حابه تعرفين اكثر عن منتجات ماك .. حياج {{6}}

[BaiTotia]

هذا من ذوقج مراوي حبيبتي

فيغاس فولت ماحبها وايد لأن فاقعه وأنا بعد مو زود مع البرتقالي على المزاج

بس جربي خلطيها مع كابتيف يطلع لون عجيب

واللزقات ماجربت أخاف حدي معجون لول

 

[BaiTotia]

عسولة

ولكم باااااااااااااااااااااااااك

 

[عسوله ودلوعه]

هلا فيج بيتوتيه حياتي

والله قاعده اقراأ واستفيد من تجاربكم

 

[جيكره(و)تتغلى25]

مرحبا بنات ممكن تحطون صور الكولكشن الي راح ينزل ومتي بينزل؟

 

[عذبـة الاطبآع]

^ شكله مو نآزل إلأ قبل العيد

ومطول بعد

ماله اي خبررررر

 

[Sparkle]

مرحبا بنات ممكن تحطون صور الكولكشن الي راح ينزل ومتي بينزل؟

وكولكشن Heavenly Creature

نزل عند أمريكا وبريطانيا وغيرها ,,للحين ما نزل الكويت بس راح ينزل ..أنصحج تااخذين هل مقشر للويه وهمن تقدرين تستخدمينه على جسمج وأهوه مقشر بخلاصة طين البركان وسكر خشن صج يتخلص من الجلد الميت وتحسين ويهج نااعم والحلو فيه لما تغسلينه تحسين بنوع من الحراره الخفيفه على الويه بسبة طين البركان اسمه
Volcanic ash exfoliator

وهذوله بقية المنتجات لكولكشن Heavenly Creature

ما أقدر أقولج نشو تاخذين من هل كولكشن غير المقشر للويه أنا عندي الوان شادوات وام اس اف وايد فالألوان مكرره بنسبه لي بس يمكن أنتي ما عندج مثلهم,,فأخذي الي يعجبج

الحمر
Review & Swatches: MAC Heavenly Creature Lipsticks | Allura

غلوسات
Review & Swatches: MAC Heavenly Creature Cremesheen Glasses | Allura

بودرة ال MSF واهيا بودرة اضاءه توزعينه على عظمة الخد وبعضهم تقدرين تستخدمينه كإضاءه أو بلشر على حسب درجته
Review & Swatches: MAC Heavenly Creature Mineralize Skinfinishes | Allura


بلشرات مينرال
Review & Swatches: MAC Heavenly Creature Mineralize Blushes | Allura

شادوات مينرال
Review & Swatches: MAC Heavenly Creature Mineralize Eye Shadows | Allura

 

[ام سعود ديكسون]

مو متحمسة للكولكشن كثر المقشر يا سوسو>>> ما اوصيج أخذي منه باك اب

احس وايد عند ديوبز >>> شكلي بتركد هالمرة

بيتوتية الديور منزلين درجة وحدة من الهايدرا لايف بي بي كريم
أهي حنطاوية لونها ناشرال لا هي فاتحة ولااهي غامجة

مراوي حبيبتي لج وحشة
اي صيري خوش مرررة اشتري الحمرتين و قبي من ماك
الله يا أنا تصير وياي الحركة و اقوم اشتري شغلات مو محتاجتها
و انسي الغرض اللي تعنيت له باشتريه ~~ زهايمر اسم الله علينا

 

[BaiTotia]

أم سعود

شريت ديور بي بي كريم

للحين ماجربته بس مو مكتوب أويل فري وفيه نوعين نوع ترطيب ونوع عادي

أنا أخذت العادي

وأخذت الكونسيلر بعد

والحمد لله أرتحت على مال لامير أخذت أفتح درجة

 

[BaiTotia]

وأنا بعد أبي المقشرررررررررررر بس ليش المليقين مانزلوا معاه الماسك أبيه

 

[ام سعود ديكسون]

اي الماسك الحراري عجيب عاد أنا عيزت ادور ماسك بيوريه الحراري القديم
اذا خابرته بيتوتية >>> سباركل ناصحتني فيه
اخر شي رسيت علي ماسك من مركز سلطان الجملة اسمه perfect بالطين البركاني
http://files2.fatakat.com/2011/7/13100430257717.jpg
و سنفرة lush السودااا مصنوعة من الفحم الجاركول 

ما راح انطر علي ما ماك يتكرمون و ينزلون ماسك وسنفرة
الا البشرة تحفرت و راحت فيها المسامات لووووول

بيتوتية شوقتيني علي لامير بالعافية حبيبتي
أنا bb الديور عطوني اياه هدية سامبل صغير جربته علي ايدي اول ما رديت البيت
>>> كنت شارية عطور شيري و أدكت شاين عاد ما حسيته يزيت شكله حلو ع الايد حتي بدون بودرة

 

[BaiTotia]

أم سعود

المقشر والماسك مالوت ماك ماجربتهم بس ماشاالله أنتوا تمدحون وحتى بالبلوقات

فتشوقت أجربه

والمفروض ماك يخليه بيرمننت دام إنه لاين ناجح!!!!

