حاطين عينهم على معاشي

[Cute Angel]

انا حاسه فيج وبمعاناتج وصدقيني هم مو كفو تعطينهم فلس

استغفر الله

هذول امهآ و أبووهآ

 

[LoloBlueStyle]

الله يعينج
وانشاء الله صرفج عليهم بميزان حسناتج

 

[مـــــــذهـلـة]

استغفر الله

هذول امهآ و أبووهآ

ادري حبيبتي انهم اهلها بس انتي شفتي لما قالت انهم طيروا تعب سنتين عالفاضي يعني حرام


وفوق هذا هم مو قاصرهم شيء بس ودهم ياخذون وانا قلت خل تعطيهم 40 ولا خمسين تبري ذمتها عند ربها

وبعدين مو.كل اهل يسمونهم اهل

يعني المفروض يوقفون معاها ويقدرون بس هم مو مقدرين ولاراحمينها حتى لو عندها ظرف الا تعطيهم وهم مو ناقصين وكل اخوانها موظفين

 

[عيش و مرق]

حبيبتي مافي الا طريقه وحده ادعي الفقر قدام اهلج ومولازم تفتحين عيونهم على راتبج ويدرون انج توفرين وقولي انج طشرتي فلوسج كلها على مطاعم غاليه مطيحه فيها او على ملبس ومصرف.او انه زوجج ياخذ فلوسج او اي شيء

وزوجج يخسي ياخذ فلس قولي له معاشج اغلبه لاهلج وان هذا واجب عليج تصرفين عليهم وانهم محتاجين

جزاج الله خير فتحتي عيوني شغله كنت غافله عنها صج اني هبله انا راح ابطل حساب من ورا اهلي لان ادري فيهم طماعين هذا وانا فقرانه وناهبيني

نفس ماقالت محد لحد الحين كل واحد يالله نفسي باجر لو تطيحين بضيجه قلبو ويهم عنج كله سوى روحج ماعندج

اعرف وحده الله يزيدها معاشه بروحه 2000 دينار وتشتغل شغلتين وكله تدعى الفقر وماعنهدهم فلوس واتطالعنى انا الى معاشي اقل من معاشاها وين رحت ووين يت حتى لو اروح البر ادق بتعرف متى برجع اتبط الجبد

 

[^kloOot^]

والله مادري انتى بصراحه ادرى بوالدتج الله يحفظها لج


بس شتسوين الاجر عند ربج انشالله




الله يعيييينج

 

[MELANO]

اظن الافضل انج تخصصين مبلغ شهريا لامج وابوج بس غيرهم لا تعطين

وغير هالمبلغ لا تعطين عاد انتى ومعرفتج بمصروفات الوالد والوالده

 

[ديرتي الغاليه]

الله يعينج!!!!!

 

[G!RLooNa]

واي الحمدالله اهلي مو جذي

بصراحه ما حب هالحركات ترفع ضغطي

 

[sweet fashion]

الله يعينج يااختي
كثري من الاستغفار تراه دواء وحل لكل الامور
وحاولي انج ماتبين جم راتبج وجم عندي وبرايي لحد يدري انج توفرين غير ربج ترا الدنيا تغيرت ماهي مثل اول
وامج وابوج لهم حق عليج عطيهم لكل واحد فيهم 50 لحد ماربي يفرجها عليج وربي ماينسا عبد يكون بار بوالدينه وماينسا حق والدينه

 

[alhnan]

اشكركم على الرد
جاري دراسة الوضع

 

[أدووويا]

up up

 

[Mig.MiG]

والله مادري شقول
بس ترى هذي امج لاتبخلين عليها

 

[@فطفوووطه@]

الله يعينج حبوبه ومن صبر قدر حاولي تكلمين ابوج يمكن يتفهم الوضع

 

[y7lok_7loho]

قولى لهم انا عندى جمعية واعندى التزامااات وخشى والله باجر مو نافعج غير معاشج ولا احد راح يلتفت لج

 

[مطيرية متواضعة]

ردود بعض الاخوات تحسسني انها بنت شوارع اعوذبالله مو جنه اهلها

ردود تقسي القلب واقول للي يدعون الفقر وماعندي ولاعندي بيجي يوم من ربي بتطيييييير كل الي جمعتوة ربي يرزق وهي تدعي الفقر ولاتحمده

تبين العين والحسد تبتعد عنج قولي الحمدلله قدام الناس وبينج وبين نفسج اما اتكلم كلام الشياطين وادعي الفقر

فهو طريق الفقر بكل صراحه واهلج وامج خااااصة عطيها وابوج شوفي لو راتبه قليل ساعديه مو قليل مو لازم دام هذا قلبج

 

[ليتني مـآ كبرت]

اللي تقول أدعي الفقر ترا باجر ربي بيبلاج صج بالفقر

(وأما بنعمة ربك فحدث ) ... أمج وأبوج لو تعطينهم دم قلبج ما راح توفينهم...

