حاسه اني سخيفه

[عود ماليزي]

انا تزوجت زوجي من 8 سنوات مانكر انه يحبني بس هو عصبي حيل ليما الحين ماقدر اتعامل معاه والله طلبت الطلاق اكثر من مرة بس في اخر لحظه اتذكر عيالي واهون عصبيته مو طبيعيه لدرجه اني يكسر كل شي قدامه وانا والله اخاف وكل شي طبعا جدام عيالي المهم اما لما تصير اي سالفه معاه تلقيني احط الحرة في خالته اللي خطبتني له احس انها ظلمتني اهي مو كبيرة وايد عشان جذيه اخذ راحتي بالكلام معاها انا ادري اني بايخه بهالتصرف والحين انا متحسفه لاني ضايقتها بس شسوي من القهر انا ماقول لاهلي شي لانهم حالفين انهم يطلقوني منه لو ازعل مرة ثانيه وهذا اللي خايفه منه
قولولي شسوي ؟؟

 

[روحي تحبه غصب]

حبيبتي وين سخافتج بالسالفه

ليش ماتعزين نفسج وتشوفين انج صبرتي وتحملتي عشان عيالج اللي انشالله بيعوضونج عن اللي راح

وخالته عادي تموووون لانها تلاقينها مقدره الوضع اللي انتي فيه وتلاقينها مفتشله لانها ظلمتج


وعلى ريلج دايما ادعي له بالهدايه

 

[& مــشــايــخ &]

منتي سخيفه ولاشي ولا تشكين لخالته مهما كان تظل من اهله وموحلوه بحقج اهل زوجج يدرون باللي بينكم ترا اكثر الرياجيل نفس طقة زوجج

يقولون العصبي قلبه طيب وانتي اكيد ماصبرج طول هالسنين الا اسباب ثانيه حلوه فيه

الله يعينج يااختي ومالج الا الدعاء وتجنبي تعصبينه جدام العيال مالهم ذنب انتي صبرتي على ابوهم عشانهم

لاتطلعينهم معقدين من كثر مايشوفون اللي بينكم

والله يا اختي الحريم صابرين على أخس

الله يفرج همج

 

[انا مو هني]

وشكووو هالمرااا الي كل ماتهاوشتي مع زوجج نكدتي عليها عيشتها وسمعتيها كلام يغث عاتبينفسج لان انتي الي وافقتي عليه محد طقج على ايدج ترااا راح تتحاسبين عليهاا يوم القيامه ترا العيايز والحريم الكبار بركا المفروض تعاملينها مثل ما تعاملين امج
لان كلمن يعامل الناس بطيب اصلا
اذا اصلج طيب بتعاملينها بطيب وادب والعكس صحيح
اما سالفه زوجج ترا مافي انسان لمن يعصب مايشوف جداما كثر ريلي بس عادي الحياه سعيدا اطوف وبروحا يعرف ان اهوا غلطان لمن تحقرينا وماتراددينه بيعرف ان اهوا الغلطان
واي شي يكسرا قوليلا من باجر يشتريه عشان يحس ويتصرف عدل مرا ثانيا
وشكرا

 

[انا مو هني]

وشكووو هالمرااا الي كل ماتهاوشتي مع زوجج نكدتي عليها عيشتها وسمعتيها كلام يغث عاتبينفسج لان انتي الي وافقتي عليه محد طقج على ايدج ترااا راح تتحاسبين عليهاا يوم القيامه ترا العيايز والحريم الكبار بركا المفروض تعاملينها مثل ما تعاملين امج
لان كلمن يعامل الناس بطيب اصلا
اذا اصلج طيب بتعاملينها بطيب وادب والعكس صحيح
اما سالفه زوجج ترا مافي انسان لمن يعصب مايشوف جداما كثر ريلي بس عادي الحياه سعيدا اطوف وبروحا يعرف ان اهوا غلطان لمن تحقرينا وماتراددينه بيعرف ان اهوا الغلطان
واي شي يكسرا قوليلا من باجر يشتريه عشان يحس ويتصرف عدل مرا ثانيا
وشكرا

 

[Lovley]

أكيد فيه شي زين اهو اللي خلاج تحملين هالسنين و تصبرين عليه و انتي اللحين اكيد توج متهاوشه وياه عشان جذي تنبين تطلقين
شوفي مميزاته قبل عيوبه و بيحلى بعينج و شوفي شلون بتكون حياتج اذا تطلقتي و شنو بيسون عيالج هل راح يكون وضعكم احسن ولا لا واستخيري و الله يهديه و تهدى النفوس و يصلح ما بينكم
و المره المسكينه ما لها شغل ان اهو عصبي و شي صار و خلص

 

[qloopcom]

الله يعينج عليه والله حاسه فيج ... بس ميخالف صبري عشان عيالج
وادعيله الله يهدي

 

[اليوم السابع]

