حاسه اني سخيفه

[I don’t care]

الله يعينك

 

[t0o0fa]

انتي خليج ذكيه ..

و إمتصي غضبه و عرفي شلون تتعاملين مع عصبيته

ترا مو زين عليج ترددين طاري الطلاق

و كونج هونتي بأخر لحظه عشان عيالج هذا مو كافي !!

انتي حسبالج نفسية عيالج مستقره جذي ؟

انا عشت في بيئة يمكن مثل اللي انتي عايشتها

ابوي عصبي حيل .. يفور على أبسط شي و امي هاديه

و توصل فيه مثل ما قلتي أحيانا يحذف اللي بيده ولا يتكلم او يجرح

توصل انه يتكلم عن اهل امي .. و أكيد مافي وحده ترضا هالشي على نفسها

لكن لو أقولج عن طيبة قلب أبوي ما أوفيه حقه

لا يغرج الظاهر

الريال لما يعصب ممكن يقول أي شي .. انتي سكتي و سمعيي

لكن حاولي تبعدين عيالج عن هالجو

و اذا سكتي وما راددتيه صدقيني اهو ترا يعرف نفسه

يعرف انه غلط .. و راح يحاول يراضيج حتى لو ما قال أسف

ممكن يسوي شغله تحبينها أو إييبلج شي تحبينه عشان يطيب خاطرج

و عيالج فهميهم انه هذا شي طبيعي جدا و يحصل في كل بيت

و البابا لما يعصب مو معناته إنه شرير أو ما يحبنا

و زرعي الثقة بنفوسهم و طردي الخوف

و غرسي الاحترام حق ابوهم مهما سوه و دايمن ذكريهم بالشغلات الحلوه اللي فيه

لو أقولج عن ابوي لما يكون هادي و رايق .. أحلى منه مااافيييه

غشمري و يحب الضحك و سواالفه ما تنمل وويهه يفتح النفس

لكن .. لكل حصان كبوه

و صدقيني اذا ظليتي ساكته و تسمعينه كأنه يقول كلام مهم

راح يقدرج هالشي بالنهاية حتى لو في لحظتها ما اهتم

لكن اكيد هو " رجال " بمعنى الكلمه .. و الرجال تنقع بعينه أصغر الامور

و دايمن إدعي بصلاتج و سجودج انه الله يهدي باله

و اذا كان هادي قوليله يا بو فلان العصبيه مو زينه لك

اخاف على صحتك و من هالكلام

قوليله مو عن شي .. انا مرتك و عصبيتك عسل على قلبي

لكن صحتك عندي بالدنيا .. حاول تمسك اعصابك شويه و جذي

و الحين صلي لج ركعتين و ذكري الله و طردي ابليس عنج

مو على أي شي الوحده تفكر بالطلاق ديري بالج

لو امي نفسج !! جان من زمان تطلقت من ابوي

لكنها عرفت شلون تمتص غضب ابوي

و هالشي ترا يزيد الحب بينكم

لما تسوين جذي راح يحبج أكثر و تكبرين بعينه

و بالنسبة عن خالته .. عقب ما تهدين و تروقين بالج

دقي استسمحي منها .. قولي يا ام فلان انا كنت مضايقه شوي منه

و هذا كله من الشيطان ..

وعلى طاري الشيطان ترا هو اللي يزين فكرة الطلاق براسج لانه يحب يفرق بين الازواج

ديري بالج منه و دايمن تعوذي منه و استغفري و ذكري الله

و عيالج مثل ما وصيتج انتبهي على نفسيتهم

لانه انا تأثرت شوي من عصبية ابوي

و صرت خوافه و أستحي وايد و نوعا ما ثقتي بنفسي مهزوزه

بس الحمدلله تجاوزت هالشي

و سامحيني طولت عليج .. ​

 

[brettey]

رد : حاسه اني سخيفه

عليج بالدعاء وصلاه الليل انس شي اسمه طلاق وانتي عندج منه عيال

 

[حرم_طيار]

رد : حاسه اني سخيفه

الله يهديه لج يا رب

 

[رحيل المرافيء]