والله يزيدج من خيره...

 

[^^نـــواره^^]

اختي خلي في بالج ان أكثر واحد يحبج بهالدنيا اهو ( امك وابوك )
ومافيها شي يا اختي اذا قلتي لهم كم الراتب ..
لو اطلبوا منج ليش تزعلين او تتضايقين ؟؟؟؟
وليش تتضايقين اذا اعرفوا الرصيد ؟؟
ليش انتي نسيتي شنو سوا معاج وانتي صغيرة نسيتي فضلهم ؟؟
عشان الله ارزقج بالوظيفة والفلوس والمعاش ....نستيتي افعالج امج وتعبها معاج ؟؟ نسيتي ابوج ؟؟

والله انهم ابرك واحسن من الزوج ( ولد الناس ) اللي حاط عينة على الفلوس
لا وبعد مايستحي يطلب منج فلوس واهو عندة مو قاصرة شي الاخو !!!
ويكون طلب الزوج عسل على القلب اما الوالدين ثقييييييييييييييل ما ينبلع
لا وهمن يحرشج على اهلج ويبين نفسه اهو المحب والزوج الحارص على اهلة وعياله واهو ( خرطي )...
ويخليج بعد تقلبين على اهلج وتكرهينهم ( حسد اللهم ياكافي في قلب الزوج على اهل الزوجة )

اختي الرسول قال ( انت ومالك لأبيك )
والله امر في بر الوالدين
وهم ماراح يعيشون اكثر مما عاشوا ...
بري فيهم عشان يرضون عنج حتى لو بفلوس
الدنيا زواله والكل رايح ولا ينفع لا مال ولا بنون

(( يارب يارب تخلي لي اولادي وتخليهم يبرون فيني وفي ابوهم ليما نموت .. ياااااااارب))

معاها 100000000%

ولاتنسين اهما شكثر صرفوا عليج واتعبوا على تربيتج اصلا اقل شي تسوينه بحق اهلج انج تعطينهم فلوس كل شهر وصدقيني لو طلعت منج انتي ماراح يطلبون اكثر من اللي تعطينهم

لو كل شهر رحتي لامج وابوج وقلتي لهم انا ما اتهنى بمعاشي الا لما اعطيكم منه

صدقيني ربي بيارك لج في معاشج لو اهما 100 دينار ولا تنسين الحديث اللي ذكرته الاخت

عن جابر رضي الله عنه أن رجلاً قال: يا رسول الله إن لي مالاً وولداً ، وإن أبي يريد أن يجتاح مالي، فقال: "أنت ومالك لأبيك".
ولفظ أحمد وأبي داود عن عمرو بن شعيب عن أبيه عن جده أن أعرابيا أتى للنبي صلى الله عليه وسلم فقال : إن أبي يريد أن يجتاح مالي، فقال : " أنت ومالك لوالدك، إن أطيب ما أكلتم من كسبكم، وإنّ أولادكم من كسبكم فكلوه هنيئاً ".

 

[sho0omo0o3]

عادي يالغلا متعودين على هالشي كله بس ياخذون من البنات واما الصبيان لا حرام يعذرونهم

تحمليهم عطي امج 50 وابوج 50 وغيره لا اما زوجج اهو جنتج ونارج ان بغيتي تعطينه وان مابغيتي هذا راجعلج

قوليلهم مو قاعده اوفر وماعندي عشان اوفر

انا مثلج بس مرات ادش جمعيات واهم مايدرون عنها بس لان تعبت ماقدر اصرف على نفسي بشي يعجبني

والله يعيننا عليهم ويعينهم علينا

 

[توكلت على الله 22]

الله يعينج ويعيني نفس المشكله ويا ما عطيت وعنت وقت زواجات اخواني بالالوف وبالاخير ما احصل غير الشتم والسب ومو عاجبهم يبون اكثر لدرجة اني صرت ما ازورهم كل شهر وعاجبهم مايبون زيارتي اتكلف عليهم ثمن العشا هذا وانا امشي راتب لهم شهري ممن توظفت ليومي هذا
وبالاخير يقولون اشحلل الرجال ياخذ الراتب واحنا لا مع العلم ان اخواني مو ظفين وابوي له راتب تقاعد وامي تااااااااااااجرة دخلها الشهري اكثر من راتبي
الله يهديهم ويعينا وياجرنا

 

[كـ غلا ــلي]

لا تصيرين يا اختي حساسه واايد بالنسبه لي اللي ينخاف منهم الغرب مو الاهل يعني بالاخص

الخوات والام اخر ناس افكر انهم يطالعون جم دخل علي وجم وفرت بالعكس خلج عادي معاهم

ما فيها شي اذا عرفوا جم راتبج