اللي طافوها لازم تاخذه واحده علي الاقل وارشح 234 انا احط فيها الكونسيلر وبالجهة الثانية ادمج
مالت الوي ماحبيتها وايد بس فكرتها حلوة

 

[Vampira]

.



صباح الخير


Style black شدواته مته بتنزل ولا موجوده

وسؤال شاطح شوي بس متأزمه

بشرتي جافه ذي الفتره رشحولي كريم للوجه وكريم مرطب ومغذي لمنطقه حول العين

العين ديور حلو
الوجه من لاين hydramax + active للبشره الجافه من شانيل

بس انتي جم عمرج ؟

 

[ملكة على عرشي]

Sparkle
ام سعود ديكسون
عسوله ودلوعه
Vampira


الله يجزاكم الجنه ماننحرم منكم يااارب تسلمون بنات

 

[مزيان الروح]

الله يعافيكم بنات مشكورين

مزيان الروح

عليج بالعافيه حبيبتي

اغراضج وايد حلوة واختيار موفق

ممكن اسألج كم درجتج في ماك

لاني حابه اطلب من فاونديشن شوايمورا ومحتارة فالدرجه

ابي شي جدا طبيعي

انا درجتي بماك nc 44 ودرجتي بشيو امورا rich beige 734