رد : حاسه اني سخيفه

انتي قلتي له انج تبين الطلااق ؟؟؟ يمكن اذا قلتي له يطخ شوي
وكلميه قوليله عشان العيال مايطلعوون معقدين ويمكن ينحاشون من البيت من عصبيتك خرعيه
وخلوا هواشكم بعيد عنهم
وخل يعالج عند معالجين نفسيين
ودايما سوي له عصير ليمون بالنعناع بارد يهدي الاعصاب

 

[أبله كويتيه]

الله يعينج ويسخره لج

تحملي حبيبتي يمكن الله يهديه

عاد الريال العصبي طبعه جذي مانقدر نسوي شي نغيره

ادعي ربج يسخره لج والله يعينج

 

[Daleela]

المره السنعة اهيا اللي تعدل بصفات ريلها اللي مو زينة يعني اهو عصبي ويكسر شنو تسوين تحقرين واذا سأل سؤال تردين بكلمة لا وبنفسية

بعد

واذا قالج شفيج قولي لمن كنت في بيت اهلى كنت معززة ومكرمة محد يصرخ ولا يكسر

يعني حسسيه بتأنيب الضمير وجذي

والله يسخره لج

وخالتج مالها شغل

اانا اكثر حركه تنرفزني لمن احد يحط حرته فيني

اهيا شعليها اوكي خطبتج له بس الولد ما يزني ما يشرب ما يخونج

يعني العصبيه ممكن يبرد مع الوقت

 

[عود ماليزي]

رد : حاسه اني سخيفه

مشكورين حبايبي ما قصرتو على النصايح الحلوة

 

[.،:"$الـعـوبــــة$":،.]

لا منتي سخيفة وطبيعي تضايقين !
بس الحين انتي قلتي يكسر ويعصب ! المهم يمد ايده ؟ اذا مايمد ايده خليه يكسر على لين يطخ !
وبعدين قوليله ترى بكرة عيالك يسوون نفسك ! وماله داعي هالعصبية كل شي بالتفاهم والنقاش ينحل !
وخالته مسيكينة ماتسوى عليها اختارتك ، وماظنيت انها تعرف ان هذا طبعه !
المهم تصبري وحاولي تناقشينه اذا كان رايق بس !​

 

[lovely jojo]

لا والله منتي سخيفة انتي وحدة منقثة من اللي يصير فيج الله يكون بعونج

 

[afesa]

تحمليه وامرك لله ..شنو طلاق ؟؟لالا ما تسوه مدام انه يحبك خلاص انتي احتويه واذاعصب خليه ولا تجادلينه وايد ..ولما يهدى كلميه
ترى العصبيه اللي مثل هذي صعب انه الواحد يسيطر عليها ..والله يعينك

 

[BiiShOoO]

مسكينة شنو ذنبها خالته تحطين الحرة فيها؟

و بعدين اهيا ما جبرتج تاخذينه هذا نصيبج و دامج تحملتيه 8 سنوات معناته انج قادرة عليه و تبينه و لا جان من زمان تطلقتي منه

 

[~.. المياسة ..~]

الصراحه ماله داعي انج تحطين الحره في خالتج

لا تخلينها تصير ضدج الحين بتسكت بس بكره والله بتنفجر عليج

اما سالفة الطلاق احس ماله داعي والطلاق مو حل

لا تعطين مجال ان اهلج يتدخلون ولا يحاولون يطلقونج

قولي لهم هذي حياتي لا تطلقوني ولا شي

وعلى فكره ترى الطلاق موسهل الحين يمكن اغلب الناس واهلج وياج

بس بكره والله يغثونج بكم كلمه ولا مزح بدقه وماله داعي اليهال يبعدون عن ابوهم

وسالفة الطلاااااااااااااق شيليها من بالج ولا تطلبينه

واما عن عصبيته حاولي ما تجادلينه ولا تطولين النقاش معاه

الله يوفقج يارب ويسهل امرج

 

[عاشقة_الجمال]

حرام عليج

خالته مالها شغل تروحين تطلعين حرتج فيها

وبعدين عقب 8 سنين يايه تتحجيييييييييييين وتفكرين بالطلاق عشان عصبي

حمدي ربج ان مو راعي خرابيط ولا شرب ولا بنات

الله يهدييييييييييييييييييييييييييج

 

[DooLy88]

الله يهديه