الحين الصبح بس قمت استخدم السن بلوك بلون بدون شي تحته حتى بيس مالي خلق وفوقه نتفة لوس باودر أثبته وكونسيلر تحت العين

الشير قلو تبع نارس طلعلي حبوب بويهي والحين أعالج والحمد لله خف

مع إنه إينن عالبشرة بس ماناسبني مو قصدي الفاونديشن مو حلو بالعكس جني مو حاطه شي بس مايناسب البشرة الدهنية

بخليه بس للمناسبات والزوارات

علشان جذي مابي شي فيه أويل كلللللللللللللللش

 

[BaiTotia]

هالأيام هابة بمحدد سباااااايس و سبكلتشر مع حمرة فوكس تهبل وتنت بودي شوب أخلط فيهم

حدهم حلوين مع الصيف

ومبتعدة عن الغوامج

والحين كل وحده تقول شنو أكثر حمرة وردية تحبونها من ماك (الوردي الهادي اللي تحسونه حلو وينور الويهه حتى من دون فاونديشن)

وإذا في ماركات ثانية قولوا خل نستفيد

 

[ام سعود ديكسون]

حسافة بيتوتية انه ما ناسبج 

أنا ناوية أحط بس بودرة msf natural medium حق نهار رمضان
و انشالله تعودونه علي خير مبارك عليكم الشهر قبل الكل 

اي استغرب منهم ماك
جنه الطين البركاني بيخلص
عاد ما شالله كل جم سنة يثور بركان
>>>> ما ادري ليش مستفقرين يخلونه برماننت لاين 

 

[BaiTotia]

أم سعود

علينا وعليج وأنتي بخييييييييييير يارب

خلج على كريم حماية وبس أريح والله

والشير قلو وايد حلو مابي أظلمه لأن خفيف ويغطي ماجنج حاطه شي بس بما إنه مو للبشرة الدهنية صعب استخدمه يومي

وأنا بشرتي مصنع دهوووووووووون من دون شي تفرز دهن حتى الدكتور لما أروح له غاسلة ويهي مايصدق ماشاالله

يقولي إنتي أكيد حاطه مرطب لول

 

[ام سعود ديكسون]

اي حتي أنا مصنع دهون الله وكيلج 
بس اللي مخليني شوي اسيطر ع الوضع أني اطبطب فوق مكياجي ب بودرة mufe hd اللوز البيضا خاصة صوب الخشم و التي زون
واكمل مكياجي عقب و يثبت

الورديات اللي حبيتهم من ماك وايد بس ما تجرأ بدون كريم اساس و بودرة و فل ميك اب
بسدح لج جم وحدة
Lovelorn
Shygirl
Faux
Please me
Kinda sexy
هذولي اهدأ الورديات اللي عندي و يمكن يطلعون حلوين ع البير سكن

 

[BaiTotia]

أم سعود

عندي فوكس و حلوه مع ميكب ناعم

وكيندا سكسي كلش مو شي على ويهي أصير مريضة بس هذي مشمشية جنه!!!؟

اللي باخذها المرة الياية بليز مي

 

[مراوي22]

صبح صبح عالحلوين

أمس وصلت طلبيتي من ماك

بس إستلمتها متأخر يعني كلش مامداني ألعب فيهم بس أكيد بطلت الوحيد إلي بموت عليه والباقي قلت باجر على سعه أبطلهم وأتمقل فيهم كنت حدي تعبانه ودايخه وطبعاً المكياج يبيله مزاج وروقان



هذي حصيلتي إن شاء الله اليوم أشتغل عليهم وأصورهم عدل مدل



هذي المظلوم في الكوليكشن إلي الكل خايف منه ويقولون غامج جوفو إشحلاته :krkrkr:


عاد تدرون تمنيت اللون الغامج يكون أكثر من جذي :eh_s(10):





طبعاً كالعاده الصور مو طالعه عدل صورت بالايفون وصورت بالبيبي نفس الشي :eh_s(4):

 

[مراوي22]

مراوي حبيبتي لج وحشة
اي صيري خوش مرررة اشتري الحمرتين و قبي من ماك
الله يا أنا تصير وياي الحركة و اقوم اشتري شغلات مو محتاجتها
و انسي الغرض اللي تعنيت له باشتريه ~~ زهايمر اسم الله علينا

:eh_s(2):

:eh_s(2):

جذي تسون فيني إنتي وبيتوتيه

:eh_s(2):

:eh_s(2):


الله يسامحكم

يعني ماتحجيتو قبل عن السكراب عشان أخمطه ويا الحبايب :eh_s(4):


:krkrkr:ضحكتيني قبي من ماك :krkrkr:والله آنه أسحب روحي ريولي ماتطاوعني شي يسحب شي أتحداج تروحين صوب الحمر كل حمره تجوفينها تحسينها يديده عليج بس تقبلينها تجوفين الاسم إلا عندج منها وايد تصيدني هالحركه عيوني تطلع من مكانها وتصير قلوب أول ما أقلب الحمره أقول ووووي عندي منها

بس هالسكراب دش راسي الكل يمدحه حتى سوسو تقول حلو شوقتوني له

 

[ام سعود ديكسون]

وي مراوي حسبالي تدرين عن السكراب 


امبلا مراوي اكثر شي مع الحمر الحمراااااا رشن رد
و روبي وو و سو جوود اقول ش هالحلو !!! أكيد لون ما عندي منه
و يطلع عندي و حاطته مليون مرة

عجيبين ما شالله كشكل بس انطر السواتشز
او بالاحري ساعات ألوان ماك تتشابه بالدمج اذا خذتيه بالفرشاة ع شكل swirl
بالعافية حبي مراوي 

 

[BaiTotia]

مراوي

عليج بالعاااااااااااااااااااافية

يلا طلبيه مرة ثانية ههههههههههه