حادث سيارة بسيط ما همني بس اللي همني موقف اللي دعمتني :(

[اميره1980]

ليش تقولين وقحه
البنت ما سوت شي غلط
اذا كان قصدج دعمتج فهذا مو بيدها قضاء وقدر وكلنا دعمنا واندعمنا
واذا كان قصدج مانزلت وماسكه التلفون يمكن ابوها او اخواهااو زوجها قايلها لا تنزلين دام الحادث مافيه اصابات قويه
ويمكن اهيا حياويه ما تحب تنزل بنص الشارع..والتلفون كانت تكلم احد من اهلها ولا الدوريه

واذا قصدج على فلوس التصليح يمك البنت عندها تامين يدفع عنها .. واذا سيارتها متضرر بعد اهيا تحتاج ورقة حادث للتصليح ومو كل من هب ودب دعمته اروح ادفع له 30 وولا 20

انتي مبين عليج حاره وعصبيه
هدي هدي البنت ما سوت شي ومشت على الشي اللي الكل يمشي عليه وهو اننا ندق عالدوريه

انا ما همني الفلوس عند ريولي
اللي هامني حتى لو ما نزلت من السيارة لو مجرد اعتذار او تسالني صارلج شي للاطمئنان بس مو قاعدة تقاوح وياي و لسانها طويل و اسلوبها شوارعي

بس اللي باين ان مو بروحها اللي جذي اشكالها وايد

 

[amoon]

الحمدلله على سلامتج
قليلة ادب هالابنيه

 

[catwiti]

واااااااااااااااااااااااااي شهالاخلاااااااااااااااااااااااااااق هاذي قطع وقحه زين منج صبرتي عليها

 

[كيميائيه]

شفيهم البنات انجنو واقعدو الحمدلله والشكر
الحمدلله على سلامتج وبالسياره ولا فيج
وترى في بنات مايعرفون الحيا كلش الله لايبلانا
لاتستغربين لان احنا بزمن العجايب

 

[قدساويه!!]

حسبي الله ونعم الوكيل

 

[Miss Moma]

لوووول نكته هذي انه قاعده تقرق بالتلفون شكلها متعودة ماهتزت

أول شي خطاج السو بالحديد ولا فيج بس حبيبتي ترى صح اهيا مو ملزومه تدفع التأمين يدفعلج بس لازم ورقة مخفر يعني اهيا حره بس كلمتها صج تحرررر عادي ادش مخفر المفروض اهلها مع اهلج يتفاهمون بس القانون انه التأمين يدفعلج ومعوضه انشالله

 

[zqertya]

خطاج السوء حبيبتي
عادي اشكالها وايد بالشارع انا واحد حدني ولا بعد حك سيارتي زلقها ولما وقفنا قاعد يصارخ جني انا الغلطانه مو هو اخر شي انحاش وانا نسيت اسجل رقم سيارته اللي يقهر انه ماعتذر ولا شي بس قاعد يصرخ قطيعه تقطع هالاشكال

 

[الغدق]

وووي بتعيشين واتشوفين
بس صراااحة انا لو مكانج ماأنزل
جان من أول مره نزلتي كلمتيها تبين تفاهمين مارضت
اخذي رقم السيارة ودقي على الشرطة وخلاااااص
وخطاج السوء

 

[يا لون المطر]

..







الحمدلله على سلامتج يا قلبي ,,

وبالحديد ولا فيج ..

وإلي تقول البنت ماغلطت .. لا إغلطت !..

وهاذي وقاحه ومو منطق !.. خايفه تنزل ؟؟.. حتى إلي إندعمت بنت ونزلت ..

تكلم أبوها !.. طيب ولو .. في شي إسمه إعتذار !..

بس صج لاقالو .. ( إن لم تستح .. ففعل ما شئت ) ..