والله لا خالته ولا انت ولا هو اللي خلاكم تزوجون بعض ياحبيبتي هذا نصيبك وانت نصيبه من كنتوا في بطون امهاتكم والله كاتبكم لبعض وخالته سبه سببها الله سبحانه وتعالى عشان يتم الزواج يعني اهو زوجج زوجج عن طريق خالته او عن طريق اي انسان ثاني وحمدي ربك والخاله المفروض تكبر في عينك بمجرد انها اختارتج من بين البنات بغض النظر عن نجاح الزواج او فشله

 

[kuwaitya_zoGaa]

مسكينه خالته هذا يزاها اذكرتج حق ولد اختها علشان ياخذج ؟؟
واهيا شكو مسكينه اشدراها ان الولد عصبي لى هالدرجه ؟؟ تعوذى من ابليس وطيبي خاطر المره ماسوت عليها زوجت ولد اختها
وزوجج حاولى تتعاملين معاه عدل ... يعنى اذا شفتيه معصب تحاشية ... شفتيه معصب وماينتحاجا سكري الموضوع
واذا صارخ وقام يعصب لا تراددينه ولا ترفعين حسج ... وبعدين اهوه ماتجرأ وتمادا الا لانه مو مصدق انج ماتوصلين هالسوالف لاهلج وماشاف تصرف قوى يعدله لج ...

 

[مدام زيزو]

رد : حاسه اني سخيفه

تذكري زينه وانسي شينه

 

[روحي ابوي]

ماعليه انتي الحين تكدرة منه.. حبيبتي خالته مالها شغل بمشاكلكم..حراااام ماتسوى عليهاااا ’’حطي نفسج مكانهاااا .. والله احرااااج .. استهدي

بالله وتعوذي من ا بلس.. تذكري صفاته الزينه وعشان عيالج وكل شي ينحل بتفاهم.. الله يهديكم حق بعض

 

[احب المنتدى]

رد : حاسه اني سخيفه

مايصير تحطين الحره بخالته عيب و هذي مهما كانت خالته و لو ماتحبج ماخطبتج

الله يهديكم بس همن شوفي شنو الغلط الي فيج مو كل شي بالرياييل

 

[ام كوشه منكووشه]

رد : حاسه اني سخيفه

الله يهديه لج ويسخره ، ماله داعي تغلطين على خالته وتلومينها كل ما عصب ريلج عليج اهى مسكينه سعت لج بالخير وبعدين يمكن انتى ما حاولتي تناقشين ريلج بخصوص عصبيته وان خلافاتكم لازم ماتكون جدام اعيالكم ناقشيه بهدوء وشرحي له اثار خلافاتكم على اعيالكم وعلى علاقتكم ببعض

 

[احلى سماء]

حاولي تجنبين عصبيته قد ماتقدرين

وباوقات يكون هادي ورايق قوليله ان مايصير يحذف عليج والا يطقج قدام عيالج
لان راح ما يحترمونج بعدين ولا راح يحترمونه
لان حالج من حاله هو والد وانتي والده

 

[eman84]

الله يعينج عليه

 

[جروح خالده]

مالي داعي حركتج كل ماتهاوشتي راحتي لخالته !!

اهي شكو تهاوشينها مفروض ماادخلينها بمشاكلج ... يامن شراله من حلاله عله
احمدي ربج ان اذكرتج لولد اختها يعني تعزج وتغليج عشان جذي خذتج لولد اختها

تفاهمي مع زوجج علي المشااكل مو تحطين حرتج بغيررج

 

[اميره1980]

المره شكووووووووو

الله يهديه لج يا رب

 

[miss_math]

رد : حاسه اني سخيفه

الله يهديه لج

فيه موضوع رائع للاخت ابتسامه عن عصبية الزوج

اقريه وان شاء الله تستفيدين

 

[حبـ admant ـك]

مسكينه شنو ذنبها لما تحطين الحره فيها
يزاها مسكينه تبي توفق راسين بالحلال
روحي له وتأسفي منها واخذي بخاطرها
ومشاكلج مع زوجج خليها بينج وبينه

 

[تنـــاســـانــي]

وييه و هالمسجينه شكوو ،، و ليش تقولين ظالمتج لانها خطبتج حق ولد اختها @@

زين منها اذكرتج ،، و ترى العصبيه مو شي مو زين علشان تخلينها ظالمتج ،،

اذا انتي متحسفه على اللي سويتيه معاها تعذريلها ،، و تسامحي منها ،، و لا ادخلينها بمشاكلج ،،

ابوي يعصب لمن يسمعنه نضحك ،، ريلج جذي ؟؟

ابوي يعصب لمن اقوله مادري ،، ريلج جذي ؟؟

ابوي يعصب لمن يكون يوعان ،، ريلج جذي ؟؟

ترى اتفه من جذي مافي بس كاهي امي صارلها 29 سنه معاه ما طلبت الطلاق ولا راحت و تهاوشت مع اللي خطبتها !

ذكري محاسنه قبل كل شي و تحملي عصبيته بعد شتسوين ..